Aposel 10:28 - Yesus Aqa Anjam Bole

²⁸ Unjrsiqa minjrej, “Niŋgi qalie, e Juda tamo. Niŋgi Juda tamo sai. Niŋgi sawa bei bei qaji tamo. Deqa gago Juda kumbra agiende. Iga nuŋgo tal gogetqajqa getento koba. Iga niŋgi koba na laqajqa dego getento koba. Moses aqa dal anjam nami degsi neŋgreŋyej unu. Di uŋgum. Qotei na e endegsi merbej, ‘Sawa bei bei qaji tamo naŋgi ijo ŋamdamuq di tamo bolesai edegaim.’ Qotei na e degsi merbej.

Aposel 10:28 ပူးပေါင်းရင်းမြစ်များ

Mak 7:2

Koroosib ŋam ateb Yesus aqa aŋgro qudei naŋgi iŋgi uyqa osib mati baŋ yansosaisosib laŋa uyeqnab unjreb.

Luk 18:11

Naŋgi atra tal miligiq gilsibqa Farisi tamo a namo tigelosiqa aqa segi jejamu soqtosiqa endegsi pailyej, ‘O Qotei, e tamo qudei naŋgi unub dego sai. E gisaŋ na tamo uŋgasari naŋgi silali yainjrosaieqnum. E sambala kumbra yosaieqnum. E kumbra uge bei dego yosaieqnum. E takis o qaji tamo di bul sai.

Jon 18:28

Onaqa nobqolo malu qameqnaq Juda tamo kokba naŋgi na Kaiafas aqa talq dena Yesus osib Rom naŋgo mandor koba Pailat aqa tal kobaqujaq osi gileb. Osi gilsib naŋgi segi Pailat aqa tal miligiq gilosai. Naŋgi endegsib are qaleb, “Pailat a Juda tamo sai. A sawa bei qaji tamo. Deqa iga aqa tal miligiq gilqa keresai. Gago dal anjam degsi unu. Iga aqa tal miligiq gilqom di iga une ti sqom. Sonamqa gago yori bati koba brantqas di iga iŋgi uyqa keresai.” Naŋgi degsi are qalsib deqa naŋgi segi Pailat aqa tal miligiq gilosai.

Jon 4:27

Yesus na uŋa degsi minjnaqa aqa aŋgro naŋgi olo qureq na bosibqa a uŋa de wo anjam mareqnab unsibqa tulaŋ koba prugeleŋeb. Ariya naŋgi Yesus nenemyosai, “Ni kiyaqa uŋa de wo anjam mareqnub?” Degosai.

Jon 4:9

Onaqa Samaria uŋa dena Yesus kamba minjej, “Ni Juda tamo. E Samaria uŋa. Deqa ni kiyaqa e merbonum, ‘Ya gambaŋ tigsim e anaibe’?” Uŋa a na degsiqa Yesus minjej. Di kiyaqa? Juda naŋgi Samaria naŋgi ti koba na anjam marosaieqnub deqa.

Aposel 10:29

Deqa niŋgi e qa anjam qariŋyonab e nuŋgo anjam gotraŋyosai. Agi e nuŋgo anjam dauryosim bosim nuŋgo tal gogetonum. Deqa niŋgi merbiye, niŋgi kiyaqa e bqajqa anjam qariŋyeb?”

Aposel 11:9

Onaqa Qotei a laŋ goge dena olo merbej, ‘Iŋgi iŋgi kalil e na bole qa maronum qaji di ni na olo uge qa maraim.’