Efesus 1:5 - Yesus Aqa Anjam Bole

⁵ Tulaŋ nami Qotei na iga qalaqalaigosiqa iga aqa segi aŋgro sqa marsiqa Yesus Kristus aqa wau na iga eleŋej. Qotei aqa segi areqalo na a degyej.

Efesus 1:5 ပူးပေါင်းရင်းမြစ်များ

Matyu 1:25

Ariya a Maria ombla ŋereŋosaioqneb. Gilsi gilsiq Maria a aŋgro mel ŋambabtej. Onaqa Josep na aŋgro di aqa ñam Yesus waiyej.

Matyu 11:26

Od, Abu, ni ino segi areqalo dauryosim agi degyeqnum.”

Luk 10:21

Bati deqa Qotei aqa Mondor a Yesus aqaq aisiq aqa areqalo siŋgilatetonaqa a tulaŋ areboleboleiyonaqa Qotei endegsi pailyej, “O Abu, ni segi laŋ qa ti mandam qa ti Koba. Deqa e ni biŋimosim ino ñam soqtonum. Ijo anjam e na tamo uŋgasari naŋgi minjreqnum qaji di ni na tamo powo ti unub qaji naŋgi qa ulitoqnsimqa tamo aŋgro du du bul naŋgi segi qa babteqnam naŋgi poinjreqnu. O Abu, ni degsim yeqnum di kere. Ni ino segi areqalo dauryosim agi degyeqnum.”

Luk 11:32

Osiqa marej, “Mondoŋ Qotei na tamo uŋgasari naŋgo une qa peginjrqa batiamqa Ninive tamo naŋgi tigelosibqa tamo uŋgasari bini bati endeqa unub qaji naŋgo kumbra uge boleq atetnjrqab. Di kiyaqa? Ninive tamo naŋgi nami Jona aqa anjam qusib are bulyeb deqa. Ariya bini tamo bei Jona tulaŋ buŋyejunu qaji a nuŋgo ambleqsi unu.” Yesus a a segi qa anjam degsi marej.

Luk 12:32

Osiqa Yesus a olo anjam endegsi minjrej, “O ijo kaja du du niŋgi ulaaib. Nuŋgo Abu a nami niŋgi qa osiqa endegsi merŋgej, ‘E nuŋgo Mandor Koba sosiy niŋgi taqatŋgwai.’ Qotei a nami degsi merŋgej.

Jon 1:12

Ariya tamo uŋgasari qudei naŋgi a areiyeb. Tamo uŋgasari naŋgi di aqa ñam qa naŋgo areqalo siŋgilateb qaji. Onaqa a na naŋgi giltnjrej. Yim naŋgi Qotei aqa aŋgro sqajqa deqa.

Jon 11:52

Bole, Yesus a Juda naŋgi segi qa moiqasai. Qotei aqa aŋgro kalil sawa bei beiq di unub qaji naŋgi qa ti moiqas. Moisim naŋgi kalil koroinjrimqa naŋgi aqa segi tamo uŋgasari sqab. Kaiafas a anjam di ubtsiq marej.

Jon 20:17

Onaqa Yesus na Maria minjej, “Ni e ojaim. Di kiyaqa? E ijo Abu aqaq oqosaiunum deqa. Ariya ni ijo was naŋgoq gilsim endegsi minjre, ‘Yesus a marqo, “E ijo Abu aqaq olo oqwai. Ijo Abu agi nuŋgo Abu dego. Ijo Qotei agi nuŋgo Qotei dego.” ’ Ni gilsim naŋgi degsi minjre.”

Aposel 13:48

Onaqa sawa bei bei qaji tamo naŋgi Pol aqa anjam di qusibqa naŋgi tulaŋ areboleboleinjrnaqa Tamo Koba Yesus aqa anjam biŋiyeb. Deqa qure dia tamo uŋgasari kalil Qotei na nami ŋambile gaigai sqajqa giltnjrej qaji naŋgi are bulyosib Yesus qa naŋgo areqalo siŋgilateb.

Rom 8:23

Iŋgi iŋgi kalil di naŋgi segi akamosai. Iga Qotei aqa Mondor ejunum deqa iga dego akamoqnsim unum. Qotei na aqa Mondor iga namo egej. Iga Qotei aqa aŋgro unum deqa iga dego jaqatiŋ oqnsim akamoqnsim unum. Mondoŋ Qotei na iga aqa segi aŋgro qa boleq na endegsi marqas, “Naŋgi ijo aŋgro kalil.” O was qu, bati di brantqajqa deqa iga tariŋoqnsim unum. Bati di brantimqa Qotei na gago jejamu bulyetgosim jejamu bunuj egwas.

1 Korin 1:1

E Pol. Kristus Yesus na e qariŋbej deqa e aqa anjam marsim laqnum. Qotei aqa segi areqalo na e merbej, “Ni ijo Aŋgro Yesus aqa anjam marsim laqne.” Onaqa e Qotei aqa areqalo di dauryosim agi e Yesus aqa anjam marsim laqnum. O was qu, aqo gago was Sostenes wo anjam endi neŋgreŋyosim niŋgi qa qariŋyonum.

1 Korin 1:21

Qotei aqa segi powo na a endegsi qalieej. Tamo naŋgi mandam endeqa powo ti unub qaji naŋgo powo dena naŋgi Qotei qalieqa keresai. Qotei a degsi qalieosiq deqa a na tamo uŋgasari naŋgi oqajqa gam bei endegsi osornjrej. Anjam iga palonteqnum qaji di tamo naŋgi nanari qa mareqnub. Ariya tamo uŋgasari naŋgi anjam di qusib Qotei qa naŋgo areqalo siŋgilatqab gam dena qujai a na naŋgi oqas.

2 Korin 6:18

Osiy e nuŋgo Abu soqnit niŋgi ijo segi aŋgro tiŋtiŋ sqab.’ Tamo Koba Qotei siŋgila koba ti unu qaji a degsi marej.”

Galesia 3:26

Niŋgi kalil Kristus Yesus qa nuŋgo areqalo siŋgilatosib a beteryejunub deqa niŋgi Qotei aqa aŋgro tiŋtiŋ unub.

Efesus 1:11

Qotei a segi aqa areqalo dauryoqnsiq deqa iŋgi iŋgi kalil babteleŋeqnu. Tulaŋ nami a aqa segi areqalo dauryosiq deqa a na iga Juda tamo uŋgasari Kristus beteryosim aqa segi tamo uŋgasari sqajqa deqa marsiq giltgej.

Efesus 1:9

Nami Qotei a Kristus aqa wau na iga eleŋqa are qalej. Aqa areqalo di ulitesoqnej. Ariya bini a na aqa areqalo di olo boleq atsiq osorgej.

Filipai 2:13

Iga qalie, Qotei a nuŋgo are miligiq di waueqnu. A segi na nuŋgo are tigeltetŋgeqnaqa niŋgi kumbra a tulaŋ areareteqnu qaji di yeqnub. A na niŋgi siŋgilatŋgeqnu deqa niŋgi kumbra di yeqnub.

Kolosi 1:19

Qotei aqa areqalo agiende. Aqa segi ŋambile ti kumbra ti kalil aqa segi Ŋiri Yesus aqaq di sqas. Deqa Qotei a segi Yesus aqaq di keretsim maqesqas.

2 Tesalonaika 1:11

Deqa was qu, iga bati gaigai niŋgi qa osim gago Qotei endegsi pailyeqnum, “O Abu, ni na Tesalonaika Kristen naŋgi aqaryainjroqnimqa kumbra kalil ni nami naŋgi dauryqa metnjrem qaji di naŋgi dauryoqnibqa ni unsim minjrqam, ‘Niŋgi keretonub.’ O Abu, ni na naŋgi siŋgilatnjrimqa kumbra bole kalil naŋgi yqajqa arearetnjreqnu qaji di naŋgi yoqnqab. Osib Yesus qa naŋgo areqalo siŋgilatoqnsib aqa wau geregere ojqab.” O was qu, iga degsim niŋgi qa Qotei pailyeqnum.

Hibru 2:4

Qotei na maŋwa ti siŋgila ti babtoqnsiqa aqa segi areqalo dauryosiq aqa Mondor Bole aqa kumbra segi segi jeisiq tamo uŋgasari naŋgi enjroqnej. Kumbra dena naŋgi osornjrej, Qotei aqa Ŋiri aqa anjam di bole kalil.

1 Jon 3:1

Bole, gago Abu Qotei a na iga tulaŋ qalaqalaigeqnu! A na iga aqa segi aŋgro tiŋtiŋ sqa marsiq iga giltgej. Deqa iga bole qalieonum, iga Qotei aqa aŋgro bole. Tamo naŋgi mandamq endi unub qaji naŋgi Qotei qa qaliesai. Deqa naŋgi iga qa dego qaliesai.

Uli Anjam 21:7

Tamo a Satan ombla qotsim siŋgilaqas di e na iŋgi iŋgi kalil di laŋa yqai. E aqa Qotei sqai. A ijo aŋgro sqas.