Aposel 22:24 - Yesus Aqa Anjam Bole

²⁴ Onaqa qaja tamo naŋgo gate koba a Juda naŋgo kumbra di unsiqa aqa qaja tamo naŋgi minjrej, “Niŋgi Pol osib nuŋgo ŋeio tal miligiq osi gilsib bu toqoŋ na kumbaiŋyiye. Kumbaiŋyosib nenemyibqa aqa une kie qa kio tamo uŋgasari naŋgi murqumyoqnsib a qalib moiqajqa mareqnub di a na geregere mergimqa iga quqwom.”

Aposel 22:24 ပူးပေါင်းရင်းမြစ်များ

Jon 19:1

Onaqa Pailat na Yesus osiqa aqa qaja tamo naŋgo baŋq di atsiqa minjrej, “Niŋgi na Yesus bu toqoŋ na kumbaiŋyiye.” Degsi minjrnaqa naŋgi na Yesus osib bu toqoŋ na kumbaiŋyeb.

Aposel 16:37

Onaqa Pol a anjam di qusiqa qaja tamo naŋgi minjrej, “Aqo aiyel Rom qaji tamo. Rom gate kokba naŋgi na gago une bole bei babtosai. Naŋgi aqo aiyel laŋa ojsib tamo uŋgasari naŋgo ŋamdamuq dia kumbaiŋgosib tonto talq di waigeb. Bini naŋgi lumu na iga olo oqeq atib gilqajqa maronub. Deqa iga gilqasai. Naŋgi segi bosib iga tonto talq endena oqeq atib gilqom.”

Aposel 21:34

A na naŋgi degsi nenemnjrnaqa naŋgi olo leleŋkobaoqnsib anjam utru segi segi mareleŋoqneb. Qudei anjam bei maroqneb. Qudei anjam bei maroqneb. Naŋgi degsib mareleŋoqnsib deqa naŋgi Pol aqa une utru geregere ubtsi marqa keresai. Deqa qaja tamo naŋgo gate koba a na aqa qaja tamo naŋgi minjrnaqa naŋgi Pol osib naŋgo ŋeio talq osi gileb.

Aposel 21:37

Osi gilsib naŋgo ŋeio tal gogeq di atqa laqnabqa Pol a Grik anjam na qaja tamo naŋgo gate koba endegsi nenemyej, “E ni anjam bei mermqa kere e?” Onaqa minjej, “Ni Grik anjam qalie e?

Aposel 23:10

Onaqa Sadyusi naŋgi anjam di qusibqa naŋgi tulaŋ ŋiriŋkobaosib Pol qalqajqa laqnabqa qaja tamo naŋgo gate koba a di unsiqa are qalej, “Naŋgi Pol ojsib aqa jejamu tulaŋ ugeugeiyqab.” A degsi are qalsiqa ulaosiq aqa qaja tamo naŋgi metnjrnaqa bosib Sadyusi naŋgo baŋq dena Pol yainjrsib naŋgo ŋeio talq olo osi gileb.

Aposel 23:27

Tamo agi inoq osi bonub qaji aqa ñam Pol. Juda naŋgi na a ojsib moiotqa laqnabqa e na ijo qaja tamo naŋgi joqsim aisim naŋgo baŋq dena yainjrem. E qalieem, Pol a Rom qaji tamo. Deqa e na a aqaryaiyosim naŋgo baŋq dena yainjrem.

Aposel 28:18

Deqa e Rom gate kokba naŋgo ulatamuq di tigelosim ijo anjam mareqnamqa naŋgi qusibqa une kobaquja bei ijo jejamuq di unosai. Deqa naŋgi mareb, ‘Pol a une saiqoji. Deqa iga na a qalsim moiotqa keresai. Deqa uŋgum. Iga na tonto talq dena uratim oqedqas.’ Naŋgi degsib mareb.

Hibru 11:35

Uŋgasari qudei naŋgo aŋgro naŋgi moreŋeqnab Qotei na naŋgi olo subq na tigeltnjroqnej. Jeu tamo naŋgi na tamo qudei naŋgi tonto talq di breinjroqnsib jaqatiŋ koba enjroqneb. Osib minjroqneb, “Niŋgi Qotei qoreiyib iga niŋgi uratŋgim niŋgi tonto talq dena oqedqab.” Onaqa naŋgi saidosib minjroqneb, “Sai. Mondoŋ iga olo subq na tigelosim ŋambile gaigai sqom. Deqa uŋgum, bini iga jaqatiŋ oqnsim unum di kere.”