Aposel 21:32 - Yesus Aqa Anjam Bole

³² A degsi qusiqa aqa qaja tamo qudei naŋgo gate naŋgi ti joqsiqa gurgur ti tamo uŋgasari naŋgo ambleq ainabqa unjrsibqa Pol qalqa urateb.

Aposel 21:32 ပူးပေါင်းရင်းမြစ်များ

Jon 18:12

Onaqa qaja tamo naŋgi ti naŋgo gate ombla na Yesus ojsib aqa baŋ tonteteb.

Aposel 22:19

Onaqa e na Yesus minjem, ‘O Tamo Koba, e kiyaqa Jerusalem uratqai? Juda naŋgi na ijo anjam quetbqab. Naŋgi qalie, nami e are bulyosaisosim bati deqa e naŋgo Qotei tal miligiq giloqnsimqa tamo uŋgasari ni qa naŋgo areqalo siŋgilato qaji naŋgi ojeleŋoqnsim toqoŋ na ñumoqnsim tonto talq di breinjroqnem. Nami Juda naŋgi na ino wau tamo Stiven meniŋ na qaleqnabqa e jojom di tigelosim tamo naŋgi a qaloqneb qaji naŋgo gara jugo taqatesosim endegsi minjroqnem, “Keretosib Stiven qalonub moiqo.” Ijo kumbra di Juda naŋgi qalie. Deqa naŋgi ijo anjam quetbqab.’

Aposel 23:27

Tamo agi inoq osi bonub qaji aqa ñam Pol. Juda naŋgi na a ojsib moiotqa laqnabqa e na ijo qaja tamo naŋgi joqsim aisim naŋgo baŋq dena yainjrem. E qalieem, Pol a Rom qaji tamo. Deqa e na a aqaryaiyosim naŋgo baŋq dena yainjrem.

Aposel 24:6

A na gago atra tal aqa ñam dego ugetetgeqnu. Deqa iga a ojsim gago segi dal anjam na aqa une qa pegiyqa laqnamqa qaja tamo naŋgo gate koba Lisias a bosiqa gago anjam gentosiqa gago baŋq dena Pol siŋgila na yaigej.

Aposel 5:40

Osib naŋgi metnjrnabqa naŋgi olo bonabqa bu toqoŋ na naŋgi kumbaiŋnjrsib naŋgi Yesus aqa ñam olo marqajqa siŋgila na saidnjrsib naŋgi uratnjreb.