Aposel 16:36 - Yesus Aqa Anjam Bole

³⁶ Onaqa a naŋgo anjam di qusiqa gilsiq Pol minjej, “Gate kokba naŋgi na qaja tamo qudei naŋgi qariŋnjronub bosib e endegsi merbonub, ‘Ni na naŋgi aiyel oqeq atim naŋgi gileb.’ Naŋgi e degsi merbonub. Deqa niŋgi aiyel are lawo na giliye.”

Aposel 16:36 ပူးပေါင်းရင်းမြစ်များ

Mak 5:34

Onaqa Yesus na minjej, “O uŋa, ni ino areqalo e qa siŋgilatosim ijoq bonum deqa ino ma agi koboqo. Deqa ni are lawo na gilsim bole soqnime.”

Jon 14:27

“E niŋgi uratŋgwa osiyqa nuŋgo are latetŋgwai. E segi are lawo na unum niŋgi degsib are lawo na sqajqa deqa e na nuŋgo are latetŋgwai. Mandam tamo uŋgasari naŋgi na degsib nuŋgo are latetŋgwa keresai. Deqa niŋgi are gulubeiŋgaiq. Osib ulaaib.

Aposel 15:33

Naŋgi aiyel bati qudei Antiok qureq di sonabqa bunuqna Yesus aqa tamo uŋgasari naŋgi na minjreb, “O gago was niŋgi aiyel olo aiiye.” Degsib minjrsib qariŋnjrnabqa naŋgi Yesus aqa aŋgro 12-pela Jerusalem di soqneb qaji naŋgoq olo aieb.

Aposel 16:23

Naŋgi kumbaiŋnjrogargekobatosib tonto talq di breinjrsib tonto tal taqato tamo a minjeb, “Ni na naŋgi aiyel siŋgila na tontnjrsim geregere taqatnjresoqne.”

Aposel 16:27

Onaqa tonto tal taqato tamo a tigelosiqa ŋam atej siraŋme kalil waqeleŋesonaq unej. Deqa a are qalej, “Tonto tamo kalil naŋgi jaraionub.” Degsi are qalsiqa aqa serie osiq aqa segi jejamu qalqa laqnaqa Pol a maosiq minjej, “Ni ino segi jejamu qalaim. Iga kalil endi unum. Iga jaraiosai.”

Aposel 16:35

Ariya nebeonaqa Rom gate kokba naŋgi na qaja tamo qudei naŋgi qariŋnjrnab aisib tonto tal taqato tamo di minjeb, “Ni na tamo aiyel di oqeq atim naŋgi gileb.”