Aposel 28:28 - Yesus Aqa Anjam Bole

²⁸ Osiqa Pol a olo anjam endegsi minjrej, “Deqa ijo was niŋgi endegsi poiŋgem. Juda tamo uŋgasari naŋgi na Qotei aqa anjam quqwa urateqnub deqa Qotei na sawa bei bei qaji tamo naŋgi oqa marsiqa anjam qariŋyqo naŋgoq gilqo. Naŋgi Qotei aqa anjam uratqasai. Naŋgi qusib dauryqab.”

Aposel 28:28 ပူးပေါင်းရင်းမြစ်များ

Luk 3:6

Yimqa Qotei na iga eleŋamqa tamo uŋgasari sawa sawa kalilq di unub qaji naŋgi Qotei aqa wau di unqab.’”

Aposel 11:18

Onaqa Juda tamo Pita ŋiriŋteb qaji naŋgi aqa anjam di qusibqa naŋgo ŋiriŋ koboej. Osib naŋgi Qotei aqa ñam soqtosib mareb, “Bole, Qotei a sawa bei bei qaji tamo naŋgi dego are bulyetnjreqnu. Deqa naŋgi dego ŋambile gaigai sqab.”

Aposel 13:26

“O ijo was niŋgi quiye. Qotei na iga Abraham aqa moma iga ti niŋgi sawa bei bei qaji tamo Qotei aqa sorgomq di unub qaji niŋgi ti oqajqa deqa marsiq Yesus aqa anjam qariŋyqo gagoq bqo.

Aposel 13:38

O ijo was, niŋgi geregere poiŋgem. Yesus qujai di aqa ñam na Qotei a nuŋgo une kobotetŋgwas. Iga Yesus qujai deqa anjam plaltoqnsim niŋgi merŋgeqnum.

Aposel 14:27

Aisib Yesus aqa tamo uŋgasari naŋgi koroinjrsibqa naŋgi aiyel qure qureq dia laqnsibqa Qotei na naŋgi aqaryainjreqnaqa naŋgi kumbra kalil yoqneb qaji deqa naŋgi sainjroqneb. Sainjroqnsib endegsib minjroqneb, “Qotei na sawa bei bei qaji tamo naŋgi dego gam waqtetnjreqnaqa naŋgi are bulyoqnsib Yesus qa naŋgo areqalo siŋgilateqnub.”

Aposel 15:14

Saimon a mergwo, ‘Qotei a nami sawa bei bei qaji tamo naŋgo ambleq dena aqa segi tamo uŋgasari naŋgi oqa marsiq giltnjrej.’ Saimon a iga degsi mergwo.

Aposel 15:17

Amqa sawa bei bei qaji tamo naŋgi e itbqa maroqnsib ijoq boqnqab. E na naŋgi giltnjritqa naŋgi ijo segi tamo uŋgasari sqab.”

Aposel 18:6

Degsi minjreqnaqa Juda naŋgi Pol aqa anjam di qusib gotraŋyoqnsib Pol misiliŋyoqneb. Deqa Pol a na aqa segi gara jugo tumbrum butuyosiqa minjrej, “Niŋgi padalqab di nuŋgo segi une na niŋgi padalqab. Ijo une na sai. Deqa bini e niŋgi uratŋgsiy sawa bei bei qaji tamo naŋgoq giloqnsiyqa Yesus aqa anjam naŋgi segi minjroqnqai.”

Aposel 2:14

Onaqa Yesus aqa aŋgro 11-pela naŋgi Pita ombla na tigelosibqa Pita na aqa medabu waqtosiqa endegsi minjrej, “Niŋgi Juda tamo ti tamo uŋgasari kalil Jerusalem qureq endi so qaji niŋgi ti ijo anjam endi qusib poiŋgem.

Aposel 22:21

Onaqa Tamo Koba Yesus na e olo merbej, ‘Ni tigelosim Jerusalem qure uratosim aie. E ni qariŋmitqa ni sawa isaq aisim dia sawa bei bei qaji tamo naŋgi ijo anjam minjroqnqam.’”

Aposel 28:29

Pol a na Juda tamo kokba naŋgi anjam degsi minjrnaqa naŋgi qusibqa segi segi ŋiriŋkobaosib tigelosib jaraieb.

Aposel 4:10

Deqa niŋgi ti Israel tamo uŋgasari kalil ti ijo anjam endi qusib poiŋgem. Yesus Kristus Nasaret qaji agi niŋgi na ŋamburbasq di qalnab Qotei na olo subq na tigeltej qaji aqa ñam na tamo endi aqa jejamu boleosiq nuŋgo ulatamuq endia tigelesonaq niŋgi unonub.

Aposel 9:15

Onaqa Tamo Koba Yesus na Ananaias minjej, “Ni ijo anjam mermonum qaji endi daurye. Sol a ijo wau tamo. E na a giltonum deqa a na ijo ñam osi walwelosim sawa sawa kalilq dia tamo uŋgasari Qotei qaliesai qaji naŋgi ti mandor kokba ti Israel tamo uŋgasari naŋgi ti ijo ñam minjroqnqas.

Rom 11:11

Deqa was qu, e niŋgi endegsi nenemŋgwai. Israel naŋgi ululoŋeb deqa naŋgi torei padalqab e? Sai. Bole, naŋgi Qotei qoreiyeb deqa Qotei a olo sawa bei bei qaji tamo uŋgasari naŋgi eleŋeqnu. Ariya Israel naŋgi Qotei aqa kumbra di unsibqa are ugeinjrim aqaq olo bqajqa deqa are qalsiq sawa bei bei qaji tamo uŋgasari naŋgi eleŋeqnu.

Rom 4:11

A muluŋ aiosaisoqnej bati deqa a Qotei qa aqa areqalo siŋgilatej. Deqa Qotei na a tamo bole une saiqoji qa minjej. Osiqa aqa segi anjam Abraham minjej qaji di siŋgilatqa osiqa olo minjej, “Ni muluŋ aie.” Deqa iga endegsi qalieonum, Abraham a tamo kalil muluŋ aiosaiosib naŋgo areqalo Qotei qa siŋgilateqnub qaji naŋgo moma matu.