Aposel 9:27 - Yesus Aqa Anjam Bole

²⁷ Onaqa Barnabas na Sol osiqa Yesus aqa aŋgro 12-pela naŋgoq gilsiqa Sol a nami Damaskus qureq aioqnsiqa gamq dia Tamo Koba Yesus unnaqa anjam minjej qaji deqa naŋgi sainjrej. Sol a Damaskus qureq aisiq dia sosiqa Juda tamo uŋgasari naŋgi Yesus aqa anjam minjroqnsiq laqnej a ulaosaioqnej deqa ti naŋgi sainjrej.

Aposel 9:27 ပူးပေါင်းရင်းမြစ်များ

Aposel 11:22

Onaqa Yesus aqa tamo uŋgasari Jerusalem di soqneb qaji naŋgi di qusibqa Barnabas qariŋyonab Antiok qureq aiej.

Aposel 11:25

Ariya bati bei Barnabas a Sol ŋamqajqa deqa Tarsus qureq gilej.

Aposel 12:25

Onaqa Barnabas wo Sol wo naŋgi Jerusalem dia naŋgo wau kobotosib olo puluqa laqnsib Jon aqa ñam bei Mak a osib koba na Antiok qureq gileb.

Aposel 13:2

Bati bei naŋgi Tamo Koba Qotei qa louoqnsib qurieŋosib iŋgi ti ya ti uratsib sonabqa Qotei aqa Mondor na naŋgi minjrej, “Niŋgi na Barnabas wo Sol wo naŋgi aiyel giltnjrsib qariŋnjribqa e na wau enjro qaji di naŋgi gilsib wauoqnqab.”

Aposel 15:2

Degsi minjrnabqa Pol wo Barnabas wo naŋgi qusibqa ŋiriŋkobaosib naŋgi ti anjam na qotoqneb. Onaqa Kristen tamo uŋgasari naŋgi di qusibqa naŋgi koroosib anjam endegsib kereteb, “Iga na Pol wo Barnabas wo Yesus aqa tamo qudei ti naŋgi qariŋnjrim Jerusalem qureq aisib dia Yesus aqa aŋgro 12-pela naŋgi ti Kristen gate ti koba na koroosib anjam di gereiyqab.”

Aposel 4:13

Pita wo Jon wo naŋgi siŋgila na tigelosib anjam di maroqneb naŋgi ulaosai. Deqa Juda tamo kokba naŋgi are koba qaloqneb. Di kiyaqa? Naŋgi qalieeb, naŋgi aiyel nami skul beiq gilosai. Naŋgi tamo laŋaj. Degsib qalieosib mareb, “Naŋgi aiyel nami Yesus ombla laqneb deqa anjam siŋgila na mareqnub.”

Aposel 4:29

O Tamo Koba Qotei, Juda tamo kokba naŋgi minjiŋ oqetnjrqoqa iga ula egwajqa anjam mergonub di ni unime. Iga ino wau tamo. Deqa ni na iga siŋgila egoqnimqa iga ino anjam maroqnqom. Iga ulaqasai.

Aposel 4:36

Naŋgo ambleq di tamo bei soqnej aqa ñam Josep. Aqa ñam bei Barnabas. Yesus aqa aŋgro 12-pela naŋgi na ñam di waiyeb. Aqa ñam di aqa damu, “Tamo are siŋgilatetnjro qaji.” Barnabas a Juda naŋgo moma utru Jekop aqa aŋgro Livai aqa leŋ. A Saiprus nui qaji.

Aposel 9:17

Onaqa Ananaias na minjej, “Od, Tamo Koba, e ino anjam dauryqai.” Osiqa tigelosiq gilsiq Sol soqnej qaji tal di gogetosiqa Sol aqaq di baŋ atsiqa minjej, “O ijo was Sol, Tamo Koba Yesus agi gamq dia inoq di brantonaq unem qaji a na e endegsi merbej, ‘Ni gilsim Sol boletimqa aqa ŋamdamu olo poiyqas. Yimqa Qotei aqa Mondor Sol aqa are miligiq aisim a siŋgilatqas.’ Yesus na e degsi merbsiqa qariŋbqoqa agi e inoq bonum.”

Aposel 9:29

Bati bei Sol a Qotei aqa anjam qa Juda tamo qudei ti anjam na qotoqneb. Tamo naŋgi di Grik anjam maro qaji. Naŋgi Sol ombla anjam na qotsibqa naŋgi a qa ugeosib mareb, “Iga Pol qalsim moiotqom.”

1 Korin 15:8

Ariya olo bunuqna a e qa dego brantonaq unem. Uŋa bei a bati grotosim aqa aŋgro ŋambabtougetqas dego kere Kristus a bunuqna e qa brantonaq unem.

1 Korin 9:6

Aqo Barnabas wo segi gago baŋ na wauoqnsim dena silali oqnqom e? Yesus aqa wau tamo qudei naŋgi degyqasai e?”

Galesia 2:13

Onaqa Juda Kristen qudei naŋgi dego Pita koba na ulaosib gisaŋ kumbra di yeb. Yonabqa bunuqna Barnabas a naŋgo kumbra di unsiqa a dego naŋgi daurnjrsiqa gisaŋ kumbra di yej.

Galesia 2:9

Tamo uŋgasari naŋgi mareqnub, Jems na Pita na Jon na naŋgi qalub Kristen naŋgo gate kokba. Ariya naŋgi qalub qalieeb, Qotei a e qa are boleiyosiq wau ebej. Deqa naŋgi aqo Barnabas wo gago baŋ ojsib mergeb, “Niŋgi gago Kristen was bole.” Osib naŋgi iga ti areqalo qujaitosim anjam endegsi keretem, aqo Barnabas wo sawa bei beiq dia Qotei aqa wau yoqnqom. Ariya naŋgi Juda naŋgo ambleq di wauoqnqab.