Aposel 19:17 - Yesus Aqa Anjam Bole

¹⁷ Onaqa tamo uŋgasari kalil Juda ti Grik ti Efesus qureq di soqneb qaji naŋgi deqa qusibqa tulaŋ ulaugeteb. Osib naŋgi Tamo Koba Yesus aqa ñam tulaŋ koba soqteb.

Aposel 19:17 ပူးပေါင်းရင်းမြစ်များ

Luk 1:65

Bati deqa tamo uŋgasari kalil qure dia soqneb qaji naŋgi kumbra deqa qusib ulaeb. Ulaosib kumbra deqa mare mare laqnabqa naŋgo anjam di tulaŋ kobaonaqa qure kalil Judia sawaq di so qaji naŋgi quekriteb.

Luk 7:16

Onaqa tamo uŋgasari kalil qure dia soqneb qaji naŋgi Yesus aqa siŋgila di unsibqa naŋgi tulaŋ prugeleŋosib Qotei aqa ñam soqtosib maroqneb, “Bole, bini Qotei aqa medabu o qaji tamo kobaquja gago ambleq endi brantqo. Qotei na aqa segi tamo uŋgasari naŋgi aqaryainjrqajqa deqa tamo di qariŋyqoqa gagoq bqo.”

Aposel 13:12

Onaqa Sergius Paulus a Tamo Koba Qotei aqa siŋgila di unsiqa Qotei aqa anjam Barnabas wo Sol wo na minjoqneb qaji di poiyonaqa tulaŋ prugugetosiq Yesus qa aqa areqalo siŋgilatej.

Aposel 18:19

Tiryosib mandamq aisib Pol a Juda naŋgo Qotei tal miligiq gilsiqa naŋgi Qotei aqa anjam plaltosiq minjroqnej. Onaqa naŋgi Pol aqa anjam qusib minjeb, “Ni bati qudei iga koba na endi sqom.” Minjnabqa a na naŋgi saidnjrsiqa gilqa osiqa minjrej, “Qotei na odbimqa bunuqna e nuŋgoq olo bqai.” Degsi minjrsiqa a qobuŋ gogetosiq gilej. A Prisila wo Akwila wo naŋgi Efesus qureq di uratnjrnaq soqneb.

Aposel 19:1

Apolos a Korin qureq di sonaqa Pol a Esia sawa yambaŋ naŋgo qure qureq na walweloqnej. A walwelosi aisiq Efesus qureq di brantosiqa tamo qudei Yesus dauryoqneb qaji naŋgi sonab itnjrsiqa endegsi nenemnjrej, “Nami niŋgi Yesus qa nuŋgo areqalo siŋgilatosib bati deqa Qotei aqa Mondor eb e?” Onaqa naŋgi na saideb, “Eo. Iga Qotei aqa Mondor osai. Qotei aqa Mondor unu kio sai kio di iga nami quosaioqnem.”

Aposel 19:16

Mondor uge na naŋgi degsi minjrnaqa tamo mondor uge ti so qaji a siŋgila na prugosiq naŋgo qawarq di awoosiq naŋgi ñumougetnjrsiq jejamu niñaqyetnjrej. Osiqa naŋgo gara bumbraŋyetnjrnaqa naŋgi tal uratosib yosi jaraieb.

Aposel 19:18

Bati deqa tamo uŋgasari tulaŋ gargekoba naŋgi are bulyoqnsibqa Yesus qa naŋgo areqalo siŋgilatoqneb. Deqa naŋgi boqnsib naŋgo kumbra uge uge nami yoqneb qaji di tamo kalil naŋgo ŋamdamuq dia ubtosib maroqneb.

Aposel 2:43

Qotei na Yesus aqa aŋgro 12-pela naŋgi siŋgila enjreqnaqa naŋgi maŋwa gargekoba yoqneb. Onaqa Yesus aqa tamo uŋgasari naŋgi kalil maŋwa di unoqnsib Qotei aqa ñam soqtoqneb.

Aposel 5:11

Onaqa anjam di tulaŋ kobaonaqa Yesus aqa tamo uŋgasari kalil tamo qudei naŋgi ti qusib tulaŋ ulaugeteb.

Aposel 5:13

Tamo uŋgasari laŋa laŋaj kalil Jerusalem qureq di soqneb qaji naŋgi na tamo uŋgasari Yesus qa naŋgo areqalo siŋgilateb qaji naŋgo ñam soqtetnjroqnsibqa naŋgi ti koba na koroqajqa ulaoqneb.

Aposel 5:5

Pita a degsi marnaqa Ananaias a anjam di qusiqa moioqujatosiq mandamq di uloŋej. Onaqa aŋgro wala naŋgi bosib aqa jejamu gara na dalaosib osi gilsib subq ateb. Onaqa tamo uŋgasari kalil anjam di queb qaji naŋgi tulaŋ ulaugeteb.

Filipai 1:20

Deqa ijo areqalo kobaquja agiende. E kumbra uge bei yqasai. Yim deqa e jemaibqasai. E endegsi are qalonum. Bini bati endeqa ti bunuq qa ti e siŋgila na tigeloqnsiy kumbra bole segi dauryoqnqai. Agi e kumbra degyeqnum. Deqa e moiqai kio e sqai kio di uŋgum. E ijo kumbra kalil qa Kristus aqa ñam soqtoqnqai.

2 Tesalonaika 1:12

Deqa nuŋgo kumbra dena niŋgi gago Tamo Koba Yesus aqa ñam soqtoqniye. Yimqa a na kamba dego nuŋgo ñam soqtetŋgoqnqas. Gago Qotei wo Tamo Koba Yesus Kristus wo naŋgi aiyel niŋgi qa are tulaŋ boleinjroqnimqa kumbra di nuŋgoq di brantoqneme.

2 Tesalonaika 3:1

Ariya was qu, gago anjam qujai bei unu. Anjam agiende. Niŋgi iga qa Qotei pailyoqniye. Yimqa Qotei na iga aqaryaigimqa iga Tamo Koba Yesus aqa anjam geregere mare mare laqnqom. Yimqa aqa anjam di tulaŋ kobaosim sawa sawa kalil keretoqnimqa tamo tulaŋ gargekoba naŋgi quoqnsib Yesus aqa ñam soqtoqnqab. Nami Yesus aqa anjam nuŋgo ambleq di tulaŋ kobaej dego kere.