Aposel 24:19 - Yesus Aqa Anjam Bole

¹⁹ Ariya Juda tamo qudei Esia sawaq dena beleŋeb qaji naŋgi na e atra tal miligiq di sonam nubsibqa bosib e ojeb. Deqa naŋgi e qa anjam bei soqnimqa bosib ino ulatamuq endia tigelosib ijo une marqab.

Aposel 24:19 ပူးပေါင်းရင်းမြစ်များ

Aposel 23:30

Ariya bati bei e anjam endegsi quem, ‘Juda tamo qudei naŋgi anjam endegsib qosisib maronub, “Iga gamq dia tariŋonamqa qaja tamo naŋgo gate koba a na Pol osi aioqnimqa iga na qalsim moiotqom.” ’ E anjam di qusim deqa agi Pol qariŋyonum ni qa bqo. Ariya e na tamo naŋgi Pol aqa jejamuq di anjam qameteqnub qaji naŋgi endegsi minjronum, ‘Niŋgi segi Sisaria qureq aisib Feliks aqa ulatamuq dia tigelosib Pol aqa une geregere minjib a quqwas.’”

Aposel 23:35

Degsi minjnaqa Feliks na olo minjej, “Tamo naŋgi ino jejamuq di une qameqnub qaji naŋgi babqa e ino anjam geregere quqwai.” Osiqa qaja tamo naŋgi minjrnaqa naŋgi na Pol osib tamo koba Herot aqa talq di waiysib taqatoqneb.

Aposel 25:16

Onaqa e na kamba endegsi minjrem, ‘Iga tamo bei laŋa ojsim qaja tamo naŋgo baŋq di atqa keresai. Rom gago kumbra degsi sosai. Deqa niŋgi Pol qa anjam bei soqnimqa a mati ijo ulatamuq dia tigelamqa niŋgi aqa une marib qusimqa a kamba aqa anjam marqas.’