Aposel 16:33 - Yesus Aqa Anjam Bole

³³ Onaqa qolo qujai deqa tonto tal taqato tamo a na naŋgi aiyel joqsiqa naŋgo jejamuq di yu yansetnjrej. Osiqa tamo uŋgasari kalil a ombla tal qujaiq di soqneb qaji naŋgi koba na are bulyosib Yesus qa naŋgo areqalo siŋgilateb. Osib naŋgi yanso eb.

Aposel 16:33 ပူးပေါင်းရင်းမြစ်များ

Matyu 3:6

Boqnsibqa naŋgo une kalil palontekriteqnab Jon na Jordan yaq di yansnjroqnej.

Luk 19:9

Onaqa Yesus a Sakius aqa anjam di qusiqa tamo uŋgasari naŋgi minjrej, “Bini Sakius a are bulyosiq Abraham aqa aŋgro tiŋtiŋqo. Deqa a Qotei na oqo. Tamo kalil aqa tal qujaiq endi unub qaji naŋgi dego Qotei na oqo.

Aposel 16:15

Deqa tamo uŋgasari Lidia aqa talq di soqneb qaji naŋgi ti Lidia a ti yanso eb. Onaqa Lidia na iga mergej, “E are bulyosim Tamo Koba Yesus qa ijo areqalo siŋgilatonum niŋgi bole edegosib bosib ijo talq endia iga koba na sqom.” Lidia a tulaŋ siŋgilaej deqa iga aqa talq dia a ombla na soqnem.

Aposel 16:23

Naŋgi kumbaiŋnjrogargekobatosib tonto talq di breinjrsib tonto tal taqato tamo a minjeb, “Ni na naŋgi aiyel siŋgila na tontnjrsim geregere taqatnjresoqne.”

Aposel 16:25

Onaqa qolo jige Pol wo Sailas wo naŋgi tonto tal miligiq dia Qotei pailyoqnsib loueqnabqa tamo naŋgi tonto talq di soqneb qaji naŋgi quoqneb.

Aposel 16:32

Degsi minjnabqa a na naŋgi aiyel aqa talq osi gilnabqa naŋgi aiyel na a ti tamo uŋgasari kalil a ombla tal qujaiq di soqneb qaji naŋgi ti Tamo Koba Yesus aqa anjam plaltosib minjroqneb.

1 Korin 1:16

Bole, tamo naŋgi Stefanas aqa talq di unub qaji naŋgi dego e na yansnjrem. Ariya e olo tamo qudei naŋgi yansnjrem kio di e poibosai.

Galesia 5:13

O was qu, Kristus a na niŋgi eleŋej deqa dal anjam na niŋgi olo bunu taqatŋgwasai. Qotei a deqa are qalsiq niŋgi metŋgej. Ariya niŋgi endegsib are qalaib, “Iga dal anjam aqa sorgomq di sosai deqa uŋgum, iga olo gago areqalo namij dauryosim kumbra uge uge yoqnqom.” Niŋgi degsib are qalaib. Niŋgi nuŋgo Kristen was naŋgo kaŋgal tamo bul sosib naŋgi qalaqalainjroqniye.

Galesia 5:6

Tamo a Kristus Yesus beteryesqas di a marqas, iga muluŋ aiqom di laŋa. Iga muluŋ aiqasai di dego laŋa. Ariya iga Kristus qa gago areqalo siŋgilatosim dena iga qalaqalaiyo kumbra dauryoqnqom di kumbra bole utru ti.

1 Pita 3:21

Dego kere niŋgi ya na yanso eb deqa Qotei a niŋgi dego eleŋej. A ya dena nuŋgo jejamu qaji jiga di yansetŋgosai. Niŋgi yanso eb bati deqa niŋgi Qotei pailyonab a na nuŋgo are miligi qaji jiga yansetŋgej. Qotei na Yesus Kristus olo subq na tigeltej gam dena a na niŋgi eleŋej.