Aposel 13:49 - Yesus Aqa Anjam Bole

⁴⁹ Bati deqa Tamo Koba Qotei aqa anjam tulaŋ kobaosiqa sawa di keretej.

Aposel 13:49 ပူးပေါင်းရင်းမြစ်များ

Matyu 9:31

Ariya naŋgi Yesus aqa anjam di dauryosai. Yesus a naŋgi aiyel boletnjrej deqa naŋgi gilsib mare mare laqnab sawa deqaji tamo uŋgasari kalil naŋgi quekriteb.

Aposel 12:24

Ariya bati deqa Tamo Koba Yesus aqa anjam tulaŋ kobaoqnsiqa qure kalil keretoqnej.

Aposel 13:12

Onaqa Sergius Paulus a Tamo Koba Qotei aqa siŋgila di unsiqa Qotei aqa anjam Barnabas wo Sol wo na minjoqneb qaji di poiyonaqa tulaŋ prugugetosiq Yesus qa aqa areqalo siŋgilatej.

Aposel 19:10

Pol a wausau aiyel Efesus qureq di sosiqa Tamo Koba Yesus aqa anjam plaltosiq maroqnej. Deqa aqa anjam tulaŋ kobaonaqa tamo uŋgasari kalil Esia sawaq di soqneb qaji Juda ti Grik ti naŋgi quoqneb.

Aposel 19:26

Ariya Pol a na gago wau endi ugeteqnu. Agi a gam endena ugeteqnu. A na tamo uŋgasari gargekoba naŋgi are tigeltetnjroqnsiqa minjreqnu, ‘Tamo naŋgi baŋ na qotei gereiyo qaji di qotei bolesai. Di qotei gisaŋ.’ Yeqnaqa naŋgi aqa anjam di dauryosib qotei Artemis qoreiyeqnub. Osib naŋgi Artemis aqa atra tal sulum dego awaiyqa urateqnub. Pol aqa kumbra di niŋgi uneqnub. Aqa anjam di dego niŋgi queqnub. Aqa kumbra di Efesus qureq endia segi yosai. Esia sawa keretoqnsiqa dia dego a kumbra di yeqnu.

Aposel 6:7

Bati deqa Qotei aqa anjam tulaŋ kobaoqnej. Tamo uŋgasari Jerusalem di soqneb qaji naŋgo ambleq di tamo uŋgasari tulaŋ gargekoba naŋgi are bulyoqnsib Yesus qa naŋgo areqalo siŋgilatoqnsib tamo nami Yesus qa naŋgo areqalo siŋgilateb qaji naŋgo miligiq aioqneb. Atra tamo gargekoba naŋgi dego Yesus aqa aŋgro 12-pela naŋgo anjam dauryoqnsibqa Yesus qa naŋgo areqalo siŋgilatoqneb.

Aposel 9:42

Onaqa tamo uŋgasari kalil Jopa qureq di soqneb qaji naŋgi deqa queb. Qusib naŋgo qure dia tamo uŋgasari tulaŋ gargekoba naŋgi are bulyosib Tamo Koba Yesus qa naŋgo areqalo siŋgilateb.