Aposel 13:29 - Yesus Aqa Anjam Bole

²⁹ Anjam kalil Qotei aqa medabu o tamo naŋgi nami neŋgreŋyeb qaji di Juda naŋgi dauryosib yeb. Agi naŋgi na Yesus qaleb. Osib Yesus ŋamburbasq dena osib subq ateb.

Aposel 13:29 ပူးပေါင်းရင်းမြစ်များ

Mak 15:42

Ariya Juda naŋgo yori bati brantqa laqnaqa yori bati aqa iŋgi iŋgi kalil gereiyosib atnab soqnej.

Luk 23:50

Tamo bei aqa ñam Josep a dego tigelosiqa Yesus a ŋamburbasq di gaiŋosiq moinaq unej. Josep a Juda naŋgo gate bei. A Arimatea qure qaji. Arimatea qure a Judia sawaq di unu. Josep a tamo bolequja. Aqa kumbra tulaŋ boledamu.

Luk 23:53

Degsi nenemyonaqa Pailat na odyonaqa gilsiq Yesus aqa jejamu ŋamburbasq dena osiq gara qat na dalaosiq osi gilsiq sub bei nami meniŋ miligiq di gereiyeb qaji dia atej. Sub di bunuj. Tamo bei nami sub dia atosaisoqneb.

Luk 24:44

Uysiqa minjrej, “Nami e niŋgi koba na sosimqa bati deqa e niŋgi endegsim merŋgem, ‘Dal anjam kalil Moses na nami e qa neŋgreŋyej qaji di aqa damu brantqas. Anjam kalil Qotei aqa medabu o tamo naŋgi nami e qa neŋgreŋyeleŋeb qaji di aqa damu dego brantqas. Anjam kalil louqa buk miligiq di nami e qa neŋgreŋyeb qaji di dego aqa damu brantqas.’ E nami niŋgi degsi merŋgem.”

Jon 19:28

Ariya Yesus a endegsi qalieej, “Wau kalil ijo Abu na ebej qaji agi kobotonum.” Osiqa Qotei aqa anjam bei nami neŋgreŋyeb qaji di aqa damu brantqajqa deqa marej, “E ya qarbqo.”

Jon 19:30

Onaqa Yesus a wain isa koba di uysiqa marej, “Bini e ijo wau kobotonum.” Degsi marsiqa aqa gate gulaiŋosiqa mondor titosiq moiej.

Aposel 13:27

Tamo uŋgasari kalil Jerusalem qureq di unub qaji naŋgi ti naŋgo gate kokba ti naŋgi na Yesus tigeltosib aqa jejamu laŋa gisaŋyosib a qalib moiqajqa anjam kereteb. Di kiyaqa? Yesus a bole Kristus Qotei na qariŋyej qaji di naŋgi poinjrosai deqa. Qotei aqa medabu o tamo naŋgo anjam yori bati gaigai sisiyeqnub qaji di aqa damu dego naŋgi poinjrosai. Utru deqa naŋgi na Yesus tigeltosib aqa jejamu laŋa gisaŋyosib a qalib moiqajqa anjam keretosib qalnab moiej. Naŋgo kumbra dena naŋgi Qotei aqa medabu o tamo naŋgo anjam nami neŋgreŋyeb qaji di dauryosib yeb.

Aposel 2:23

Qotei na tamo di osiq nuŋgo baŋq di atej. A nami kumbra degyqa are qalsiq deqa anjam keretej. Onaqa niŋgi na Yesus osib tamo uge naŋgo baŋq di atnabqa naŋgi na osib ŋamburbasq di qalnab moiej. Nuŋgo kumbra dena niŋgi segi na Yesus qalsib moioteb.

Aposel 26:22

Ariya naŋgi degsib marsib e moiotbosai. Di kiyaqa? Qotei a nami e taqatboqnej agi bini e bole unum. Deqa bini e tamo kokba ti tamo laŋaj ti naŋgo ulatamuq endia tigelesosim Qotei aqa anjam palontosim minjreqnum. E anjam bei palontosaieqnum. Nami Qotei aqa medabu o tamo naŋgi Moses ombla na kumbra bunuqna branteleŋqas qaji di ubtsib neŋgreŋyoqneb. Anjam di segi e bini palonteqnum.

Aposel 4:28

O Qotei, ni nami marem, ‘Naŋgi na Yesus qalib moiqas.’ Ino anjam di agi naŋgi dauryosib Yesus qalnab moiej. Naŋgo segi areqalo na naŋgi Yesus qalosai. Ni nami ino segi siŋgila na ti ino areqalo na ti marnamqa deqa naŋgi na Yesus qalnab moiej.

Aposel 5:30

Di bole, niŋgi na Yesus ŋamburbasq di qalnab moiej. Moinaqa gago moma naŋgo Qotei a na olo subq na tigeltej.

1 Korin 15:4

A moinaqa subq ateb. Bati qalub koboonaqa a olo subq na tigelej. Anjam di dego neŋgreŋq di unu.