Aposel 21:30 - Yesus Aqa Anjam Bole

³⁰ Onaqa tamo uŋgasari kalil Jerusalem qureq di soqneb qaji naŋgi anjam di qusibqa minjiŋ oqetnjrnaqa leleŋkobaoqnsibqa gurgur ti atra tal miligiq gilsib Pol ojeb. Ojsib giriŋyosib oqeq atsib atra tal aqa siraŋme kalil kabuteleŋeb.

Aposel 21:30 ပူးပေါင်းရင်းမြစ်များ

Matyu 2:3

Onaqa Mandor Koba Herot a naŋgo anjam di qusiqa a are koba qaloqnej. Tamo uŋgasari kalil Jerusalem qureq di soqneb qaji naŋgi dego naŋgo anjam di qusib are koba qaloqneb.

Matyu 21:10

Onaqa Yesus a walwelosi aisiq Jerusalem qureq di brantonaqa tamo uŋgasari kalil naŋgi a unsibqa naŋgi tulaŋ prugeleŋosib segi segi maroqneb, “Tamo endi yaiyo?”

Aposel 19:29

Naŋgi anjam degsib mareqnabqa tamo uŋgasari kalil Efesus qureq di soqneb qaji naŋgi qusibqa naŋgi dego tulaŋ murqumyoqnsibqa Masedonia tamo aiyel Pol dauryosib beb qaji naŋgo ñam Gaius wo Aristarkus wo naŋgi ojsib giriŋnjrosib qure deqa gate kokba naŋgo ulatamuq dia tigeltnjrqa marsib gurgur ti koro sawaq joqsib gileb.

Aposel 26:21

Utru deqa Juda tamo kokba naŋgi na atra tal miligiq dia e nubsibqa bosib e ojeb. Osib mareb, ‘Iga Pol qalsim moiotqom.’

2 Korin 11:26

Bati gargekoba e sawa isaq siŋga na walweloqnem. Ya koba doqnsiqa e ya na padaltbqa jojomoqnej. E gamq di walweleqnamqa bajiŋ tamo naŋgi gam getentoqnsibqa e lubqa laqneb. Juda tamo naŋgi ti sawa bei bei qaji tamo naŋgi ti dego e lubqa laqneb. Qure qureq dia, wadau sawaq dia, yuwalq dia dego e padalqa jojomoqnem. Gisaŋ Kristen naŋgi na dego e ugeugeibqa laqneb.