Aposel 25:25 - Yesus Aqa Anjam Bole

²⁵ Ariya e Pol aqa jejamuq di une kobaquja bei unosai. Deqa e Pol laŋa moiotqa keresai. Ariya Pol na merbej, ‘E Mandor Koba Sisar aqa ulatamuq dia tigelqai. Yimqa a na ijo anjam qusim gereiyetbqas.’ Onaqa e na Pol minjem, ‘Di kere. E ni qariŋmitqa Rom qureq gilqam.’

Aposel 25:25 ပူးပေါင်းရင်းမြစ်များ

Luk 23:4

Onaqa Pailat na atra tamo kokba ti tamo uŋgasari kalil naŋgi ti minjrej, “E segi are qalonum, Yesus aqa jejamuq di une bei saiqoji.”

Jon 18:38

Onaqa Pailat na minjej, “Anjam bole di kie?” Osiqa Pailat a olo tigelosiq oqedosiqa Juda tamo kokba naŋgoq gilsiqa minjrej, “E tamo endi aqa jejamuq di une bei unosai.

Aposel 23:29

Tigeltonamqa naŋgi anjam gargekoba mareleŋeqnabqa e qusimqa endegsi poibej. Juda tamo kokba naŋgi naŋgo segi dal anjam qa marsib Pol aqa jejamuq di anjam laŋa laŋa qameteqnub. Naŋgi Pol aqa une kobaquja bei babtosai. Deqa e na laŋa moiotqa keresai. Tonto talq di laŋa waiyqa keresai dego. E degsi poibej.

Aposel 23:9

Deqa naŋgi poeleŋosib ŋiriŋosib murqumyoqneb. Onaqa Farisi naŋgo dal anjam qalie tamo qudei naŋgi tigelosib siŋgila na mareb, “Iga Pol aqa anjam quonum di a une saiqoji. Mondor bei na kio laŋ aŋgro bei na kio anjam minjonubqa a degsi marqo.”

Aposel 25:26

O Mandor Koba Agripa, e Pol aqa jejamuq di une bei unosai. Deqa e a qa anjam kie neŋgreŋyit gago tamo koba Sisar aqaq gilqas? Laŋa qariŋyqai di Sisar a ŋiriŋqas. Deqa e Pol osi bosim ino ulatamuq endia tigeltonum. Di kiyaqa? Ni segi na Pol nenemyimqa aqa une bei babtimqa niŋgi kalil qusib merbibqa une deqa neŋgreŋyit Sisar aqaq gilqas.

Aposel 27:1

Onaqa naŋgi iga qobuŋ gogetosim Itali sawaq gilqajqa anjam keretosib Pol tamo qudei ti tonto talq dena eleŋosib qaja tamo naŋgo gate bei aqa ñam Julius aqa baŋq di ateb. Julius a Rom qaji tamo.

Aposel 28:18

Deqa e Rom gate kokba naŋgo ulatamuq di tigelosim ijo anjam mareqnamqa naŋgi qusibqa une kobaquja bei ijo jejamuq di unosai. Deqa naŋgi mareb, ‘Pol a une saiqoji. Deqa iga na a qalsim moiotqa keresai. Deqa uŋgum. Iga na tonto talq dena uratim oqedqas.’ Naŋgi degsib mareb.