Aposel 25:19 - Yesus Aqa Anjam Bole

¹⁹ Naŋgi naŋgo Qotei louqa kumbra deqa segi ŋiriŋosibqa Pol aqa jejamuq di anjam qamoqneb. Pol a maroqnej, ‘Tamo bei aqa ñam Yesus a moisiq olo subq na tigelej.’ Deqa ti naŋgi ŋiriŋosibqa Pol aqa jejamuq di anjam laŋa qamoqneb.

Aposel 25:19 ပူးပေါင်းရင်းမြစ်များ

Aposel 1:22

Jon yansnjro qaji aqa bati qa Yesus na aqa wau utru atej dena bosi bosiq Qotei na Yesus yaigosiqa laŋ qureq oqej bati deqa tamo naŋgi iga koba na soqnem qaji deqaji bei giltonamqa a iga ti Yesus aqa wau ojsim Yesus a moisiq olo subq na tigelej deqa mare mare laqnqom.”

Aposel 17:31

Qotei a na bati atej unu. Bati di brantimqa a na tamo uŋgasari kalil naŋgo une qa peginjrqas. Aqa segi kumbra bole na ti aqa Ŋiri Yesus Kristus giltej qaji aqa baŋ na ti naŋgo une qa peginjrqas. Tamo uŋgasari naŋgi di qalieqajqa deqa Qotei na Yesus subq na olo tigeltej.”

Aposel 18:15

Ariya niŋgi bosib nuŋgo segi dal anjam qa ti nuŋgo segi moma naŋgo ñam qa ti maronub deqa e na nuŋgo anjam di gereiyqasai. Di ijo wau sai. Niŋgi segi na gereiyiye.”

Aposel 18:19

Tiryosib mandamq aisib Pol a Juda naŋgo Qotei tal miligiq gilsiqa naŋgi Qotei aqa anjam plaltosiq minjroqnej. Onaqa naŋgi Pol aqa anjam qusib minjeb, “Ni bati qudei iga koba na endi sqom.” Minjnabqa a na naŋgi saidnjrsiqa gilqa osiqa minjrej, “Qotei na odbimqa bunuqna e nuŋgoq olo bqai.” Degsi minjrsiqa a qobuŋ gogetosiq gilej. A Prisila wo Akwila wo naŋgi Efesus qureq di uratnjrnaq soqneb.

Aposel 2:32

Yesus qujai di Qotei na subq na tigeltonaqa iga kalil ŋamdamu na unem. Deqa bini iga a qa mare mare laqnum.

Aposel 23:29

Tigeltonamqa naŋgi anjam gargekoba mareleŋeqnabqa e qusimqa endegsi poibej. Juda tamo kokba naŋgi naŋgo segi dal anjam qa marsib Pol aqa jejamuq di anjam laŋa laŋa qameteqnub. Naŋgi Pol aqa une kobaquja bei babtosai. Deqa e na laŋa moiotqa keresai. Tonto talq di laŋa waiyqa keresai dego. E degsi poibej.

Aposel 25:18

Onaqa Juda tamo kokba naŋgi tigelosib Pol aqa jejamuq di anjam gargekoba qameleŋoqneb. E are qalem, naŋgi une kokba Pol aqa jejamuq di qamqab. Naŋgi degyosai.

Aposel 25:7

Onaqa Juda tamo kokba Festus dauryosib beb qaji naŋgi Pol kalilyosib Festus aqa ulatamuq dia tigelosib anjam gargekoba laŋa laŋa Pol aqa jejamuq di qameleŋoqneb. Naŋgo anjam di utru saiqoji.

Aposel 26:3

Gago Juda kumbra kalil ni qalie. Iga anjam na qoteqnum qaji di dego ni qalie. Deqa ni ijo anjam endi quime. Ni asgimaiq.

Uli Anjam 1:18

E ŋambile gaigai sqajqa utru. Nami e moiem. Bini ni e nube. E olo ŋambile unum. E bati gaigai ŋambile sqai. E segi na moio ti moio qure ti taqatejunum.