Aposel 23:35 - Yesus Aqa Anjam Bole

³⁵ Degsi minjnaqa Feliks na olo minjej, “Tamo naŋgi ino jejamuq di une qameqnub qaji naŋgi babqa e ino anjam geregere quqwai.” Osiqa qaja tamo naŋgi minjrnaqa naŋgi na Pol osib tamo koba Herot aqa talq di waiysib taqatoqneb.

Aposel 23:35 ပူးပေါင်းရင်းမြစ်များ

Matyu 2:1

Maria na Yesus Betlehem qureq di ŋambabtej. Qure di Judia sawaq di unu. Bati di Mandor Koba Herot na Judia sawa taqatesoqnej. Ariya Maria na Yesus ŋambabtonaqa bongar sisiyo qaji tamo qudei naŋgi seŋ oqo sawaq dena walwelosib gilsib Jerusalem qureq di brantosib tamo qudei naŋgi endegsib nenemnjroqneb,

Matyu 2:16

Ariya Herot a bongar sisiyo qaji tamo naŋgi qa tariŋonaq ugeiyej. Naŋgi a qa bosai. Deqa a qalieej, bongar sisiyo qaji tamo naŋgi a gisaŋyeb. A degsi qalieosiqa minjiŋ ani oqetonaqa aqa qaja tamo qudei naŋgi qariŋnjrnaqa naŋgi aisib Betlehem qureq dia aŋgro mel kiñilala wausau aiyel osaisoqneb qaji di unjrsib kalil ñumeleŋosib moiotnjreb. Qure kiñilala Betlehem jojomq di soqneb qaji dia dego aŋgro mel kiñilala wausau aiyel osaisoqneb qaji naŋgi kalil moiotnjreb. Nami Herot a bongar brantej qaji aqa bati di qalieqa osiqa bongar sisiyo qaji tamo naŋgi nenemnjrej. Di kiyaqa? A are qalej, a na aŋgro mel naŋgi bati deqa ŋambabeb qaji di moiotnjrqajqa deqa.

Matyu 2:3

Onaqa Mandor Koba Herot a naŋgo anjam di qusiqa a are koba qaloqnej. Tamo uŋgasari kalil Jerusalem qureq di soqneb qaji naŋgi dego naŋgo anjam di qusib are koba qaloqneb.

Matyu 27:27

Osiqa naŋgi qariŋnjrnaqa naŋgi Yesus osib Rom naŋgo tal kobaqujaq osi gileb. Osi gilsib qaja tamo kalil naŋgi metnjrnab bosib tal dia koroeb.

Jon 18:28

Onaqa nobqolo malu qameqnaq Juda tamo kokba naŋgi na Kaiafas aqa talq dena Yesus osib Rom naŋgo mandor koba Pailat aqa tal kobaqujaq osi gileb. Osi gilsib naŋgi segi Pailat aqa tal miligiq gilosai. Naŋgi endegsib are qaleb, “Pailat a Juda tamo sai. A sawa bei qaji tamo. Deqa iga aqa tal miligiq gilqa keresai. Gago dal anjam degsi unu. Iga aqa tal miligiq gilqom di iga une ti sqom. Sonamqa gago yori bati koba brantqas di iga iŋgi uyqa keresai.” Naŋgi degsi are qalsib deqa naŋgi segi Pailat aqa tal miligiq gilosai.

Aposel 23:30

Ariya bati bei e anjam endegsi quem, ‘Juda tamo qudei naŋgi anjam endegsib qosisib maronub, “Iga gamq dia tariŋonamqa qaja tamo naŋgo gate koba a na Pol osi aioqnimqa iga na qalsim moiotqom.” ’ E anjam di qusim deqa agi Pol qariŋyonum ni qa bqo. Ariya e na tamo naŋgi Pol aqa jejamuq di anjam qameteqnub qaji naŋgi endegsi minjronum, ‘Niŋgi segi Sisaria qureq aisib Feliks aqa ulatamuq dia tigelosib Pol aqa une geregere minjib a quqwas.’”

Aposel 24:1

Bati 5-pela koboonaqa Juda naŋgo atra tamo gate Ananaias a ti Juda tamo kokba qudei ti Juda naŋgo anjam taqyo tamo bei aqa ñam Tertulus a ti Sisaria qureq aieb. Aisib Rom naŋgo tamo koba Feliks aqa ulatamuq dia tigelosibqa Pol aqa jejamuq di anjam qamoqneb.

Aposel 24:10

Onaqa Feliks a Pol aqa anjam quqwajqa deqa aqa baŋ soqtosiq Pol metonaqa a kamba tigelosiqa marej, “O Tamo Koba Feliks, e qalie, ni wausau gargekoba sawa endi taqatesoqnem agi bini taqatejunum. Deqa e kamba ijo anjam mermqai.

Aposel 24:19

Ariya Juda tamo qudei Esia sawaq dena beleŋeb qaji naŋgi na e atra tal miligiq di sonam nubsibqa bosib e ojeb. Deqa naŋgi e qa anjam bei soqnimqa bosib ino ulatamuq endia tigelosib ijo une marqab.

Aposel 24:22

Feliks a tamo uŋgasari Yesus aqa gam daurysib laqneb qaji naŋgo kumbra qalie. Deqa a na Juda tamo kokba naŋgi endegsi minjrej, “Nuŋgo anjam di mati soqnem. Qaja tamo naŋgo gate koba Lisias a bamqa niŋgi olo anjam di maribqa e qusiy gereiyqai.”

Aposel 24:23

Osiqa aqa qaja tamo gate bei minjej, “Ni na Pol osim tonto talq di waiysim taqatesoqne. A gulube bei yaim. Aqa was naŋgi a unqa bosib iŋgi iŋgi qa aqaryaiyqa maroqnibqa ni na saidnjraim.”

Aposel 25:16

Onaqa e na kamba endegsi minjrem, ‘Iga tamo bei laŋa ojsim qaja tamo naŋgo baŋq di atqa keresai. Rom gago kumbra degsi sosai. Deqa niŋgi Pol qa anjam bei soqnimqa a mati ijo ulatamuq dia tigelamqa niŋgi aqa une marib qusimqa a kamba aqa anjam marqas.’