Efesus 1:22 - Yesus Aqa Anjam Bole

²² Qotei na iŋgi iŋgi kalil osiqa Kristus aqa sorgomq di atej unub. Deqa a iŋgi iŋgi kalil di naŋgo gate koba unu. Siŋgila dena a Qotei aqa segi tamo uŋgasari naŋgo gate koba sosiqa naŋgi taqatnjreqnu.

Efesus 1:22 ပူးပေါင်းရင်းမြစ်များ

Matyu 16:18

Deqa e ni endegsi mermqai. Ni Pita. Ino ñam di aqa damu, ‘Meniŋ’. Ni e Qotei aqa Ŋiri qa merbonum. Ino anjam di meniŋ bul tulaŋ siŋgila koba. Deqa e na ijo segi tamo uŋgasari kalil naŋgi koroinjritqa naŋgi meniŋ quraq dia tigelesqab. Yimqa Moio aqa siŋgila na naŋgi ugetnjrqa keresai.

Aposel 20:28

O ijo was niŋgi nuŋgo segi segi jejamu geregere taqatosib Qotei aqa tamo uŋgasari naŋgi dego geregere taqatnjroqniye. Qotei aqa tamo uŋgasari naŋgi kaja bul. Qotei na aqa segi Ŋiri Yesus Kristus aqa leŋ na naŋgi awainjrej. Deqa niŋgi na naŋgi geregere taqatnjroqnsibqa naŋgo mandor bole soqniye. Wau di Qotei aqa Mondor na niŋgi eŋgej.

1 Korin 11:3

Ariya niŋgi ijo anjam bei dego qusib poiŋgem. Tamo kalil naŋgo gate agi Kristus. Uŋa naŋgo gate agi naŋgo tamo naŋgi. Ariya Kristus aqa gate di Qotei.

Efesus 3:21

Deqa Qotei aqa segi tamo uŋgasari kalil naŋgi Kristus Yesus aqa ñam na Qotei aqa ñam bati gaigai soqtoqnsib gilsi gilsib diŋo bati itqab. Bole.

Efesus 5:23

Di kiyaqa? Kristus a Kristen tamo uŋgasari naŋgo gate koba unu dego kere nuŋgo tamo naŋgi dego nuŋgo gate unub. Iga kalil Kristus aqa jejamu qujai. A na iga eleŋej.

Kolosi 1:18

Yesus a Kristen tamo uŋgasari naŋgo gate. Naŋgi aqa jejamu bul. A naŋgo ŋambile qa utru. A tamo kalil naŋgi qa namoosiq subq na tigelej. Deqa a segi qujai iŋgi iŋgi kalil naŋgo gate.

Kolosi 1:8

A niŋgi qa endegsi iga saigej, “Qotei aqa Mondor a na Kolosi Kristen naŋgi siŋgilatnjreqnaqa naŋgi Qotei aqa qalaqalaiyo kumbra geregere dauryeqnub.”

Kolosi 2:10

Iŋgi iŋgi kalil siŋgila ti unub qaji naŋgo gate koba agi Kristus a segi. Niŋgi Kristus aqa segi tamo uŋgasari unub deqa Qotei na niŋgi ŋambile eŋgej. Ŋambile di nuŋgoq di tulaŋ keretsiq maqejunu.

Kolosi 2:19

Tamo deqaji naŋgi Kristus beteryosaieqnub. Ariya Kristus a gago gate. Iga aqa jejamu qujai. Iga aqa siŋga ti baŋ ti bul. A na iga siŋgilatgeqnu deqa iga kalil jejamu qujaiq di turtejunum. Qotei aqa siŋgila na iga boleoqnsim siŋgilaeqnum.

1 Timoti 3:15

Deqa e ni qa urur bosaiotqa ijo anjam neŋgreŋyonum qaji endi ni sisiyosim kumbra bole kalil Qotei na Kristen naŋgi dauryqa are qaleqnu qaji di ni qalieqam. Kristen naŋgo utru agiende. Naŋgi Qotei ŋambile gaigai unu qaji aqa segi tamo uŋgasari unub deqa naŋgi tal aqa ai bul tigelesosib Qotei aqa anjam bole siŋgila na ojejunub.

Hibru 2:8

Ni na tamo naŋgi giltnjrem deqa naŋgi na iŋgi iŋgi kalil ni nami gereiyem qaji di taqatesqab. Iŋgi iŋgi kalil di ni na osim tamo naŋgo sorgomq di atim sqas.” O was qu, Qotei a marej, a na iŋgi iŋgi kalil osim tamo naŋgo sorgomq di atqas. Deqa iga qalieonum, a na iŋgi bei uratqasai. A na iŋgi iŋgi kalil osim tamo naŋgo sorgomq di atim sqas. Ariya bini iga uneqnum di iŋgi iŋgi kalil tamo naŋgo sorgomq di sosai.