Aposel 18:24 - Yesus Aqa Anjam Bole

²⁴ Onaqa bati bei Juda tamo bei aqa ñam Apolos aqa qure utru Aleksandria a bosiqa Efesus qureq di wauoqnej. A Qotei aqa anjam maro qaji tamo. A Qotei aqa anjam tulaŋ qaliedamu. Deqa a na Qotei aqa anjam kalil nami neŋgreŋyeb qaji di geregere plaltoqnej.

Aposel 18:24 ပူးပေါင်းရင်းမြစ်များ

Matyu 13:52

Onaqa Yesus na olo minjrej, “Qotei laŋ qureq di unu qaji a tamo uŋgasari naŋgo Mandor Koba sosiq naŋgi taqatnjreqnu. Anjam di dal anjam qalie tamo qudei naŋgi poinjreqnu. Poinjreqnu qaji naŋgi tal aqa abu bul unub. Deqa naŋgi naŋgo talq dena ñoro bunuj ti ñoro namij ti eleŋoqnsib oqeq ateqnub.”

Luk 24:19

Onaqa Yesus na kamba nenemnjrej, “Kumbra kie brantej?” Onaqa naŋgi aiyel na minjeb, “Yesus Nasaret qaji a ŋamburbasq di qalnab moiej. Iga kumbra deqa mareqnum. Yesus a Qotei aqa medabu o qaji tamo bei. A Qotei aqa siŋgila ti sosiq deqa a Qotei aqa maŋwa gargekoba yeqnaqa tamo uŋgasari naŋgi unoqneb. A Qotei aqa siŋgila ti sosiq deqa anjam bolequja mareqnaqa tamo uŋgasari naŋgi quoqneb.

Aposel 18:19

Tiryosib mandamq aisib Pol a Juda naŋgo Qotei tal miligiq gilsiqa naŋgi Qotei aqa anjam plaltosiq minjroqnej. Onaqa naŋgi Pol aqa anjam qusib minjeb, “Ni bati qudei iga koba na endi sqom.” Minjnabqa a na naŋgi saidnjrsiqa gilqa osiqa minjrej, “Qotei na odbimqa bunuqna e nuŋgoq olo bqai.” Degsi minjrsiqa a qobuŋ gogetosiq gilej. A Prisila wo Akwila wo naŋgi Efesus qureq di uratnjrnaq soqneb.

Aposel 18:28

Osiqa Juda tamo naŋgi koba na anjam na qotoqnsib Qotei aqa anjam nami neŋgreŋyeb qaji di plaltoqnsiqa Yesus a bole Kristus Qotei na qariŋyej qaji anjam di siŋgila na minjroqnej. A boleq na anjam minjroqnej.

Aposel 19:1

Apolos a Korin qureq di sonaqa Pol a Esia sawa yambaŋ naŋgo qure qureq na walweloqnej. A walwelosi aisiq Efesus qureq di brantosiqa tamo qudei Yesus dauryoqneb qaji naŋgi sonab itnjrsiqa endegsi nenemnjrej, “Nami niŋgi Yesus qa nuŋgo areqalo siŋgilatosib bati deqa Qotei aqa Mondor eb e?” Onaqa naŋgi na saideb, “Eo. Iga Qotei aqa Mondor osai. Qotei aqa Mondor unu kio sai kio di iga nami quosaioqnem.”

Aposel 27:6

Dia Julius a Aleksandria qure naŋgo qobuŋ bei Itali sawaq gilqa laqnaqa unsiqa a na iga Pol qu tonto tamo naŋgi ti joqsiqa qobuŋ di gogetem.

Aposel 6:9

Onaqa bati bei Juda tamo qudei naŋgi tigelosib Stiven ombla anjam na qotoqneb. Tamo naŋgi di Juda naŋgo Qotei tal beiq dia gaigai louoqneb. Naŋgi nami kaŋgal tamo sonabqa uratnjrnab laŋa soqneb deqa naŋgi Qotei tal dia louoqneb. Deqa Qotei tal di aqa ñam endegsib waiyeb, “Tamo Laŋaj Naŋgo Qotei Tal.” Tamo naŋgi di Stiven ombla anjam na qotoqneb. Naŋgi nami Sairini qure ti Aleksandria qure ti Silisia sawa ti Esia sawa dena ti beleŋeb.

Aposel 7:22

A Isip naŋgo skul kobaq giloqnsiq powo koba oqnej. Deqa a tamo siŋgila koba soqnej. A siŋgila na wauoqnsiqa anjam maroqnej.

1 Korin 1:12

O was qu, niŋgi segi segi anjam na qoteqnub qaji nuŋgo utru agiende. Niŋgi qudei mareqnub, “E Pol dauryo qaji tamo.” Niŋgi qudei mareqnub, “E Apolos dauryo qaji tamo.” Niŋgi qudei mareqnub, “E Pita dauryo qaji tamo.” Ariya niŋgi qudei mareqnub, “E Kristus dauryo qaji tamo.” Niŋgi anjam na qoteqnub qaji nuŋgo utru agide.

1 Korin 16:12

Ariya gago was Apolos aqa anjam agiende. Bati gargekoba e siŋgila na minjoqnem, “Gago Kristen was qudei naŋgi Korin Kristen naŋgi unjrqajqa giloqnib ni uratnjraim. Ni naŋgi daurnjrsim gile.” Onaqa a gilqa uratoqnej. Bunuqna a niŋgi qa bqajqa bati kereamqa a niŋgi qa bqas.

1 Korin 4:6

O was qu, aqo Apolos wo gago kumbra qa agi e na niŋgi merŋgonum. Niŋgi gago kumbra deqa are qalsib Qotei aqa anjam neŋgreŋq di unu qaji di niŋgi geregere dauryosib olo gotraŋyaib deqa niŋgi merŋgonum. Deqa was qu, niŋgi diqoqnsib tamo qudei naŋgo ñam soqtetnjroqnsib olo tamo qudei naŋgo ñam aguq atoqnaib.

2 Korin 10:10

Bole, tamo qudei naŋgi e qa endegsib yomueqnub, “Pol a anjam siŋgila na neŋgreŋyosiq iga qa qariŋyeqnu. Ariya a iga koba na sosim anjam mergoqnsim iga a unoqnem di a siŋgila saiqoji. Anjam palontqajqa wau di dego a qaliesai bolesai.”

Kolosi 3:16

Osib niŋgi Kristus aqa anjam osib nuŋgo are miligiq di siŋgilatib soqnem. Osib niŋgi na nuŋgo Kristen was qu naŋgi areqalo bole ti powo ti osornjroqniye. Yim naŋgi kumbra bole bole yoqnqajqa deqa. Niŋgi nuŋgo are miligiq di Qotei biŋiyoqnsib a qa louoqniye. Lou qudei neŋgreŋq di unu qaji dena ti lou qudei Qotei aqa Mondor na nuŋgo are miligiq di ateqnu qaji dena ti niŋgi Qotei qa louoqniye.

Taitus 3:13

Apolos wo dal anjam qalie tamo Senas wo naŋgi aiyel walwelqa laqnibqa ni na iŋgi iŋgi kalil qa aqaryainjrimqa naŋgi gamq dia iŋgi bei qa truquqasai.