Aposel 17:22 - Yesus Aqa Anjam Bole

²² Deqa Pol a naŋgo koro sawa ambleq di tigelosiqa minjrej, “O Atens tamo uŋgasari niŋgi quiye. E nuŋgo qureq endia sulum gargekoba uneleŋosim dena e qalieonum, niŋgi qotei gargekoba louoqnqajqa are koba qaleqnub.

Aposel 17:22 ပူးပေါင်းရင်းမြစ်များ

Aposel 17:15

Tamo naŋgi Pol suweiyeb qaji naŋgi a osib koba na torei Atens qureq aieb. Aisib Atens qureq dia naŋgi Pol uratosib olo puluqa laqnabqa Pol na minjrej, “Niŋgi puluosib gilsib Sailas wo Timoti wo naŋgi aiyel minjrib ijoq boqujateb.”

Aposel 17:16

Onaqa Pol a naŋgi aiyel qa Atens qureq di tariŋesoqnej. Sosiqa qure ambleq di walweloqnsiqa qotei gisa gisaŋ naŋgo sulum gargekoba unoqnsiqa are tulaŋ gulubekobaiyoqnej.

Aposel 17:19

Naŋgi degsib maroqnsib Pol osib naŋgo koro sawa aqa ñam Areopagus deq osi gileb. Osi gilsib naŋgo ambleq di tigeltosib minjeb, “Anjam bunuj ni mareqnum qaji di aqa utru geregere mergimqa iga qusim qalieqom.

Aposel 17:34

Tamo qudei naŋgi Pol aqa anjam di qusib poinjrej deqa naŋgi Yesus qa naŋgo areqalo siŋgilatosib Pol dauryeb. Bei aqa ñam Dionisius. A koro sawa deqaji gate bei. Uŋa bei aqa ñam Damaris. Tamo uŋgasari qudei dego naŋgi Yesus qa naŋgo areqalo siŋgilatosib Pol dauryeb.

Aposel 19:35

Onaqa Efesus naŋgo gate bei a kamba tigelosiqa tamo uŋgasari kalil naŋgi kiriqajqa deqa aqa baŋ soqtonaqa naŋgi kirieleŋonabqa minjrej, “O Efesus tamo uŋgasari niŋgi quiye. Efesus qureq endia niŋgi na qotei koba Artemis aqa atra tal taqateqnub. Artemis aqa sulum nami laŋ goge dena uloŋosiq mandamq aiej qaji di dego niŋgi na taqateqnub. Tamo uŋgasari kalil naŋgi di qalieonub.

Aposel 25:19

Naŋgi naŋgo Qotei louqa kumbra deqa segi ŋiriŋosibqa Pol aqa jejamuq di anjam qamoqneb. Pol a maroqnej, ‘Tamo bei aqa ñam Yesus a moisiq olo subq na tigelej.’ Deqa ti naŋgi ŋiriŋosibqa Pol aqa jejamuq di anjam laŋa qamoqneb.