Aposel 19:27 - Yesus Aqa Anjam Bole

²⁷ Pol aqa kumbra dena gago silali wau endi uloŋqas. Di segi sai. Gago qotei koba Artemis aqa atra tal aqa ñam dego ugeqas. Amqa tamo uŋgasari kalil naŋgi Artemis aqa ñam soqtqa uratqab. Niŋgi qalie, Esia sawaq endia tamo uŋgasari naŋgi Artemis aqa ñam soqtoqnsibqa a qa loueqnub. Sawa sawa kalilq dia dego tamo uŋgasari naŋgi Artemis aqa ñam soqteqnub. Deqa iga Pol siŋgila na ŋiriŋtosim wiyqom. Aqa anjam dena Artemis aqa ñam torei uloŋo uge.”

Aposel 19:27 ပူးပေါင်းရင်းမြစ်များ

Matyu 23:13

Osiqa Yesus a olo anjam endegsi minjrej, “O dal anjam qalie tamo ti Farisi ti niŋgi ŋam atiye. Niŋgi anjam maro aiyelteqnub qaji tamo. Deqa tamo uŋgasari naŋgi laŋ qureq oqwajqa gam itqa mareqnabqa niŋgi na gam getentetnjreqnub. Niŋgi segi na laŋ qureq oqwajqa gam itqa keresai. Deqa tamo uŋgasari naŋgi dego laŋ qureq oqwajqa gam itqa yeqnab niŋgi na gam getentetnjreqnub. Nuŋgo une deqa niŋgi tulaŋ padalougetqab.

Matyu 24:14

Yim naŋgi sawa sawa kalil keretoqnsib Qotei a tamo uŋgasari naŋgo Mandor Koba sosiq naŋgi taqatnjreqnu anjam bole di mare mare laqnib tamo uŋgasari kalil naŋgi quoqnqab. Ariya bunuqna diŋo bati brantqas.”

Aposel 19:10

Pol a wausau aiyel Efesus qureq di sosiqa Tamo Koba Yesus aqa anjam plaltosiq maroqnej. Deqa aqa anjam tulaŋ kobaonaqa tamo uŋgasari kalil Esia sawaq di soqneb qaji Juda ti Grik ti naŋgi quoqneb.

Aposel 19:21

Bati bei Qotei aqa Mondor na Pol areqalo yonaqa a endegsi marej, “E Masedonia sawa ti Akaia sawa ti dia walweloqnsiyqa dena aisiy Jerusalem qureq di brantqai.” Osiqa marej, “Di koboamqa e Jerusalem uratosiy gilsiy Rom qure dego unqai.”

1 Timoti 6:5

Osib naŋgi gaigai ŋiriŋ anjam koba mareleŋeqnub. Tamo deqaji naŋgi areqalo tulaŋ uge na laqnub. Naŋgi Qotei aqa anjam bole qaliesai bolesai. Deqa naŋgi endegsib are qaleqnub, “Iga Qotei aqa kumbra dauryqom dena iga ñoro koba ti sqom.” O Timoti, naŋgo anjam di gisaŋ.

1 Jon 5:19

Iga qalie, iga Qotei aqa aŋgro unum. Ariya tamo uŋgasari kalil mandamq endi unub qaji naŋgi tamo uge Satan aqa sorgomq di unub deqa a na naŋgi siŋgila na taqatnjreqnu.

Uli Anjam 13:3

Wagme juwaŋ di aqa gate bei nami qalnab moisiq yu ti so bulonaq unem. Yu di olo mosoonaq aqa pirigi unem. Onaqa tamo uŋgasari kalil wagme juwaŋ di uneb qaji naŋgi tulaŋ prugugetosib a dauryoqneb.

Uli Anjam 13:8

Deqa tamo uŋgasari kalil mandamq endi unub qaji naŋgi na wagme juwaŋ di biŋiyoqnsib aqa ñam tulaŋ koba soqtoqneb. Tamo uŋgasari naŋgi di Qotei a nami mandam atosaisosiqa naŋgi ŋambile gaigai sqajqa saidosiq ŋambile qa buk miligiq di naŋgo ñam neŋgreŋyosai. Buk di agi Kaja Du nami qalnab moiej qaji aqa segi buk.

Uli Anjam 14:9

Onaqa laŋ aŋgro bei a laŋ aŋgro aiyel naŋgi di daurnjrsiq bej. Bosiqa tulaŋ koba leleŋosiqa marej, “Tamo bei a wagme juwaŋ naŋgi aqa sulum wo qa louoqnsimqa aqa lanjaqsi baŋqsi toqor oqas di a wain siŋgila koba uyobulqas.