Aposel 9:17 - Yesus Aqa Anjam Bole

¹⁷ Onaqa Ananaias na minjej, “Od, Tamo Koba, e ino anjam dauryqai.” Osiqa tigelosiq gilsiq Sol soqnej qaji tal di gogetosiqa Sol aqaq di baŋ atsiqa minjej, “O ijo was Sol, Tamo Koba Yesus agi gamq dia inoq di brantonaq unem qaji a na e endegsi merbej, ‘Ni gilsim Sol boletimqa aqa ŋamdamu olo poiyqas. Yimqa Qotei aqa Mondor Sol aqa are miligiq aisim a siŋgilatqas.’ Yesus na e degsi merbsiqa qariŋbqoqa agi e inoq bonum.”

Aposel 9:17 ပူးပေါင်းရင်းမြစ်များ

Matyu 19:13

Onaqa tamo uŋgasari qudei naŋgo aŋgro du du naŋgi Yesus na aqa baŋ naŋgo gateq di atetnjrsim naŋgi qa Qotei pailyqajqa marsibqa joqsib Yesus aqa areq beb. Beqnabqa Yesus aqa aŋgro naŋgi na saidnjrsib minjreb, “Nuŋgo aŋgro du du joqsib endeq baib.”

Mak 6:5

Yesus a na naŋgi degsi minjrsiqa aqa segi qure utruq dia a maŋwa bei yqajqa asgiyej. Osiqa tamo quja quja segi naŋgo gateq di aqa baŋ atnaqa naŋgo ma koboej.

Luk 1:41

Onaqa Elisabet a Maria aqa anjam di qunaqa aŋgro Elisabet aqa meneq di soqnej qaji a anŋilej. Onaqa Qotei aqa Mondor Bole na Elisabet aqaq aisiq siŋgila yonaqa a tulaŋ koba maosiqa Maria minjej, “Qotei na kumbra tulaŋ boledamu ni emqo. Kumbra deqaji Qotei na nami uŋgasari qudei enjrosaioqnej. Aŋgro ino meneq di unu qaji a dego Qotei na kumbra tulaŋ boledamu yqo.

Luk 1:67

Onaqa Qotei aqa Mondor a Jon aqa abu Sekaraia aqaq ainaqa medabu waqtosiqa endegsi marej,

Luk 1:76

O ijo aŋgro Jon, bunuqna ni Tamo Koba Qotei aqa medabu o qaji tamo sqam. Tamo uŋgasari naŋgi degsib ni qa maroqnqab. Gago Tamo Koba a bqa laqnimqa ni a qa namoosim aqa gam gereiysim soqnim a bqas.

Luk 15:30

Ariya ino aŋgro yala a na ino ñoro kalil osiqa gam qaji uŋa naŋgi ti sambalaosi laqnsiqa silali kalil uyekritej. Osiq olo bqoqa ni a qa tulaŋ areboleboleimqoqa bulmakau meli bunuj didiqo di agi qaletonum.’

Luk 15:32

Ariya bini iga maruro atsimqa areboleboleigeqnu. Di kiyaqa? Ino was a moiobulosiq agi olo ŋambile sosiq bqo deqa. A loumej agi gagoq di olo brantqo.’”

Luk 2:11

Anjam bole agiende. Bini Qotei na aqa segi Ŋiri qariŋyqoqa Devit aqa qure utruq dia ŋambabqo. A gago Tamo Koba Kristus. A na qujai tamo uŋgasari naŋgi eleŋamqa naŋgi ŋambile gaigai sqab. Naŋgi padalqasai.

Aposel 10:36

Bole, nami Qotei na aqa anjam bole qariŋyonaqa Israel naŋgo segiq aiej. Anjam di aqa damu endegsi unu. Tamo uŋgasari naŋgi Qotei ti jeu sonabqa Yesus Kristus na jeu kobotej. Yesus a tamo kalil naŋgo Tamo Koba.

Aposel 13:3

Onaqa naŋgi Qotei pailyqa osibqa iŋgi ti ya ti uratosib naŋgo aiyel gateq di baŋ atsib pailyosib Qotei aqa Mondor na anjam minjrej qaji di naŋgi dauryosib naŋgi aiyel qariŋnjrnab gileb.

Aposel 13:52

Bati deqa Antiok qureq dia Qotei aqa Mondor a tamo uŋgasari Yesus qa naŋgo areqalo siŋgilateb qaji naŋgo are miligiq aioqnsiqa naŋgi siŋgilatnjreqnaqa naŋgi tulaŋ areboleboleinjroqnej.

Aposel 19:6

Yanso onabqa Pol a naŋgo gateq di aqa baŋ atnaqa Qotei aqa Mondor naŋgoq aisiqa meŋ bulyetnjrnaqa naŋgi qure bei bei naŋgo anjam poinjrnaqa mareleŋoqneb. Osib naŋgi Qotei aqa medabu osib anjam maroqneb.

Aposel 2:4

Osiqa naŋgo segi segi are miligiq aisiq meŋ bulyetnjrnaqa naŋgi kalil qure segi segi naŋgo anjam mareleŋoqneb.

Aposel 21:20

Onaqa naŋgi Pol aqa anjam di qusibqa naŋgi tulaŋ areboleboleinjrnaqa Qotei aqa ñam soqteb. Osib Pol minjeb, “O gago was Pol, ni qalie, Juda tamo uŋgasari tulaŋ gargekoba naŋgi are bulyoqnsibqa Yesus qa naŋgo areqalo siŋgilateqnub. Naŋgi Moses aqa dal anjam dauryqajqa dego tulaŋ siŋgilaeqnub.

Aposel 26:15

Onaqa e na minjem, ‘O Tamo Koba, ni yai?’ Onaqa a na merbej, ‘E Yesus agi ni na ugeugeibeqnum qaji.

Aposel 4:31

Naŋgi degsib Qotei pailyosib koboonaqa tal naŋgi koroesoqneb qaji di reŋgiŋyej. Onaqa Qotei aqa Mondor aisiqa naŋgi siŋgila enjrnaqa naŋgi walwelosib siŋgila na Qotei aqa anjam mare mare laqneb. Naŋgi ulaosai.

Aposel 6:6

Ariya Kristen was naŋgi na tamo 7-pela naŋgi di giltnjrsib Yesus aqa aŋgro 12-pela naŋgo ulatamuq di tigeltnjrnab naŋgo gateq di baŋ atsib naŋgi siŋgila oqajqa deqa naŋgi qa Qotei pailyeb.

Aposel 8:17

Deqa naŋgi aiyel na Samaria tamo uŋgasari naŋgi qa pailyoqnsibqa naŋgo gateq di baŋ ateleŋeqnab naŋgi Qotei aqa Mondor oqneb.

Aposel 9:18

Ananaias na Sol degsi minjnaqa bati qujai deqa iŋgi bei qe gajige bul Sol aqa ŋamdamuq dena uloŋonaq ŋam poiyonaqa sawa unej. Sawa unsiqa tigelonaq Ananaias na Yesus aqa ñam na yansej.

Rom 15:7

Kristus a nami niŋgi osiq geregereiŋgej dego kere niŋgi dego nuŋgo Kristen was qu naŋgi oqnsib geregereinjroqniye. Yim nuŋgo kumbra dena niŋgi Qotei aqa ñam tulaŋ soqtoqnqab.

1 Korin 15:47

Qotei na Adam namij a mandam na gereiyej. Deqa Adam a mandam qaji tamo. Ariya Adam bunuj a laŋ qureq na bej.

1 Korin 15:8

Ariya olo bunuqna a e qa dego brantonaq unem. Uŋa bei a bati grotosim aqa aŋgro ŋambabtougetqas dego kere Kristus a bunuqna e qa brantonaq unem.

1 Korin 9:1

Niŋgi ijo kumbra uniye. E kumbra kie yqa are sqas e yqai. Qotei na e qariŋbej deqa e aqa anjam marsim laqnum. E ijo segi ŋamdamu na gago Tamo Koba Yesus unem. E nuŋgo ambleq di Tamo Koba Yesus aqa wau ojem dena niŋgi are bulyosib Kristen tamo branteb. Niŋgi ijo kumbra deqa qaliesai kio?

1 Timoti 4:14

Nami Kristen gate naŋgi Qotei aqa ñam na ino gateq di naŋgo baŋ atnabqa Qotei na ni siŋgila emej. Onaqa bunuqna tamo bei na olo Qotei aqa medabu osiq ni qa anjam bei dego babtej. Deqa ni siŋgila di oqnsim wauqa asgimaiq.

1 Timoti 5:22

Ni Kristen naŋgo gate bei atqa osimqa ino baŋ aqa gateq di urur ataim. Ni grotqam di a bunuqna une yimqa ni a ombla une oqam. Deqa ni ino segi so geregere taqatosim Qotei aqa ŋamgalaq di tamo bole une saiqoji soqne.

2 Timoti 1:6

Nami e ijo baŋ ino gateq di atnamqa Qotei na ni siŋgila emej. Yim ni aqa wau ojqajqa deqa. Deqa e olo ino areqalo tigeltetmitqa ni siŋgila deqa are qalsim ino wau di siŋgilat. Tamo a ŋam puyim puloŋosim kobaqas dego kere ni na ino wau di olo siŋgilatim kobaqas.

Filemon 1:16

Onesimus a kaŋgal tamo laŋaj ni degsi are qalaim. Bole, a ino kaŋgal tamo. Ariya bini a ino Kristen was dego. Deqa ni a tulaŋ qalaqalaiyoqne. E a unonum, a ijo Kristen was bole. Deqa e a tulaŋ qalaqalai-yeqnum. Ariya e qalieonum, ni a olo tulaŋ qalaqalaiyoqnqam. Kristus na aqa are bulyetej deqa a ino kaŋgal tamo boledamu sqas. Soqnim ni a unsim marqam, “Bole, a ijo Kristen was bole.” Osim ni a tulaŋ qalaqalaiyoqnqam.

Hibru 6:2

Anjam bei agi yanso oqajqa anjam. Anjam bei agi Kristen gate naŋgi na wau tamo naŋgi giltnjrqa maroqnsib naŋgo gateq di baŋ ateqnub. Anjam bei agi subq na tigelqajqa anjam. Anjam bei agi Qotei na tamo kalil naŋgo une qa naŋgi peginjrsimqa tamo qudei naŋgi ŋambile enjrimqa naŋgi so bole gaigai sqab. Ariya tamo qudei naŋgi Qotei na ŋamyuoq di breinjrim naŋgi dia gaigai sqab. O was qu, anjam di iga nami utruq na quoqnem. Ariya bini iga anjam dena prugosim olo Kristus aqa anjam qudei iga siŋgilatgwajqa qaji di dauryoqnqom.

2 Pita 3:15

Tamo Koba Yesus a jiŋga na iga qa tariŋeqnu. Deqa niŋgi endegsi poiŋgem. Yesus a na iga eleŋqajqa deqa iga qa tariŋeqnu. Qotei a na gago was bole Pol powo yonaqa a dego anjam deqaji neŋgreŋyoqnsiq niŋgi qa qariŋyoqnej.