Aposel 25:10 - Yesus Aqa Anjam Bole

¹⁰ Onaqa Pol na minjej, “E bini Sisar aqa awo jaram namoq endi tigelejunum. Endia ijo anjam marqai. Ni qalie, e Juda naŋgi qa une bei yosai. Deqa e kiyaqa Jerusalem aiqai?

Aposel 25:10 ပူးပေါင်းရင်းမြစ်များ

Matyu 27:18

Pailat a naŋgi degsi minjrej. Di kiyaqa? A qalieej, atra tamo kokba naŋgi Yesus qa are tulaŋ minjiŋ oqetnjrnaqa deqa ojsib Pailat aqa baŋq di ateb.

Matyu 27:19

Ariya Pailat a une pegiyo qaji awo jaramq di awesonaqa aqa ŋauqali na anjam bei pepa mutu kiñalaq di neŋgreŋyosiq Pailat aqaq qariŋyej. A endegsi neŋgreŋyej, “Yesus aqa jejamuq di une bei saiqoji. Deqa ni a kumbra uge bei yaim. Qolo e ŋeiobilqeiosim Yesus unonum. Deqa e are tulaŋ gulubekobaibqo.”

Aposel 23:29

Tigeltonamqa naŋgi anjam gargekoba mareleŋeqnabqa e qusimqa endegsi poibej. Juda tamo kokba naŋgi naŋgo segi dal anjam qa marsib Pol aqa jejamuq di anjam laŋa laŋa qameteqnub. Naŋgi Pol aqa une kobaquja bei babtosai. Deqa e na laŋa moiotqa keresai. Tonto talq di laŋa waiyqa keresai dego. E degsi poibej.

Aposel 25:17

“E na Juda tamo kokba naŋgi anjam degsi minjrnamqa naŋgi e daurbosib Sisaria qureq beb. Bonab e tariŋosai. Nebeonaqa naŋgi koroesonabqa e ijo awo jaramq dia awoosim ijo qaja tamo qudei naŋgi minjrnamqa naŋgi Pol osi bosib ijo ulatamuq dia tigelteb.

Aposel 25:25

Ariya e Pol aqa jejamuq di une kobaquja bei unosai. Deqa e Pol laŋa moiotqa keresai. Ariya Pol na merbej, ‘E Mandor Koba Sisar aqa ulatamuq dia tigelqai. Yimqa a na ijo anjam qusim gereiyetbqas.’ Onaqa e na Pol minjem, ‘Di kere. E ni qariŋmitqa Rom qureq gilqam.’

Aposel 25:6

Festus a bati 8-pela o 10-pela Jerusalem qureq di sosiqa olo puluosiq Sisaria qureq aiej. Aieqnaqa Juda tamo kokba qudei naŋgi a dauryosib aieb. Nebeonaqa Festus a aqa awo jaram kobaq di awoosiqa aqa qaja tamo qudei naŋgi minjrej, “Niŋgi Pol osib boiye.” Onaqa naŋgi na Pol osi bosib Festus aqa ulatamuq di tigelteb.

Aposel 28:18

Deqa e Rom gate kokba naŋgo ulatamuq di tigelosim ijo anjam mareqnamqa naŋgi qusibqa une kobaquja bei ijo jejamuq di unosai. Deqa naŋgi mareb, ‘Pol a une saiqoji. Deqa iga na a qalsim moiotqa keresai. Deqa uŋgum. Iga na tonto talq dena uratim oqedqas.’ Naŋgi degsib mareb.

2 Korin 4:2

Kumbra uge uge kalil tamo naŋgi ulitosib yeqnub qaji di iga qoreiyeqnum. Iga gisaŋ kumbra na walwelosaieqnum. Iga Qotei aqa anjam bulbulyo-saieqnum. Iga boleq di anjam bole segi mareqnum. Yim tamo kalil naŋgi gago kumbra di unsib naŋgo are miligiq di qalieqab, bole, iga Qotei aqa ŋamgalaq di wau bole yeqnum.