Aposel 14:18 - Yesus Aqa Anjam Bole

¹⁸ Onaqa tamo uŋgasari naŋgi Pol wo Barnabas wo naŋgo anjam di qusib quosaibulosib olo minjreb, “Niŋgi gago qotei.” Degsib minjroqnsib naŋgi aiyel atrainjrqajqa tulaŋ siŋgilaeqnab naŋgi na saidnjroqneb.

Aposel 14:18 ပူးပေါင်းရင်းမြစ်များ

Matyu 13:15

Tamo uŋgasari di naŋgo areqalo geteŋnjrejunu. Naŋgo dabkala na ijo anjam quqwajqa asginjreqnu. Naŋgi ŋam bruŋejunub. Deqa naŋgo ŋamdamu na ijo kumbra unqasai. Naŋgo dabkala na ijo anjam qusib aqa utru poinjrqasai. Naŋgi are bulyosib ijoq babqa e na naŋgi boletnjrqasai dego.’ Qotei a nami degsi marej.

Jon 6:15

Onaqa Yesus a naŋgo anjam di qusiqa endegsi qalieej, tamo uŋgasari kalil naŋgi bosib a ojsib a naŋgo Mandor Koba sqajqa minjqab. Yesus a degsi qalieosiqa naŋgi a mandor koba ataib deqa a sawa di uratosiqa a segi manaq oqsiq di soqnej.

Aposel 14:17

Bati deqa Qotei a niŋgi qa uliosaioqnej. Niŋgi a qa qalieqajqa deqa a bati gaigai niŋgi geregereiŋgoqnej. A laŋ goge dena awa eŋgeqnaqa iŋgi uyo kalil aqa bati qa melieqnaqa niŋgi bati gaigai uyoqnsib areboleboleiŋgoqnej.”

Aposel 14:19

Onaqa Juda tamo qudei naŋgi Antiok dena ti Aikoniam dena ti walwelosib Listra qureq beb. Bosib dia tamo uŋgasari naŋgo are ugetetnjrnabqa naŋgi tigelosib Pol meniŋ na qaleb. Osib a giriŋyosib gilsib qure qalaq di ateb. Naŋgi are qaleb, “A moiqo.”