Aposel 11:12 - Yesus Aqa Anjam Bole

¹² Onaqa Qotei aqa Mondor na e merbej, ‘Ni tigelosim naŋgi qalub daurnjrsim gile. Ni are gulubeimaiq.’ Degsi merbonaqa e tigelosim naŋgi qalub daurnjrsim Yesus aqa tamo 6-pela agi endia tigelejunub qaji naŋgi koba na gilem. Gilsim Sisaria qureq di brantosim Kornilius aqa tal gogetem.

Aposel 11:12 ပူးပေါင်းရင်းမြစ်များ

Matyu 1:20

Degsi are qaleqnaqa bati bei Tamo Koba Qotei aqa laŋ aŋgro bei aqaq ainaqa ŋeiobilqei na unej. Unnaqa laŋ aŋgro na minjej, “O Josep, Devit aqa moma, ni Maria ame. Ni ulaaim. Ni que. Qotei aqa Mondor aqaq aiqoqa a gumaŋqo.

Jon 16:13

Ariya anjam bole qa Mondor a bosimqa nuŋgo areqalo gereiyetŋgimqa niŋgi anjam bole kalil poiŋgekritqas. A aqa segi areqalo na anjam merŋgwasai. A anjam quoqnsim di segi niŋgi merŋgoqnqas. Osim kumbra mondoŋ branteleŋqas qaji di dego ubtsim merŋgoqnqas.

Aposel 1:15

Bati bei tamo uŋgasari 120 Yesus qa naŋgo areqalo siŋgilateb qaji naŋgi koroosib sonabqa Pita a naŋgo ambleq di tigelosiqa minjrej,

Aposel 10:23

Onaqa Pita a naŋgo anjam di qusiqa naŋgi joqsiq aqa talq dia koba na soqneb. Ŋereŋosib nebeonaqa Pita a naŋgi koba na tigelosib aieb. Jopa tamo qudei Yesus dauryoqneb qaji naŋgi dego koba na aieb.

Aposel 11:13

Gogetonamqa Kornilius na iga saigosiq endegsi mergej, ‘Laŋ aŋgro bei a bosiqa ijo talq endia tigelesonaq unem. Unnamqa merbej, “Ni na tamo qudei naŋgi qariŋnjrimqa Jopa qureq aisib dia tamo bei aqa ñam Saimon ñam bei Pita a osib beb. Osib babqa a na ni anjam bei mermqas. Mermimqa anjam dena Qotei na ni ti tamo uŋgasari kalil ni ombla tal qujaiq di unub qaji naŋgi ti oqas.” ’

Aposel 13:2

Bati bei naŋgi Tamo Koba Qotei qa louoqnsib qurieŋosib iŋgi ti ya ti uratsib sonabqa Qotei aqa Mondor na naŋgi minjrej, “Niŋgi na Barnabas wo Sol wo naŋgi aiyel giltnjrsib qariŋnjribqa e na wau enjro qaji di naŋgi gilsib wauoqnqab.”

Aposel 13:4

Qotei aqa Mondor na naŋgi aiyel qariŋnjrnaq gilsib Selusia qureq di brantosib dia qobuŋ bei gogetosib qobuŋ na gilsib Saiprus nuiq di branteb.

Aposel 15:9

Qotei a gam bei na iga Juda tamo uŋgasari eleŋosim olo gam bei na sawa bei bei qaji tamo naŋgi eleŋqasai. Naŋgi ti iga ti koba na Yesus qa gago areqalo siŋgilatqom gam dena qujai Qotei na iga are bulyetgosim gago une kobotetgwas.

Aposel 28:15

Rom dia Kristen tamo qudei naŋgi iga aieqnam di qusibqa gamq dia iga itgwajqa marsib walwelosi beb. Naŋgi beqnabqa iga aioqnsim gam qalaq di koro sawa bei aqa ñam Apius dia naŋgi qudei turem. Olo aisimqa sawa bei aqa ñam Ŋereŋo Tal Qalub dia naŋgi qudei turem. Turosim unjrsimqa Pol a tulaŋ areboleboleiyonaqa Qotei biŋiyosiqa aqa are siŋgilakobaiyej.

Aposel 8:29

Onaqa Qotei aqa Mondor na Filip minjej, “Ni gilsim karis di jojomye.”

Rom 3:22

Gam agiende. Tamo uŋgasari Yesus Kristus qa naŋgo areqalo siŋgilateqnub qaji naŋgi segi Qotei na tamo bole une saiqoji qa minjreqnu. Gam di segi. Gam bei saiqoji.

2 Tesalonaika 2:2

Tamo qudei naŋgi gisaŋoqnsib endegsib merŋgeqnub, “Tamo Koba Yesus a olo bqajqa bati brantqo.” Osib tamo qudei naŋgi endegsib mareqnub, “Qotei aqa Mondor na degsi babtosiq iga mergwo.” Olo tamo qudei naŋgi mareqnub, “Gago anjam di Qotei aqa anjam.” Olo tamo qudei naŋgi mareqnub, “Pol aqa wau qujai naŋgi ti anjam di neŋgreŋyonab iga sisiyem.” O was qu, naŋgo anjam di gisaŋ. Deqa niŋgi naŋgo anjam di qusibqa niŋgi urur prugugetosib are gulubeiŋgaiq.

Uli Anjam 22:17

Qotei aqa Mondor Bole wo Kaja Du aqa uŋa bunuj wo naŋgi aiyel na maronub, “Yesus, ni aue.” Anjam e neŋgreŋyo-num qaji endi niŋgi kalil qusib mariye, “Yesus, ni aue.” Tamo a ya qaryimqa bosim ŋambile qa ya di osim uyem. Ya di awai saiqoji. Qotei na laŋa anaiyqas.