Aposel 23:32 - Yesus Aqa Anjam Bole

³² Nebeonaqa qaja tamo siŋga na walwelo qaji naŋgi Antipatris qureq dena olo puluosib Jerusalem qureq gilsib naŋgo ŋeio talq di soqneb. Onaqa qaja tamo hos na walwelo qaji naŋgi segi Pol suweiyosib torei Sisaria qureq osi aieb.

Aposel 23:32 ပူးပေါင်းရင်းမြစ်များ

Aposel 23:10

Onaqa Sadyusi naŋgi anjam di qusibqa naŋgi tulaŋ ŋiriŋkobaosib Pol qalqajqa laqnabqa qaja tamo naŋgo gate koba a di unsiqa are qalej, “Naŋgi Pol ojsib aqa jejamu tulaŋ ugeugeiyqab.” A degsi are qalsiqa ulaosiq aqa qaja tamo naŋgi metnjrnaqa bosib Sadyusi naŋgo baŋq dena Pol yainjrsib naŋgo ŋeio talq olo osi gileb.

Aposel 23:16

Ariya naŋgi anjam degsi keretonabqa Pol aqa nawi aqa ŋiri a naŋgo anjam di qusiqa tigeloqujatsiq qaja tamo naŋgo ŋeio talq gilsiqa anjam di Pol minjej.

Aposel 23:23

Degsi minjsiqa aqa qaja tamo gate aiyel naŋgi metnjrnaqa aqa areq bonab minjrej, “Niŋgi na qaja tamo 200 siŋga na walwelo qaji naŋgi ti qaja tamo 200 aŋ ti laqnub qaji naŋgi ti qaja tamo 70 hos na walwelo qaji naŋgi ti minjribqa naŋgi bini qolo seŋ bati 9 Pol osib Sisaria qureq aiqab. Niŋgi na endegsib minjriye, ‘Nuŋgo walwelqajqa iŋgi iŋgi gereiyosib soqniye.

Aposel 23:31

Qaja tamo naŋgo gate koba a na anjam degsi neŋgreŋyosiqa aqa qaja tamo naŋgi enjrnaqa naŋgi na aqa anjam dauryosibqa qolo Pol osib Antipatris qureq osi aisib dia ŋereŋeb.