Aposel 9:5 - Yesus Aqa Anjam Bole

⁵ Onaqa Sol na minjej, “O Tamo Koba, ni yai?” Onaqa minjej, “E Yesus agi ni na ugeugeibeqnum qaji.

Aposel 9:5 ပူးပေါင်းရင်းမြစ်များ

Aposel 10:14

Onaqa Pita na minjej, “O Tamo Koba, e uyqasai! Wagme uge uge deqaji e nami uyosaioqnem. Moses a marej, ‘Wagme deqaji uyqajqa di getento koba.’”

Aposel 26:14

Suwantgonaqa iga kalil ululoŋosim mandamq di ŋereŋem. E ŋeiesosimqa tamo bei aqa kakoro quem. A Hibru anjam na endegsi merbej, ‘O Sol, ni kiyaqa e ugeugeibeqnum? Ni e ugeugeibeqnum dena ino segi jejamu dego ugeugeiyeqnum. Ino segi qaja pulutosim ino jejamu qoruyqam dego kere.’

Aposel 26:9

“Bole, e segi nami Yesus Nasaret qaji aqa ñam ugeugeiyoqnsim jeutsi laqnem.

Aposel 5:39

Ariya naŋgi Qotei aqa areqalo na wauqab di niŋgi na naŋgi kobotnjrqa keresai. Niŋgi naŋgi ñumqab di niŋgi Qotei ti qotqab.” Gamaliel a na Juda tamo kokba naŋgi anjam degsi minjrnaqa naŋgi aqa anjam di qusib dauryosib Yesus aqa aŋgro 12-pela naŋgi ñumqa urateb.

Aposel 9:6

Deqa ni tigelosim Damaskus qureq aie. Aisim dia tamo bei itqam. A na ni wau kie yqam di mermqas.”

1 Korin 10:22

Iga kumbra degyqom di iga Tamo Koba Yesus aqa are ugetetim a iga qa minjiŋ oqwas. Gago siŋgila na aqa siŋgila buŋyqa kere e? Keresai.

Filipai 3:12

Bole, e Kristus aqa kumbra di torei dauryekritosaiunum. Ariya e gaigai kumbra di ojqajqa siŋgila na waueqnum. Nami Kristus a na e osiqa giltbej deqa bini e kamba Kristus aqa kumbra di ojqajqa siŋgila na waueqnum.

1 Timoti 1:13

Bole, nami e Yesus aqa ñam misiliŋyoqnsim a jeutoqnsim a qa anjam uge maroqnem. Ariya e qalie, e nanari tamo sosim a qa ijo areqalo siŋgilatosaioqnem deqa e kumbra di yoqnem. Deqa bati di a e qa olo dulej.