Aposel 12:17 - Yesus Aqa Anjam Bole

¹⁷ Onaqa Pita a aqa baŋ soqtosiqa naŋgi anjam marqa getentnjrnaqa naŋgi kirionabqa Tamo Koba Yesus na tonto talq dena oqeq atej deqa naŋgi sainjrej. Osiqa minjrej, “Niŋgi gilsib Kristen was kalil Jems ombla endegsib minjriye, ‘Pita a tonto talq dena oqedqo.’” Pita a naŋgi degsi minjrsiqa naŋgi uratnjrsiq tal beiq gilej.

Aposel 12:17 ပူးပေါင်းရင်းမြစ်များ

Matyu 10:23

Qure bei beiq dia tamo uŋgasari naŋgi na niŋgi ugeugeiŋgoqnibqa niŋgi naŋgo qure di uratoqnsib olo qure beiq giloqniye. Niŋgi quiye. E bole merŋgwai. Niŋgi Israel naŋgo qure qure kalil keretosaisoqnibqa e Tamo Aŋgro olo bqai.

Mak 6:3

Iga qalie, a laŋa tal gereiyo qaji tamo. A Maria aqa ŋiri. A Jems na Joses na Judas na Saimon na naŋgo was. Aqa nawi kalil naŋgi agi iga koba na endi unum.” Naŋgi degsib yomu anjam marsib Yesus qa ugeeb.

Luk 1:22

Onaqa Sekaraia a oqedosiqa naŋgi anjam minjrqa yonaq keresaiiyej. Deqa naŋgi mareb, “Qotei aqa kumbra bei atra tal miligiq di brantqoqa Sekaraia a unqo. Deqa a anjam marqa keresai.” Sekaraia aqa medabu geteŋyej deqa a baŋ na segi naŋgi anjam minjroqnej.

Jon 10:40

Ulaŋosiqa olo Jordan ya taqal beiq gilej. Gilsiqa sawa Jon na nami tamo uŋgasari naŋgi yansnjroqnej qaji sawa di soqnej.

Jon 11:54

Onaqa Yesus a di qalieosiq deqa a Juda naŋgo ambleq di walwelosaioqnej. A segitosiqa qure kiñala bei wadau sawa jojom deq gilsiqa aqa aŋgro naŋgi koba na dia soqneb. Qure di aqa ñam Efraim.

Jon 13:24

Deqa Saimon Pita a baŋ na aŋgro di minjej, “Ni na Yesus nenemyimqa a aŋgro yai qa degsi marqo di mermqas.”

Jon 7:1

Bati bei Yesus a Galili sawaq dia laqnej. A Judia sawaq dia laqajqa uratej. Di kiyaqa? Juda tamo kokba naŋgi a qalib moiqajqa maroqneb deqa.

Jon 8:59

Onaqa naŋgi Yesus aqa anjam di qusibqa naŋgi a qa minjiŋ oqetnjrnaqa meniŋ eleŋosib Yesus meniŋ na qalsib moiotqa yonab a loumosiq atra tal uratosiq ulaŋej.

Aposel 1:15

Bati bei tamo uŋgasari 120 Yesus qa naŋgo areqalo siŋgilateb qaji naŋgi koroosib sonabqa Pita a naŋgo ambleq di tigelosiqa minjrej,

Aposel 12:16

Onaqa Pita a siraŋmeq di tigelesosiqa kindokindoŋeqnaqa naŋgi kalil bosib siraŋ waqtosib Pita uneb. Unsib tulaŋ prugeleŋeb.

Aposel 12:18

Ariya nebeonaqa qaja tamo tonto tal taqatesoqneb qaji naŋgi ŋam ateb Pita a tonto talq di sosai degsi unsibqa naŋgi tulaŋ ulaugetosib are koba qaloqnsib maroqneb, “Pita a qabitqo?”

Aposel 13:16

Onaqa Pol a tigelosiqa aqa baŋ soqtosiqa tamo uŋgasari naŋgi anjam marqa getentnjrnaqa naŋgi kirionabqa endegsi minjrej, “O Israel tamo ti tamo kalil Qotei aqa sorgomq di unub qaji niŋgi ti ijo anjam endi quiye.

Aposel 15:13

Sainjrsib koboonaqa Jems a kamba tigelosiqa naŋgi kalil endegsi minjrej, “O ijo was kalil, e na anjam bei niŋgi merŋgit quiye.

Aposel 16:40

Degsib minjrnabqa naŋgi aiyel tonto tal uratosibqa walwelosib Lidia aqa talq gileb. Gilsib dia Yesus aqa tamo uŋgasari qudei naŋgi itnjrsibqa Yesus aqa anjam na naŋgo are siŋgilatetnjreb. Osib naŋgi uratnjrsib qure di uratosib gileb.

Aposel 19:33

Onaqa Juda naŋgi na tamo bei aqa ñam Aleksander osib koro sawa ambleq di tigeltonabqa tamo uŋgasari naŋgi a unsibqa mareb, “Tamo di aqa une qa kio iga bosim koroonum.” Onaqa Aleksander a tigelosiqa tamo uŋgasari naŋgi anjam bei minjrqa osiqa naŋgi kiriqajqa deqa aqa baŋ soqtej.

Aposel 21:18

Nebeonaqa iga Pol ombla na Jems unqajqa aqa talq gilem. Kristen gate kalil naŋgi Jems koba na koroesonab iga gilsim tal gogetosim naŋgi itnjrem. Nami Qotei na Pol qariŋyonaqa a sawa bei beiq dia laqnsiqa tamo uŋgasari naŋgi Yesus aqa anjam minjre minjre laqnej. Deqa a Jerusalem dia Kristen gate naŋgi itnjrsiqa aqa wau deqa naŋgi sainjrej.

Aposel 21:40

Onaqa qaja tamo gate a na Pol odynaqa tetaq di tigelosiqa aqa baŋ soqtonaqa tamo uŋgasari kalil naŋgi kiri kirionabqa Hibru anjam na endegsi minjrej,

Aposel 28:15

Rom dia Kristen tamo qudei naŋgi iga aieqnam di qusibqa gamq dia iga itgwajqa marsib walwelosi beb. Naŋgi beqnabqa iga aioqnsim gam qalaq di koro sawa bei aqa ñam Apius dia naŋgi qudei turem. Olo aisimqa sawa bei aqa ñam Ŋereŋo Tal Qalub dia naŋgi qudei turem. Turosim unjrsimqa Pol a tulaŋ areboleboleiyonaqa Qotei biŋiyosiqa aqa are siŋgilakobaiyej.

1 Korin 15:7

Ariya bunuqna a Jems aqaq di brantonaq unej. Osiqa aqa anjam maro tamo kalil dego naŋgoq di brantonaq uneb.

Galesia 1:19

E Jerusalem di soqnem bati di e Yesus aqa anjam maro tamo bei unosai. E Tamo Koba Yesus aqa aube Jems a segi unem.

Galesia 2:12

Aqa kumbra uge agiende. Jems a na Juda Kristen tamo qudei muluŋ aiqajqa siŋgilaoqneb qaji naŋgi qariŋnjrnaqa naŋgi Antiok beb. Ariya naŋgi bosaisonabqa Pita a sawa bei bei qaji tamo naŋgi koba na iŋgi uyoqneb. Ariya naŋgi bonabqa Pita a naŋgi qa ulaosiq deqa a sawa bei bei qaji tamo naŋgi olo tututnjrej.

Galesia 2:9

Tamo uŋgasari naŋgi mareqnub, Jems na Pita na Jon na naŋgi qalub Kristen naŋgo gate kokba. Ariya naŋgi qalub qalieeb, Qotei a e qa are boleiyosiq wau ebej. Deqa naŋgi aqo Barnabas wo gago baŋ ojsib mergeb, “Niŋgi gago Kristen was bole.” Osib naŋgi iga ti areqalo qujaitosim anjam endegsi keretem, aqo Barnabas wo sawa bei beiq dia Qotei aqa wau yoqnqom. Ariya naŋgi Juda naŋgo ambleq di wauoqnqab.

Jems 1:1

E Jems. E Qotei wo Tamo Koba Yesus Kristus wo naŋgo wau tamo. Niŋgi Israel naŋgo moma utru 12-pela naŋgo leŋ deqaji. Niŋgi nuŋgo segi segi qure utru uratosib jaraiosib sawa sawa kalil keretosib di unub. Deqa e na anjam endi neŋgreŋyosim niŋgi qa qariŋyonum. O was niŋgi kaiye.