Aposel 12:3 - Yesus Aqa Anjam Bole

³ A degyonaqa Juda tamo kokba naŋgi tulaŋ areboleboleinjrej. Onaqa Herot a di qalieosiqa naŋgo are boletetnjrqajqa deqa olo Pita ojej. Bati di Juda naŋgo bem tiyosai qaji uyqajqa yori bati koba.

Aposel 12:3 ပူးပေါင်းရင်းမြစ်များ

Matyu 26:17

Ariya Bem Tiyosai Qaji Uyqajqa Bati brantonaqa Yesus aqa aŋgro naŋgi na aqa areq bosib minjeb, “O Tamo Koba, ni iga merge. Iga aisim tal qabia yori bati aqa iŋgi iŋgi gereiyetmonamqa ni iŋgi uyqam?”

Jon 12:43

Naŋgi degsib are qaleb. Di kiyaqa? Naŋgi tamo na naŋgo ñam soqtqajqa arearetnjroqnej. Naŋgi Qotei na naŋgo ñam soqtqajqa arearetnjrosaioqnej.

Jon 19:11

Onaqa Yesus na Pailat minjej, “Qotei laŋ qureq di unu qaji a na ni siŋgila emosai qamu ni na e kumbra bei ebqa keresai qamu. Deqa ino une kiñala. Ariya atra tamo gate agi e ojsiq ino baŋq di atqo qaji aqa une kobaquja.”

Jon 21:18

“O Pita, ni que. E bole mermqai. Ni aŋgro wala sosimqa bati deqa ni ino segi areqalo dauryosim sawa ni gilqajqa maroqnem ni deq giloqnem. Ariya bunuqna ni qeliosimqa ino baŋ soqtim tamo bei na ni tontmosim sawa ni gilqajqa uratqam qaji deq osi gilqas.”

Aposel 12:4

Herot a Pita ojsiqa tonto talq di waiyej. Osiqa qaja tamo 16-pela naŋgi minjrnaqa naŋgi tonto talq dia Pita taqatesoqneb. Herot a endegsi are qalej, “Juda naŋgo yori bati koba ñam Pasova di koboamqa e Pita osiy Juda tamo uŋgasari naŋgo ulatamuq dia tigeltqai.”

Aposel 2:14

Onaqa Yesus aqa aŋgro 11-pela naŋgi Pita ombla na tigelosibqa Pita na aqa medabu waqtosiqa endegsi minjrej, “Niŋgi Juda tamo ti tamo uŋgasari kalil Jerusalem qureq endi so qaji niŋgi ti ijo anjam endi qusib poiŋgem.

Aposel 20:6

Ariya Juda naŋgo bem tiyosai qaji uyqa bati koboonaqa iga Filipai qureq dia qobuŋ bei gogetosim qobuŋ na aisim bati 5-pela koboonaqa Troas qureq di tiryem. Tiryosim dia tamo naŋgi iga qa tariŋoqneb qaji naŋgi itnjrsimqa bati 7-pela naŋgi koba na soqnem.

Aposel 24:27

Wausau aiyel koboonaqa Feliks a Judia sawa taqato wau di uratonaqa tamo bei aqa ñam Porsius Festus a kamba Feliks aqa wau di osiqa Judia sawa taqatesoqnej. Onaqa Feliks a na Juda tamo kokba naŋgo are boletetnjrqajqa deqa a Pol tonto talq di uratonaq soqnej.

Aposel 25:9

Pol a degsi marnaqa Festus a na Juda tamo kokba naŋgo are boletetnjrqajqa deqa Pol endegsi nenemyej, “Ni Jerusalem aisim dia ijo ulatamuq di tigelosim ino anjam olo marqa kere e?”

Aposel 4:13

Pita wo Jon wo naŋgi siŋgila na tigelosib anjam di maroqneb naŋgi ulaosai. Deqa Juda tamo kokba naŋgi are koba qaloqneb. Di kiyaqa? Naŋgi qalieeb, naŋgi aiyel nami skul beiq gilosai. Naŋgi tamo laŋaj. Degsib qalieosib mareb, “Naŋgi aiyel nami Yesus ombla laqneb deqa anjam siŋgila na mareqnub.”

Galesia 1:10

Niŋgi kiersib are qaleqnub? E anjam endi neŋgreŋyonum di mandam tamo naŋgi e qa boleqajqa kio Qotei a e qa boleqajqa kio deqa neŋgreŋyonum e? Mandam tamo naŋgi e qa boleqajqa deqa e waueqnum e? Niŋgi quiye. Mandam tamo naŋgi e qa boleqajqa deqa e waueqnum qamu e Kristus aqa wau tamo bolesai qamu.

1 Tesalonaika 2:4

Qotei a segi gago are miligi peleiyoqnsiq une bei unosai deqa a na iga wau egsiqa mergej. “Niŋgi ijo anjam bole mare mare laqniye.” Deqa iga endegsi are qalosaioqnem, “Iga Qotei aqa anjam maroqnimqa tamo naŋgi na iga nugoqnsib gago ñam soqtetgoqnqab.” Iga degsi are qalosaioqnem. Gago areqalo agiende. Qotei a segi na gago are miligi peleiyoqnsim gago wau qa areboleboleiyoqnqajqa deqa are qalem.