Aposel 18:2 - Yesus Aqa Anjam Bole

² Gilsiq dia Juda tamo bei aqa ñam Akwila itej. Akwila aqa qure utru Pontus. Nami yala naŋgi aqa ŋauqali Prisila wo Itali sawa uratosib Korin beb. Rom naŋgo mandor koba Sisar Klodius a marej, “Juda naŋgi Rom qureq endia sqasai. Kalil jaraiiye.” Deqa naŋgi aiyel Itali sawa uratosib Korin qureq beb. Bosib Korin qureq di sonabqa Pol a gilsiq naŋgi itnjrej.

Aposel 18:2 ပူးပေါင်းရင်းမြစ်များ

Aposel 11:28

Bei aqa ñam Agabus. Naŋgi Antiok qureq bonabqa Qotei aqa Mondor na Agabus aqa medabu siŋgilatetonaqa a tigelosiqa marej, “Bunuqna sawa sawa kalilq dia naŋgi mam koba oqab.” Onaqa bunuqna Rom naŋgo mandor koba Klodius aqa bati brantonaqa mam koba di aiej.

Aposel 18:18

Pol a bati gargekoba yala Korin qureq di sosiqa Yesus aqa tamo uŋgasari naŋgi koba na wauoqneb. Osiqa dena tigelosiqa naŋgi uratnjrsiqa Senkria qureq gilej. Gilsiq di sosiqa Juda naŋgo kumbra dauryosiqa aqa segi gate baŋga ti mejuŋgum ti gentej. Nami a Qotei pailyoqnsiq deqa aqa gate baŋga ti mejuŋgum ti gentosaioqnej. Deqa a tulaŋ olekobaoqnej. Ariya pailyo di koboonaqa a Senkria qureq dia aqa gate baŋga ti mejuŋgum ti gentej. Osiqa Senkria qure uratqa osiqa Prisila wo Akwila wo naŋgi joqsiqa koba na qobuŋ gogetosib gileb. Gilsib Siria sawaq di brantosib Efesus qureq di tiryeb.

Aposel 18:26

Deqa bati bei a Juda naŋgo Qotei tal miligiq dia siŋgila na anjam minjreqnaqa Prisila wo Akwila wo naŋgi aqa anjam qusibqa a osib Qotei aqa gam bole geregere osoryonab a poiyej.

Aposel 2:9

Iga kalil qure bei bei qaji. Iga qudei Partia, Midia, Elam, Mesopotemia, Judia, Kapadosia, Pontus, Esia sawaq dena beleŋem.

Aposel 27:1

Onaqa naŋgi iga qobuŋ gogetosim Itali sawaq gilqajqa anjam keretosib Pol tamo qudei ti tonto talq dena eleŋosib qaja tamo naŋgo gate bei aqa ñam Julius aqa baŋq di ateb. Julius a Rom qaji tamo.

Aposel 27:6

Dia Julius a Aleksandria qure naŋgo qobuŋ bei Itali sawaq gilqa laqnaqa unsiqa a na iga Pol qu tonto tamo naŋgi ti joqsiqa qobuŋ di gogetem.

1 Korin 16:19

Ariya was qu, tamo uŋgasari Esia sawaq dia Qotei qa loueqnub qaji naŋgi na niŋgi kaiyeiŋgonub. Akwila wo Prisila wo naŋgi aiyel niŋgi qa tulaŋ areboleboleinjrqo deqa naŋgi Tamo Koba Yesus aqa ñam na kaiye anjam niŋgi qa qariŋyonub. Tamo uŋgasari kalil naŋgo talq dia Qotei qa loueqnub qaji naŋgi dego niŋgi kaiyeiŋgonub.

2 Timoti 4:19

O Timoti, ni na ijo kaiye anjam endi osim tamo naŋgi Onesiforus aqa talq di unub qaji naŋgi ti Prisila wo Akwila wo naŋgi koba na minjrime.

Hibru 13:24

Niŋgi na ijo kaiye anjam endi osib Kristen gate kalil naŋgi ti Qotei aqa tamo uŋgasari kalil naŋgi ti minjriye. Itali tamo qudei bosib endia unub qaji naŋgi na dego niŋgi kaiyeiŋgonub.

1 Pita 1:1

E Pita. Yesus Kristus na e qariŋbej deqa e aqa anjam marsim laqnum. E na anjam endi neŋgreŋyosim niŋgi Qotei aqa segi tamo uŋgasari niŋgi qa qariŋyonum. Niŋgi nuŋgo qure utru segi segi uratosib jaraiosib sawa sawa kalil keretosib unub. Niŋgi Pontus sawa ti Galesia sawa ti Kapadosia sawa ti Esia sawa ti Bitinia sawa ti dia unub.