Aposel 12:20 - Yesus Aqa Anjam Bole

²⁰ Herot a nami Tair qure ti Saidon qure ti naŋgi qa ŋiriŋugetej. Deqa tamo uŋgasari qure aiyel dia soqneb qaji naŋgi koroosib mareb, “Iga tamo qudei qariŋnjrimqa naŋgi Sisaria qureq aisib Herot aqa are latetqab. Yimqa aqa ŋiriŋ koboqas.” Naŋgi degsib marsib tamo qudei qariŋnjrnabqa naŋgi aisib Herot aqa talq di brantosib tal taqato tamo aqa ñam Blastus endegsib minjeb, “Ni na Herot minjim a odimqa iga a ombla qairqom. Yimqa aqa ŋiriŋ koboqas.” Tair qure ti Saidon qure ti naŋgi na sawa Herot a taqatoqnej qaji dena iŋgi awaiyoqneb. Utru deqa naŋgi na Herot aqa ŋiriŋ kobotqajqa mareb. Onaqa Blastus a naŋgo anjam di qusiqa gilsiq Herot minjej.

Aposel 12:20 ပူးပေါင်းရင်းမြစ်များ

Luk 16:8

“Onaqa ñoro tamo a aqa ñoro taqato tamo aqa kumbra gisaŋ di poiyonaqa aqa ñam soqtosiq minjej, ‘Ni keretonum.’ Degsi minjej. Di kiyaqa? Ñoro taqato tamo uge di a powo ti sosiq deqa kumbra gisaŋ di yej. Deqa niŋgi quiye. Mandam endeqa tamo uŋgasari naŋgi mandam qa kumbra dauryqajqa naŋgo powo kobaquja. Ariya niŋgi Qotei aqa segi tamo uŋgasari suwaŋoq di unub qaji niŋgi mandam qa kumbra dauryqajqa nuŋgo powo kiñala.

Aposel 12:21

Minjnaqa Herot a qusiqa odosiqa naŋgi koba na qairqajqa bati atej. Ariya bati brantonaqa naŋgi gilsib koroonabqa Herot a bosiqa naŋgi anjam bei minjrqa osiqa mandor kokba naŋgo wala jigsiqa aqa awo jaram kobaq di awoosiq naŋgi anjam minjroqnej.

Aposel 21:3

Iga qobuŋ na gilsim Saiprus nui jojomyosim baŋ qonaŋq waiysim buŋyosim gilem. Gilsim Siria sawa buŋyosim Tair qureq di tiryem. Dia tamo qobuŋq di wauo qaji naŋgi na iŋgi iŋgi kalil waŋgarosib mandamq di ateleŋeb.

Aposel 21:7

Ariya iga qobuŋ na Tair qure uratosim aisim Tolemes qureq di tiryem. Tiryosim dia Kristen naŋgi itnjrsimqa bati qujai naŋgi koba na soqnem.