Aposel 9:38 - Yesus Aqa Anjam Bole

³⁸ Lida qure di Jopa qure jojom. Deqa Jopa qureq dia tamo uŋgasari Yesus dauryoqneb qaji naŋgi Pita a Lida qureq di soqnej di qusibqa tamo aiyel qariŋnjrnab aisib Pita minjeb, “Ni urur au. Iga ni qa bonum. Ni iga daurgosim koba na Jopa qureq gilqom.”

Aposel 9:38 ပူးပေါင်းရင်းမြစ်များ

Aposel 10:5

Deqa ni que. Ni na tamo qudei naŋgi qariŋnjrimqa Jopa qureq aisib dia tamo bei aqa ñam Saimon ñam bei Pita a itqab. A itosib osib beb. Osib babqa a na anjam bei ni mermqas.

Aposel 10:8

Kornilius na naŋgi qalub metnjrnaq aqa areq bonabqa anjam kalil laŋ aŋgro na minjej qaji di naŋgi qalub minjrsiqa qariŋnjrnaq Jopa qureq aieb.

Aposel 11:13

Gogetonamqa Kornilius na iga saigosiq endegsi mergej, ‘Laŋ aŋgro bei a bosiqa ijo talq endia tigelesonaq unem. Unnamqa merbej, “Ni na tamo qudei naŋgi qariŋnjrimqa Jopa qureq aisib dia tamo bei aqa ñam Saimon ñam bei Pita a osib beb. Osib babqa a na ni anjam bei mermqas. Mermimqa anjam dena Qotei na ni ti tamo uŋgasari kalil ni ombla tal qujaiq di unub qaji naŋgi ti oqas.” ’

Aposel 11:26

Gilsiq Sol ŋamosiq itosiq ombla puluosib Antiok qureq olo aieb. Aisib dia wausau qujai Yesus aqa tamo uŋgasari naŋgi koba na wauoqneb. Wauoqnsibqa tamo uŋgasari tulaŋ gargekoba naŋgi Qotei aqa anjam minjroqneb. Antiok dia tamo uŋgasari Yesus dauryoqneb qaji naŋgo ñam Kristen wainjreb.

Aposel 11:5

“E Jopa qureq dia pailyeqnamqa Qotei na ijo areqalo waqtetbonaqa e ŋeiobilqeiobulosimqa iŋgi bei gara kobaquja bul plalosiq mutu qolqeq di ojeleŋosib laŋ goge dena ura uratonab ijo ulatamuq ainaq unem.

Aposel 9:19

Yansonaqa a iŋgi uysiqa jejamu siŋgilaej. Ariya Sol a bati quja quja Damaskus qureq dia tamo uŋgasari Yesus dauryoqneb qaji naŋgi koba na korooqneb. A Juda naŋgo Qotei tal dego miligiq giloqnsiqa naŋgi endegsi minjroqnej, “Yesus a Qotei aqa Ŋiri.”

Aposel 9:32

Bati bei Pita a sawa beiq di laqnsiqa a gilsiq Lida qureq di brantej. Brantosiqa Qotei aqa segi tamo uŋgasari qure dia soqneb qaji naŋgi itnjrej.

Aposel 9:36

Jopa qureq dia uŋa bei soqnej aqa ñam Tabita. A Yesus dauryoqnej qaji. Grik anjam na aqa ñam Dorkas. A uŋa bolequja. A gaigai kumbra tulaŋ boledamu yoqnsiqa tamo uŋgasari iŋgi iŋgi saiqoji soqneb qaji naŋgi lueinjroqnsiq iŋgi anainjroqnej.

Aposel 9:42

Onaqa tamo uŋgasari kalil Jopa qureq di soqneb qaji naŋgi deqa queb. Qusib naŋgo qure dia tamo uŋgasari tulaŋ gargekoba naŋgi are bulyosib Tamo Koba Yesus qa naŋgo areqalo siŋgilateb.

Aposel 9:43

Onaqa Pita a bati gargekoba yala Jopa qureq di soqnej. Tamo bei wagme aqa jegara na gara gereiyo qaji aqa ñam Saimon aqa talq di naŋgi ombla soqneb.