Aposel 15:40 - Yesus Aqa Anjam Bole

⁴⁰ Ariya Pol a Sailas osiqa ombla na wauqa gileb. Tamo Koba Qotei na naŋgi aiyel aqaryainjrim siŋgila na wauqajqa deqa Yesus aqa tamo uŋgasari naŋgi na naŋgi aiyel qa Qotei pailyosib naŋgi aiyel qariŋnjrnab gileb.

Aposel 15:40 ပူးပေါင်းရင်းမြစ်များ

Aposel 11:23

Aisiqa Qotei a naŋgi qa dego are boleiyoqnsiqa aqaryainjroqnej di unej. Unsiqa tulaŋ areboleboleiyej. Deqa a na naŋgi kalil are siŋgilatetnjroqnsiqa minjroqnej, “Niŋgi Tamo Koba Yesus gaigai dauryoqnsib soqniye.”

Aposel 13:3

Onaqa naŋgi Qotei pailyqa osibqa iŋgi ti ya ti uratosib naŋgo aiyel gateq di baŋ atsib pailyosib Qotei aqa Mondor na anjam minjrej qaji di naŋgi dauryosib naŋgi aiyel qariŋnjrnab gileb.

Aposel 14:26

Aisib dena qobuŋ gogetosib aisib Antiok qure agi nami naŋgi aiyel dena tigelosib walweleb qaji di olo branteb. Dia nami Yesus aqa tamo uŋgasari naŋgi koroosib Qotei na naŋgi aiyel aqaryainjrim siŋgila na wauoqnqajqa deqa Qotei pailyosib naŋgi aiyel qariŋnjrnab gileb. Ariya naŋgi aiyel wau di kobotosib puluosib qure deq olo aieb.

Aposel 15:22

Jems a na naŋgi kalil anjam degsi minjrnaqa Yesus aqa aŋgro 12-pela naŋgi ti Kristen gate kokba ti Yesus aqa tamo uŋgasari kalil naŋgi ti anjam di qusib kereonaq koba na gereiyeb. Gereiyosib naŋgo ambleq dena tamo aiyel giltnjreb. Tamo aiyel di qariŋnjrib Pol wo Barnabas wo daurnjrsib Antiok qureq aisib anjam gereiyeb qaji di Yesus aqa tamo uŋgasari Antiok qureq di soqneb qaji naŋgi deqa sainjrqajqa giltnjreb. Tamo aiyel giltnjreb qaji naŋgo ñam Judas aqa ñam bei Barsabas wo Sailas wo. Naŋgi aiyel Kristen gate kokba soqneb.

Aposel 15:32

Judas wo Sailas wo naŋgi Qotei aqa medabu o qaji tamo. Deqa naŋgi aiyel anjam olekoba Yesus aqa tamo uŋgasari naŋgi minjrnab qunabqa anjam dena naŋgo are siŋgilatetnjrej.

Aposel 16:19

Onaqa uŋa di aqa tamo kokba naŋgi silali oqajqa gam saiinjrnaqa di unsibqa Pol wo Sailas wo naŋgi qa minjiŋ oqetnjrnaqa ojsib koro sawaq joqsib gilsib Rom gate kokba naŋgo ulatamuq dia tigeltnjreb. Tigeltnjrsibqa naŋgo aiyel jejamu laŋa gisaŋnjrsib Rom gate kokba naŋgi endegsib minjreb, “Tamo aiyel naŋgi endena iga tamo uŋgasari qure endia unum qaji gulube koba egeqnub. Naŋgi aiyel Juda tamo.

Aposel 17:4

Pol a na naŋgi anjam degsi minjreqnaqa Juda tamo uŋgasari qudei naŋgi aqa anjam di qusib poinjrnaqa Yesus qa naŋgo areqalo siŋgilatosib Pol wo Sailas wo naŋgi daurnjreb. Grik tamo uŋgasari gargekoba Qotei qa louoqneb qaji naŋgi ti uŋa kokba qudei ti naŋgi dego Yesus qa naŋgo areqalo siŋgilatosib Pol wo Sailas wo naŋgi daurnjreb.

Aposel 20:32

“Bini e niŋgi Qotei aqa baŋq di ateleŋitqa a na niŋgi geregere taqatŋgoqnqas. Qotei a niŋgi qa are boleiyosiqa eleŋej anjam di niŋgi siŋgila na ojesoqnibqa anjam dena nuŋgo are siŋgilatetŋgoqnqas. Niŋgi Qotei aqa segi tamo uŋgasari a na nami gilteleŋej qaji. Deqa mondoŋ a na niŋgi iŋgi bole bole eŋgoqnqas.

1 Korin 15:10

Ariya Qotei a e qa are boleiyej deqa bini e aqa anjam maro tamo unum. A e qa are boleiyej aqa kumbra di laŋa uloŋosai. E aqa kumbra di osim siŋgila na waukobaoqnsim Qotei aqa anjam maro tamo kalil naŋgi tulaŋ buŋnjreqnum. Ariya e ijo segi siŋgila na wau di yosaieqnum. Qotei a e qa are boleiyej deqa a na e siŋgila ebeqnaqa e wau di yeqnum.

2 Timoti 4:22

Tamo Koba Yesus a na ino qunuŋ geregere taqateme. Osim niŋgi kalil qa are boleiyeme.

Taitus 3:15

Tamo uŋgasari kalil e koba na endi unum qaji naŋgi na ni kaiyeimonub. Deqa ni na tamo uŋgasari iga tulaŋ qalaqala-igeqnub qaji naŋgi kamba gago kaiye anjam endi minjrime. Tamo uŋgasari naŋgi di Yesus qa naŋgo areqalo siŋgilateqnub. O was qu, Qotei a niŋgi kalil qa are boleiyeme.