Aposel 17:32 - Yesus Aqa Anjam Bole

³² Pol a Atens qureq dia tamo uŋgasari naŋgi anjam degsi minjrnaqa naŋgi Yesus subq na tigelej anjam di qusibqa naŋgi qudei Pol kikiyeb. Ariya naŋgi qudei na Pol minjeb, “Anjam di bunuqna ni na olo mergim iga quqwom.”

Aposel 17:32 ပူးပေါင်းရင်းမြစ်များ

Luk 14:18

Degsi metnjrnaqa naŋgi kalil bqa urateb. Naŋgi segi segi utru kiyaqa bqa urateb di minjoqneb. Bei na minjej, ‘E mandam bunuj awaiyonum. Di unqajqa aiqai. Deqa ni goio lanja minje, “E bqa keresai.” ’

Luk 22:63

Ariya tamo Yesus ojeb qaji naŋgi a osi gilsibqa atra tamo gate aqa tal miligiq dia a misiliŋyoqnsibqa baŋ na qaloqneb.

Luk 23:11

Onaqa Herot a naŋgo anjam di qusiqa aqa qaja tamo qudei naŋgi minjrnaqa bosib Yesus tulaŋ ugeugeiyosib misiliŋyoqneb. Yesus a segi Mandor Koba degsi maroqnej deqa naŋgi gara jugo olekoba mandor kokba naŋgi gaigai jigeqnub deqaji bei osib jigetosib qariŋyonab olo Pailat aqaq aiej.

Luk 23:36

Qaja tamo naŋgi dego Yesus degsib misiliŋyeb. Osib aqa areq gilsib wain isa koba anaiyosib misiliŋyosib minjeb, “Ni Juda naŋgo Mandor Koba boleamqa ni na ino segi jejamu aqaryaiyosim ŋamburbas urat.”

Aposel 13:41

‘O ijo anjam misiliŋyo qaji tamo niŋgi quiye. Nuŋgo bati endeqa e na maŋwa bei osorŋgitqa niŋgi unsib tulaŋ prugeleŋqab. Tamo bei na ijo siŋgila di unsiq deqa saiŋgwo qamu niŋgi qusib gisaŋ qa maronub qamu. Niŋgi bole qa marosai qamu. Deqa niŋgi tulaŋ padalougetqab.’” Pol a na Juda tamo uŋgasari naŋgi anjam degsi minjrej.

Aposel 17:18

Bati bei Grik naŋgo qalie tamo Atens qureq di soqneb qaji naŋgi Pol ombla anjam na qoteb. Naŋgi qudei qalie tamo koba Epikurias aqa skulq dena qalie eb. Naŋgi qudei skul bei aqa ñam Stoik dena qalie eb. Pol a na naŋgi endegsi minjroqnej, “Yesus a moisiq olo subq na tigelej. Deqa mondoŋ tamo kalil naŋgi dego subq na olo tigelqab.” Pol a na naŋgi degsi minjroqnej deqa naŋgi Pol ombla anjam na qotoqnsib segi segi maroqneb, “Pol a anjam laŋa laŋa mareqnu. A anjam kie mergwajqa bqo?” Ariya tamo qudei naŋgi endegsib maroqneb, “Pol a qure bei naŋgo qotei qa mergeqnu kio?”

Aposel 17:31

Qotei a na bati atej unu. Bati di brantimqa a na tamo uŋgasari kalil naŋgo une qa peginjrqas. Aqa segi kumbra bole na ti aqa Ŋiri Yesus Kristus giltej qaji aqa baŋ na ti naŋgo une qa peginjrqas. Tamo uŋgasari naŋgi di qalieqajqa deqa Qotei na Yesus subq na olo tigeltej.”

Aposel 17:33

Onaqa Pol a naŋgi uratnjrsiqa gilej.

Aposel 2:13

Onaqa tamo qudei naŋgi yomuosib mareb, “Naŋgi wain bunuj uysib deqa nanariosib anjam laŋa laŋa mareqnub.”

Aposel 24:25

Kumbra bole bole dauryoqnqajqa deqa ti gago segi segi so geregere taqatoqnqajqa deqa ti Feliks minjnaq quej. Mondoŋ Qotei na tamo uŋgasari naŋgo une qa peginjrqajqa deqa ti Pol na Feliks minjnaq quej. Qusiqa ulaosiq Pol minjej, “Ni mati aisim ino warumq di soqne. Bunuqna e bati atsiy olo ni metmit bosim anjam di merbqam.”

Aposel 25:19

Naŋgi naŋgo Qotei louqa kumbra deqa segi ŋiriŋosibqa Pol aqa jejamuq di anjam qamoqneb. Pol a maroqnej, ‘Tamo bei aqa ñam Yesus a moisiq olo subq na tigelej.’ Deqa ti naŋgi ŋiriŋosibqa Pol aqa jejamuq di anjam laŋa qamoqneb.

Aposel 26:8

Niŋgi qudei endegsib are qaleqnub kio, ‘Qotei na tamo naŋgi subq na tigeltnjrqasai?’ Niŋgi kiyaqa degsib are qaleqnub? Nuŋgo areqalo di bolesai.

1 Korin 1:23

Ariya Kristus a ŋamburbasq di moiej anjam di iga palontsim laqnam Juda naŋgi quoqnsib gisaŋ qa mareqnub. Grik naŋgi dego anjam di quoqnsib nanari qa mareqnub.

1 Korin 15:12

Kristus a moinaqa Qotei na olo subq na tigeltej anjam di iga gaigai palontosim laqnum. Ariya kiyaqa niŋgi qudei mareqnub, “Tamo moreŋeb qaji naŋgi olo subq na tigelqasai”?

1 Korin 4:10

Iga Kristus aqa ñam osi laqnum deqa iga nanari tamo bul unum. Ariya niŋgi Kristus aqa kumbra qa tulaŋ qalie unub. Iga siŋgila saiqoji unum. Ariya niŋgi siŋgila ti unub. Iga ñam saiqoji unum. Ariya niŋgi ñam ti unub.

2 Korin 6:2

Agi Qotei aqa anjam bei nami endegsib neŋgreŋyeb unu, “E ni osiy boletmqajqa bati atem. Ariya bati di brantonaqa e ino pail qusim agi ni aqaryaimem.” O was qu, niŋgi quiye. Qotei na iga boletgwajqa bati agi bini brantqo. A na iga oqajqa bati agi bini qujai.

Hibru 11:36

Ariya jeu tamo naŋgi na Qotei aqa tamo qudei naŋgi misiliŋnjroqnsib kumbaiŋnjroqneb. Osib naŋgi tonto talq di breinjroqnsib sil siŋgila koba dena naŋgi tontnjroqneb.

Hibru 13:13

Deqa iga dego qure qalaq aioqnsim Yesus aqa areq di brantoqnsim a ñam uge osiq jemaiyej dego kere iga dego ñam uge oqnqom.