Aposel 17:15 - Yesus Aqa Anjam Bole

¹⁵ Tamo naŋgi Pol suweiyeb qaji naŋgi a osib koba na torei Atens qureq aieb. Aisib Atens qureq dia naŋgi Pol uratosib olo puluqa laqnabqa Pol na minjrej, “Niŋgi puluosib gilsib Sailas wo Timoti wo naŋgi aiyel minjrib ijoq boqujateb.”

Aposel 17:15 ပူးပေါင်းရင်းမြစ်များ

Aposel 15:3

Naŋgi degsib anjam keretosib naŋgi qariŋnjrnab aieb. Naŋgi aioqnsibqa Fonisia sawa ti Samaria sawa ti dia Kristen tamo uŋgasari naŋgi itnjroqnsibqa endegsib minjroqneb, “Qotei na sawa bei bei qaji tamo uŋgasari naŋgi dego are bulyetnjreqnu.” Degsib minjreqnab naŋgi quoqnsib tulaŋ areboleboleinjroqnej.

Aposel 17:14

Degyonabqa Yesus aqa tamo uŋgasari naŋgi di qusibqa tamo qudei minjrnabqa naŋgi na Pol suweiyosib alile aieb. Ariya Sailas wo Timoti wo naŋgi Beria qureq di soqneb.

Aposel 17:16

Onaqa Pol a naŋgi aiyel qa Atens qureq di tariŋesoqnej. Sosiqa qure ambleq di walweloqnsiqa qotei gisa gisaŋ naŋgo sulum gargekoba unoqnsiqa are tulaŋ gulubekobaiyoqnej.

Aposel 17:21

Tamo uŋgasari Atens qureq di soqneb qaji naŋgi ti tamo uŋgasari sawa bei beiq na Atens qureq beleŋeb qaji naŋgi ti bati gaigai koro sawaq dia korooqnsibqa anjam bunu bunuj maroqneb.

Aposel 17:22

Deqa Pol a naŋgo koro sawa ambleq di tigelosiqa minjrej, “O Atens tamo uŋgasari niŋgi quiye. E nuŋgo qureq endia sulum gargekoba uneleŋosim dena e qalieonum, niŋgi qotei gargekoba louoqnqajqa are koba qaleqnub.

Aposel 18:1

Ariya bati bei Pol a Atens qure uratosiqa walwelosiq Korin qureq gilej.

Aposel 18:5

Onaqa bati bei Sailas wo Timoti wo naŋgi Masedonia sawa uratosib bosib Korin qureq dia Pol itosib naŋgi koba na soqneb. Deqa Pol a na aqa silali wau di uratosiqa Qotei aqa anjam segi wauoqnej. Osiqa Juda naŋgo Qotei tal miligiq giloqnsiqa naŋgi siŋgila na endegsi minjroqnej, “Yesus a bole Kristus Qotei na qariŋyej qaji.”

1 Tesalonaika 3:1

Iga Atens qureq di sosimqa iga niŋgi qa are koba qaloqnem. Deqa iga are qalem, iga olo niŋgi qa tariŋqa keresai. Deqa aqo Sailas wo endegsi marem, “Iga Atens qureq endi sqom.”

Taitus 3:12

Ariya Taitus, e na Artemas kio Tikikus kio qariŋyitqa a ni qa bqas. Bosim mermimqa ni urur bosim Nikopolis qureq di e itbe. Di kiyaqa? Yuwal ugeo bati qa e Nikopolis qureq di sqai. Soqnit ni bosim di e itbe.