Aposel 10:38 - Yesus Aqa Anjam Bole

³⁸ Qotei na aqa Mondor siŋgila koba ti unu qaji di Yesus yonaqa a walweloqnsiqa kumbra bole bole yoqnsiqa tamo uŋgasari Satan na ugetnjro qaji naŋgi kalil boletnjroqnej. Qotei a Yesus ombla soqneb deqa a siŋgila ti wauoqnej.

Aposel 10:38 ပူးပေါင်းရင်းမြစ်များ

Matyu 12:15

Onaqa Yesus a naŋgo anjam di qalieosiqa qure di uratosiq walwelosiq gilej. A gileqnaqa tamo uŋgasari gargekoba naŋgi a dauryosib giloqneb. Deqa a na tamo uŋgasari kalil ma ti soqneb qaji naŋgi boletnjroqnej.

Matyu 12:28

Ariya e Qotei aqa Mondor aqa siŋgila na mondor uge naŋgi winjrqai di niŋgi unsib poiŋgwas, ‘Bole, Qotei na iga taqatgosiq gago Mandor Koba unu.’ Niŋgi degsi poiŋgwas.

Matyu 9:19

Onaqa Yesus na tamo di odyosiqa tigelosiq a dauryosiq gileqnaqa aqa aŋgro naŋgi dego tigelosib naŋgi aiyel daurnjrsib gileb.

Matyu 9:35

Ariya Yesus a dena walwelosiqa qure kokba ti qure kiñilala ti dia brantoqnsiqa Juda naŋgo Qotei tal miligiq giloqnsiqa Qotei aqa anjam palontosiq minjroqnej. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam bole di Yesus na palontosiq minjroqnej. Osiqa tamo ma utru segi segi naŋgi boletnjroqnej.

Mak 6:6

Aqa segi qure utru naŋgi a qa naŋgo areqalo siŋgilatosai. Deqa a are gulubeiyej. Deqa a naŋgi uratnjrsiqa walwelosiq qure bei beiq giloqnsiqa dia Qotei aqa anjam palontosiq minjroqnej.

Luk 3:22

Laŋ waqonaqa Qotei aqa Mondor binoŋ bulosiq laŋ goge dena aisiqa Yesus aqa jejamuq di awoej. Awoonaqa laŋ goge dena Qotei na Yesus metonaqa aqa kakoro quej. A na endegsi minjnaq quej, “Ni ijo segi aŋgro qujai. E na ni tulaŋ qalaqalaimeqnum. E ni qa tulaŋ areboleboleibqo.”

Luk 4:18

“Tamo Koba Qotei na e giltbej deqa aqa Mondor ijoq di unu. A na e giltbosiqa endegsi merbej, ‘Ni na tamo uge uge naŋgi ijo anjam bole plaltosim minjroqne.’ Agi Qotei na e qariŋbonaq mandamq aiem deqa e na tamo uŋgasari naŋgo segi une na siŋgila na ojejunu qaji naŋgi Qotei aqa anjam bole minjroqnitqa naŋgo une uratoqnqab. E na tamo ŋam qandimo unub qaji naŋgi boletnjroqnitqa naŋgi olo ŋamdamu poinjroqnqas. Tamo naŋgi naŋgo jeu tamo na ugeugeinjreqnub qaji naŋgi aqaryainjroqnitqa naŋgo gulube kobooqnqas.

Luk 9:42

Onaqa osi beqnaqa mondor uge dena aqa jejamu ojsiq mandamq waiysiq qunjimyoqnej. Yeqnaqa Yesus na mondor uge di ŋiriŋtosiq wiyonaq aŋgro aqa jejamu uratonaq boleej. Onaqa Yesus na aŋgro di baŋ ojsiq osi gilsiqa aqa abu yej.

Luk 9:56

Osiqa aqa aŋgro kalil naŋgi joqsiqa koba na qure beiq aieb.

Jon 10:32

Osib Yesus qalqa laqnab endegsi minjrej, “E na niŋgi Qotei aqa wau bole bole gargekoba osorŋgoqnem. Niŋgi wau deqa kiersib are qalsib deqa e lubsib moiotbqa meniŋ eleŋonub?”

Jon 16:32

Niŋgi quiye. Bati bei bqas agi jojomqo. Od, bati di bqo. Deqa jeu tamo naŋgi na niŋgi teteiŋgibqa niŋgi kalil e uratbosibqa segisegiosib nuŋgo qureq jaraiibqa e segi sqai. Bole, e segi sqasai. Di kiyaqa? Ijo Abu a e ombla unum deqa.

Jon 3:2

A qolo Yesus aqa areq bosiqa minjej, “O Qalie Tamo Koba, iga qalieonum, Qotei na ni qariŋmej deqa ni bosim gago qalie tamo unum. Qotei a tamo bei ombla sqasai di a maŋwa ni yeqnum qaji di babtqa keresai.”

Jon 3:34

Tamo Qotei na qariŋyej qaji a Qotei aqa anjam babtosiq mergeqnu. Di kiyaqa? Qotei na aqa Mondor aqa siŋgila potosiq taqal bei segi Yesus yosai. A na aqa siŋgila kalil Yesus yekritej.

Jon 6:27

Jejamu qa iŋgi a koboqas. Niŋgi iŋgi deqa wauaib. Iŋgi gaigai sqas qaji deqa niŋgi wauoiye. Iŋgi dena niŋgi ŋambile gaigai sqab. Ŋambile gaigai sqajqa iŋgi di e Tamo Aŋgro na niŋgi anaiŋgwai. Ijo Abu Qotei na e giltbej deqa e na iŋgi di anaiŋgwai.”

Aposel 10:37

Niŋgi qalie, Jon a bosiqa tamo uŋgasari naŋgi yanso qa anjam minjroqnej. Bati deqa Yesus Nasaret qaji a Galili sawaq di sosiqa aqa wau utru atej. Aqa wau utru atsiqa a walweloqnsiqa Judia sawa naŋgo qure kalil keretoqnsiq wauoqnej.

Aposel 2:22

“Deqa Israel tamo uŋgasari, niŋgi ijo anjam endi quiye. Niŋgi qalie, Qotei na Yesus Nasaret qaji a qariŋyonaq mandamq aisiqa kumbra gargekoba nuŋgo ambleq di yoqnej. Kumbra yeqnaqa niŋgi unoqnsib maroqneb, ‘Bole, Qotei na Yesus qariŋyonaq bej.’

Hibru 1:9

Ni kumbra tiŋtiŋ qa tulaŋ arearetmeqnu. Ni kumbra uge qa arearetmosaieqnu. Deqa ino Qotei na ino gateq di goreŋ bilentej. Aqa kumbra dena a na ni giltmosiqa ñam kobaquja emej. Deqa ni tulaŋ areboleboleimeqnu. Ino arebolebole dena ino kadoi naŋgo arebolebole tulaŋ buŋyejunu.”

1 Pita 5:8

Niŋgi nuŋgo segi walwel geregere taqatosib ŋam atsib soqniye. Bauŋ juwaŋ naŋgi tulaŋ leleŋoqnsib tamo ñumoqnsib uyeqnub dego kere nuŋgo jeu tamo Satan a na gaigai tamo uŋgasari naŋgi padaltnjrqajqa ŋamosiq laqnu.

1 Jon 2:20

Niŋgi Qotei aqa Mondor Bole ejunub. Deqa niŋgi kalil powo ti unub.

1 Jon 3:8

Satan a nami une atsiq boqnej agi bini degsi unu. Deqa tamo a une atoqnqas di a Satan aqa tamo sqas. Ariya Qotei aqa Ŋiri a Satan aqa wau kobotqa bej.