Aposel 28:15 - Yesus Aqa Anjam Bole

¹⁵ Rom dia Kristen tamo qudei naŋgi iga aieqnam di qusibqa gamq dia iga itgwajqa marsib walwelosi beb. Naŋgi beqnabqa iga aioqnsim gam qalaq di koro sawa bei aqa ñam Apius dia naŋgi qudei turem. Olo aisimqa sawa bei aqa ñam Ŋereŋo Tal Qalub dia naŋgi qudei turem. Turosim unjrsimqa Pol a tulaŋ areboleboleiyonaqa Qotei biŋiyosiqa aqa are siŋgilakobaiyej.

Aposel 28:15 ပူးပေါင်းရင်းမြစ်များ

Jon 12:13

Naŋgi degsi qusib deqa naŋgi tuwom baŋga eleŋosib Yesus gamq di turqajqa aieb. Aisib Yesus beqnaqa gamq di turosibqa tulaŋ koba leleŋosib endegsib minjeb, “Iga Qotei qa tulaŋ areboleboleigwo. Tamo a bqo endi Tamo Koba Qotei aqa ñam na bqo. Deqa Qotei na a tulaŋ gereiyeme. A Israel naŋgo Mandor Koba.”

Aposel 1:15

Bati bei tamo uŋgasari 120 Yesus qa naŋgo areqalo siŋgilateb qaji naŋgi koroosib sonabqa Pita a naŋgo ambleq di tigelosiqa minjrej,

Aposel 10:23

Onaqa Pita a naŋgo anjam di qusiqa naŋgi joqsiq aqa talq dia koba na soqneb. Ŋereŋosib nebeonaqa Pita a naŋgi koba na tigelosib aieb. Jopa tamo qudei Yesus dauryoqneb qaji naŋgi dego koba na aieb.

Aposel 10:25

Onaqa Pita a aisiqa Kornilius aqa talq di brantej. Brantosiqa tal miligiq gilnaqa Kornilius a bosiqa Pita aqa siŋgaq di siŋga pulutosiqa a biŋiyej.

Aposel 11:1

Yesus aqa aŋgro 12-pela naŋgi ti Kristen was kalil Judia sawaq di soqneb qaji naŋgi ti anjam endegsib queb, “Sawa bei bei qaji tamo naŋgi dego are bulyosib Qotei aqa anjam dauryeqnub.”

Aposel 11:12

Onaqa Qotei aqa Mondor na e merbej, ‘Ni tigelosim naŋgi qalub daurnjrsim gile. Ni are gulubeimaiq.’ Degsi merbonaqa e tigelosim naŋgi qalub daurnjrsim Yesus aqa tamo 6-pela agi endia tigelejunub qaji naŋgi koba na gilem. Gilsim Sisaria qureq di brantosim Kornilius aqa tal gogetem.

Aposel 12:17

Onaqa Pita a aqa baŋ soqtosiqa naŋgi anjam marqa getentnjrnaqa naŋgi kirionabqa Tamo Koba Yesus na tonto talq dena oqeq atej deqa naŋgi sainjrej. Osiqa minjrej, “Niŋgi gilsib Kristen was kalil Jems ombla endegsib minjriye, ‘Pita a tonto talq dena oqedqo.’” Pita a naŋgi degsi minjrsiqa naŋgi uratnjrsiq tal beiq gilej.

Aposel 21:5

Ariya bati 7-pela koboonaqa iga Pol ombla na qure di uratosim qobuŋ gogetqa marsim alile aiem. Kristen tamo uŋgasari naŋgo aŋgro ti naŋgi na iga suweigosib alile aisim dia iga koba na siŋga pulutosim Qotei pailyem.

Aposel 28:14

Dia iga Kristen tamo qudei naŋgi itnjrem. Itnjrnamqa naŋgi na mergonabqa iga bati 7-pela naŋgi koba na soqnem. Sosimqa naŋgi olo uratnjrsimqa siŋga na walwelosim Rom qureq di brantqa marsim aiem.

Rom 15:24

Deqa e Spen sawaq aiqa osiyqa e mati niŋgi qa bosiy nuŋgsiy niŋgi ti koba na sokiñalayitqa niŋgi iŋgi iŋgi qa aqaryaibibqa e Spen sawaq aiqai.

2 Korin 2:14

Ariya e Qotei biŋiyeqnum. Di kiyaqa? A na gaigai iga aqaryaigeqnu deqa iga Kristus aqa siŋgila na qoto buŋyeqnum. Iga Qotei aqa wau ojeqnum dena tamo uŋgasari sawa sawa kalilq di unub qaji naŋgi Qotei qa bole poinjreqnu. Powo di sabaŋ quleq bolequja jagwa na osi gileqnu dego bul.

Galesia 4:14

Bati deqa ijo jejamu siŋgila saiqoji soqnej dena niŋgi gulube koba oqneb. Ariya niŋgi deqa e qoreibosai. Niŋgi e gereibqa asgiŋgosai. Qotei aqa laŋ aŋgro bei kio Kristus Yesus a segi kio niŋgi qa bqas di niŋgi a osib gereiyqab dego kere niŋgi e osib gereibeb.

1 Tesalonaika 3:7

O was qu, niŋgi Yesus qa degsib nuŋgo areqalo siŋgilaboleteqnub anjam di Timoti a bosiq mergonaqa iga qusim dena gago gulube kalil qa gago are siŋgilatetgej.

Hibru 13:3

Ariya Qotei aqa tamo uŋgasari qudei naŋgi tonto talq di unub. Deqa niŋgi naŋgi uratnjraib. Niŋgi naŋgi qa are qaloqnsib koba na tonto talq di sobulosib naŋgi geregereinjroqniye. Ariya jeu tamo naŋgi na Kristen tamo qudei naŋgi ugeugeinjroqnsib jaqatiŋ enjreqnub. Deqa niŋgi naŋgi qa dego are qaloqnsib koba na jaqatiŋ obuloqnsib naŋgi geregereinjroqniye. Di kiyaqa? Niŋgi naŋgi ti Kristen was qu deqa. Niŋgi qalie, niŋgi mandamq endi sonabqa jeu tamo naŋgi na niŋgi dego ugeugeiŋgeqnub.