Aposel 28:16 - Yesus Aqa Anjam Bole

¹⁶ Ariya iga naŋgi ti koba na aisim Rom qureq di brantem. Onaqa Rom naŋgo mandor koba Sisar a na aqa qaja tamo qudei naŋgi qariŋnjrnaqa bosib Pol osib aqa segi talq di atnab soqnej. Pol a ulaŋaim deqa qaja tamo qujai minjnab a na taqatesoqnej.

Aposel 28:16 ပူးပေါင်းရင်းမြစ်များ

Aposel 18:2

Gilsiq dia Juda tamo bei aqa ñam Akwila itej. Akwila aqa qure utru Pontus. Nami yala naŋgi aqa ŋauqali Prisila wo Itali sawa uratosib Korin beb. Rom naŋgo mandor koba Sisar Klodius a marej, “Juda naŋgi Rom qureq endia sqasai. Kalil jaraiiye.” Deqa naŋgi aiyel Itali sawa uratosib Korin qureq beb. Bosib Korin qureq di sonabqa Pol a gilsiq naŋgi itnjrej.

Aposel 19:21

Bati bei Qotei aqa Mondor na Pol areqalo yonaqa a endegsi marej, “E Masedonia sawa ti Akaia sawa ti dia walweloqnsiyqa dena aisiy Jerusalem qureq di brantqai.” Osiqa marej, “Di koboamqa e Jerusalem uratosiy gilsiy Rom qure dego unqai.”

Aposel 2:10

Iga qudei Frigia, Pamfilia, Isip, Libia sawa Sairini sawa jojomq dena beleŋem. Iga qudei Rom dena beleŋem.

Aposel 23:11

Gilsib di sonab nebeosiq olo qoloonaqa Tamo Koba Yesus a bosiqa Pol aqa areq di tigelosiq minjej, “Ni are siŋgilatime. Ulaaim. Ni Jerusalem endia ijo anjam mare mare laqnum dego kere ni Rom aisim dia dego ijo anjam siŋgila na minjroqne.” Tamo Koba Yesus na Pol degsi minjej.

Aposel 24:23

Osiqa aqa qaja tamo gate bei minjej, “Ni na Pol osim tonto talq di waiysim taqatesoqne. A gulube bei yaim. Aqa was naŋgi a unqa bosib iŋgi iŋgi qa aqaryaiyqa maroqnibqa ni na saidnjraim.”

Aposel 27:3

Iga gilsim nebeonaqa Saidon qureq di tiryem. Tiryonamqa Julius a Pol qa dulosiq odyonaqa qobuŋ uratosiq aqa was naŋgi itnjrnaqa naŋgi na iŋgi iŋgi qudei qa aqaryaiyeb.

Aposel 27:31

Degyeqnabqa Pol a di unsiqa qaja tamo naŋgi ti naŋgo gate Julius a ti endegsi minjrej, “Tamo qobuŋq di wauo qaji naŋgi qobuŋ uratosib jaraiqa laqnub. Naŋgi jaraiqab di niŋgi kalil padalqab.”

Aposel 27:43

Degsi marnabqa naŋgo gate Julius a are qalej, “Naŋgi Pol dego qalib moiaim deqa e na naŋgi saidnjrqai.” Degsi are qalsiqa naŋgi minjrej, “Tonto tamo naŋgi ñumaib.” Osiqa tamo qawaiŋo qalie naŋgi minjrej, “Niŋgi namo prugosib yuwalq aisib qawaiŋosib alile di patqab.”

Uli Anjam 17:18

Uŋa ni unonum qaji di aqa utru e na ubtit ni quqwam. Uŋa di a qure kobaquja. A mandor kokba kalil mandamq di unub qaji naŋgo mandor koba sosiqa naŋgi taqatnjreqnu.”

Uli Anjam 17:9

“Tamo a areqalo bole ti sqas di a anjam endi geregere poiyeme. Wagme juwaŋ aqa gate 7-pela naŋgi di mana 7-pela. Uŋa di a mana 7-pela goge quraq di awejunu.