Efesus 1:10 - Yesus Aqa Anjam Bole

¹⁰ Deqa a kumbra endegyqas. A na iŋgi iŋgi kalil mandam ti laŋ ti di unub qaji naŋgi taqatnjroqnsim gilsi gilsim bati a nami atej qaji di brantimqa a na iŋgi iŋgi kalil di olo osim Kristus aqa baŋq di atim a naŋgo gate sqas.

Efesus 1:10 ပူးပေါင်းရင်းမြစ်များ

Matyu 25:32

Awesosiy laŋ aŋgro naŋgi di qariŋnjritqa naŋgi sawa sawa kalilq giloqnsib tamo uŋgasari kalil naŋgi eleŋosib joqsib bosib ijo ulatamuq dia koroinjrqab. Yimqa e na tamo uŋgasari naŋgi di peginjrsiy tamo bole naŋgi ijo baŋ woq di ateleŋosiy tamo uge naŋgi ijo baŋ qonaŋq di ateleŋqai. Kaja naŋgo mandor na kaja ti meme ti naŋgi peginjreqnu dego kere.

Mak 1:15

A na naŋgi anjam endegsi minjroqnej, “Qotei a nuŋgo Mandor Koba sosim niŋgi taqatŋgwajqa bati jojomqo. Deqa niŋgi are bulyiye. Osib Qotei aqa anjam bole nuŋgo areqaloq di siŋgilatiye.”

1 Korin 10:11

Gago moma naŋgi kumbra uge kalil di yoqneb deqa Qotei na naŋgi ñumnaq moreŋeb. Anjam di agi Moses a na neŋgreŋyej unu. Di kiyaqa? Iga tamo uŋgasari diŋo bati endeqa unum qaji anjam di sisiyosim poigim gago moma naŋgo kumbra uge di dauryaim deqa.

1 Korin 11:3

Ariya niŋgi ijo anjam bei dego qusib poiŋgem. Tamo kalil naŋgo gate agi Kristus. Uŋa naŋgo gate agi naŋgo tamo naŋgi. Ariya Kristus aqa gate di Qotei.

Galesia 4:4

Ariya bati Qotei a nami atej qaji di brantonaqa a na aqa Ŋiri Yesus qariŋyonaq mandamq aiej. Aisiq aqa ai na ŋambabtonaqa a tamo brantosiqa dal anjam aqa sorgomq di soqnej.

Efesus 1:22

Qotei na iŋgi iŋgi kalil osiqa Kristus aqa sorgomq di atej unub. Deqa a iŋgi iŋgi kalil di naŋgo gate koba unu. Siŋgila dena a Qotei aqa segi tamo uŋgasari naŋgo gate koba sosiqa naŋgi taqatnjreqnu.

Efesus 2:15

A moiej gam dena a na Moses aqa dal anjam kalil taqal atekritej. A degyej. Di kiyaqa? A na Juda tamo naŋgi ti sawa bei bei qaji tamo naŋgi ti turtnjrim naŋgi tamo bunuj qujaiosib sqajqa deqa. Kumbra dena a na jeu kobotosiqa iga lawo kumbraq di atej unum.

Efesus 3:15

A tamo kalil laŋ ti mandam ti di unub qaji naŋgo Abu sosiq deqa a naŋgo ñam breiyetnjreqnu.

Efesus 3:2

E are qalonum, niŋgi endegsib queb, Qotei a niŋgi qa are tulaŋ boleiyeqnu anjam di e na merŋgwajqa deqa osiq a e qa dego are boleiyosiq wau ebej.

Kolosi 1:16

A na iŋgi iŋgi kalil laŋ goge di unub qaji ti mandamq di unub qaji ti aqa Ŋiri Yesus aqa baŋ na gereiyej. Iŋgi iŋgi kalil gago ŋamdamu na uneqnum qaji ti gago ŋamdamu na unqa keresai qaji ti di Yesus aqa baŋ na Qotei na gereiyej. Laŋ goge qaji siŋgila ti laŋ aŋgro naŋgi ti mandor kokba naŋgi ti mondor naŋgi ti kalil di Yesus aqa baŋ na Qotei na gereiyej unu. Iŋgi iŋgi kalil di Yesus a segi deqa utru. Iŋgi iŋgi kalil di aqa segi.

Kolosi 1:20

Aqa areqalo agiende. A na iŋgi iŋgi kalil mandam ti laŋ ti di unub qaji naŋgi gereinjrimqa naŋgi a ombla geregere lawo na sqab. Aqa areqalo dego deqa a na Yesus qariŋyonaqa a ŋamburbasq di moinaqa aqa leŋ aiej qaji dena a na jeu kobotosiqa iga olo eleŋej.

Kolosi 3:11

Iga so bunujq di unum deqa iga kalil kerekere unum. Deqa iga gago was naŋgi endegsi minjroqnqasai, “Ni Grik qaji” o “Ni Juda qaji” o “Ni muluŋ aio qaji” o “Ni muluŋ aiosai qaji” o “Ni yauŋ tamo” o “Ni yambaŋ tamo” o “Ni kaŋgal tamo” o “Ni tamo laŋaj”. Iga gago was naŋgi degsi minjroqnqasai. Di kiyaqa? Kristus a segi qujai unu. A gago kalil qa Tamo Koba.

Hibru 1:2

Ariya bini bati endi diŋo bati jojomqo deqa Qotei na aqa Ŋiri Yesus aqa medabu na iga anjam mergeqnu. Qotei na aqa Ŋiri Yesus giltej deqa a na iŋgi iŋgi kalil oqas. Aqa baŋ na Qotei na mandam atej unu.

Hibru 11:40

Di kiyaqa? Qotei na iŋgi tulaŋ boledamu iga kalil egwa marsiqa atej unu. Ariya Qotei na tamo nami soqneb qaji naŋgi torei boletnjrimqa naŋgi namoosib iga buŋgosib iŋgi tulaŋ boledamu di oqa saidnjrej. Osiqa a iga qa tariŋeqnu. Mondoŋ a na iga ti tamo nami soqneb qaji naŋgi ti turtgosim iga kalil torei boletgwajqa deqa marsiqa iga qa tariŋeqnu.

Hibru 9:10

O was qu, dal anjam di uyo iŋgi qa ti ya uyo qa ti yanso oqajqa ti deqa mareqnu. A jejamu qa iŋgi iŋgi qa segi mareqnu. Ariya Qotei na dal anjam di tamo uŋgasari naŋgi enjrej. Osiqa endegsi are qalej, “Naŋgi mati dal anjam di dauryosib giloqnib bunuqna batiamqa e na iŋgi iŋgi kalil tingitnjrit koboamqa e olo gam bunuj naŋgi osornjrqai.”

1 Pita 1:20

Tulaŋ nami Qotei a mandam atosaisosiqa a Kristus qa qalieosiqa a giltej. Kristus na niŋgi awaiŋgwajqa deqa marsiq a giltej. Ariya bini bati endeqa diŋo bati jojomqo deqa Qotei a niŋgi qa osiqa Kristus qariŋyonaq bej.

Uli Anjam 5:9

Wagme qolqe naŋgi ti gate kokba naŋgi ti bosib Kaja Du aqa areq di siŋga pulutosibqa lou bunuj na endegsib louoqneb, “O Kaja Du, ni buk di osimqa kandel aqa namur buk qandratejunu qaji di waqtqa kere. Di kiyaqa? Ni lumnab moisim ino leŋ aiej dena ni na ino segi tamo uŋgasari naŋgi awainjrsimqa Qotei aqa baŋq di ateleŋem unub. Od, tamo uŋgasari leŋ segi segi qaji, anjam maro segi segi qaji, jejamu segi segi qaji, sawa segi segi qaji naŋgi ni na awainjrsimqa Qotei aqa baŋq di ateleŋem unub.