Aposel 1:15 - Yesus Aqa Anjam Bole

¹⁵ Bati bei tamo uŋgasari 120 Yesus qa naŋgo areqalo siŋgilateb qaji naŋgi koroosib sonabqa Pita a naŋgo ambleq di tigelosiqa minjrej,

Aposel 1:15 ပူးပေါင်းရင်းမြစ်များ

Matyu 13:31

Yesus a na naŋgi yawo anjam degsi minjrsiq koboonaqa olo yawo anjam bei endegsi minjrej, “Qotei laŋ qureq di unu qaji a tamo uŋgasari naŋgo Mandor Koba sosiq naŋgi taqatnjreqnu. Kumbra di tamo bei na sis yago osiq aqa wauq di yagej dego kere.

Luk 22:32

O Pita, e ni qa gaigai endegsim Qotei pailyeqnum, ‘O Abu, ni na Pita aqa areqalo siŋgilatetimqa a e uratbqasai.’ E ni qa degsim pailyeqnum. Bole, ni mati uloŋqam. Ariya bunuqna ni olo are bulyosimqa ijoq bqam. Bosim ino was naŋgi siŋgilatnjroqnqam.”

Jon 14:12

“Niŋgi quiye. E bole merŋgwai. Tamo bei a e qa aqa areqalo siŋgilatqas di wau kalil e yeqnum qaji a dego yoqnqas. Osim ijo wau di buŋyosim wau tulaŋ kokba yoqnqas. Di kiyaqa? E ijo Abu aqaq olo oqwai deqa.

Jon 21:23

Yesus a na Pita degsi minjej. Deqa Yesus aqa aŋgro di a moiqasai anjam di sawa sawaq gileqnaqa Kristen was qu kalil naŋgi quoqneb. Aŋgro di a moiqasai Yesus na Pita degsi minjosai. A na minjej, “Aŋgro di a moiosaisoqnimqa e olo bqai degsi minjitqa ni deqa are koba qalaim.”

Aposel 10:23

Onaqa Pita a naŋgo anjam di qusiqa naŋgi joqsiq aqa talq dia koba na soqneb. Ŋereŋosib nebeonaqa Pita a naŋgi koba na tigelosib aieb. Jopa tamo qudei Yesus dauryoqneb qaji naŋgi dego koba na aieb.

Aposel 11:1

Yesus aqa aŋgro 12-pela naŋgi ti Kristen was kalil Judia sawaq di soqneb qaji naŋgi ti anjam endegsib queb, “Sawa bei bei qaji tamo naŋgi dego are bulyosib Qotei aqa anjam dauryeqnub.”

Aposel 11:12

Onaqa Qotei aqa Mondor na e merbej, ‘Ni tigelosim naŋgi qalub daurnjrsim gile. Ni are gulubeimaiq.’ Degsi merbonaqa e tigelosim naŋgi qalub daurnjrsim Yesus aqa tamo 6-pela agi endia tigelejunub qaji naŋgi koba na gilem. Gilsim Sisaria qureq di brantosim Kornilius aqa tal gogetem.

Aposel 11:26

Gilsiq Sol ŋamosiq itosiq ombla puluosib Antiok qureq olo aieb. Aisib dia wausau qujai Yesus aqa tamo uŋgasari naŋgi koba na wauoqneb. Wauoqnsibqa tamo uŋgasari tulaŋ gargekoba naŋgi Qotei aqa anjam minjroqneb. Antiok dia tamo uŋgasari Yesus dauryoqneb qaji naŋgo ñam Kristen wainjreb.

Aposel 11:29

Kristen tamo uŋgasari naŋgi Agabus aqa anjam di qusibqa naŋgi naŋgo segi segi silali soqnej qaji di koroiyosib Kristen was qu Judia sawaq di soqneb qaji naŋgi aqaryainjrqa osibqa silali qariŋyonab naŋgoq aiej.

Aposel 12:17

Onaqa Pita a aqa baŋ soqtosiqa naŋgi anjam marqa getentnjrnaqa naŋgi kirionabqa Tamo Koba Yesus na tonto talq dena oqeq atej deqa naŋgi sainjrej. Osiqa minjrej, “Niŋgi gilsib Kristen was kalil Jems ombla endegsib minjriye, ‘Pita a tonto talq dena oqedqo.’” Pita a naŋgi degsi minjrsiqa naŋgi uratnjrsiq tal beiq gilej.

Aposel 14:2

Ariya Juda tamo qudei Pol wo Barnabas wo naŋgo anjam quqwa urateb qaji naŋgi na sawa bei bei qaji tamo naŋgo are ugetetnjrnabqa naŋgi tamo uŋgasari Yesus qa naŋgo areqalo siŋgilateb qaji naŋgi qa ugeosib misiliŋyoqneb.

Aposel 15:1

Bati bei Yesus aqa tamo uŋgasari Jerusalem qureq di soqneb qaji naŋgo ambleq na Juda tamo qudei naŋgi tigelosib Judia sawa uratosib walwelosib Antiok qureq gileb. Gilsib dia Kristen tamo uŋgasari naŋgi endegsib minjreb, “Niŋgi Moses aqa dal anjam dauryosib muluŋ unqab di Qotei a niŋgi oqas. Niŋgi muluŋ unqasai di Qotei a niŋgi oqasai.”

Aposel 15:3

Naŋgi degsib anjam keretosib naŋgi qariŋnjrnab aieb. Naŋgi aioqnsibqa Fonisia sawa ti Samaria sawa ti dia Kristen tamo uŋgasari naŋgi itnjroqnsibqa endegsib minjroqneb, “Qotei na sawa bei bei qaji tamo uŋgasari naŋgi dego are bulyetnjreqnu.” Degsib minjreqnab naŋgi quoqnsib tulaŋ areboleboleinjroqnej.

Aposel 16:2

Listra qure ti Aikoniam qure ti dia Yesus aqa tamo uŋgasari naŋgi maroqneb, “Timoti a tamo bolequja.”

Aposel 16:40

Degsib minjrnabqa naŋgi aiyel tonto tal uratosibqa walwelosib Lidia aqa talq gileb. Gilsib dia Yesus aqa tamo uŋgasari qudei naŋgi itnjrsibqa Yesus aqa anjam na naŋgo are siŋgilatetnjreb. Osib naŋgi uratnjrsib qure di uratosib gileb.

Aposel 17:10

Onaqa qolo qujai deqa Yesus aqa tamo uŋgasari qure dia soqneb qaji naŋgi na Pol wo Sailas wo qariŋnjrnab walwelosib gilsib Beria qureq di branteb. Di brantosib Juda naŋgo Qotei tal miligiq gilsib Qotei aqa anjam palontosib minjroqneb.

Aposel 17:14

Degyonabqa Yesus aqa tamo uŋgasari naŋgi di qusibqa tamo qudei minjrnabqa naŋgi na Pol suweiyosib alile aieb. Ariya Sailas wo Timoti wo naŋgi Beria qureq di soqneb.

Aposel 17:6

Aisib ŋam ateb Pol wo Sailas wo naŋgi Jeson aqa talq di sosai. Deqa naŋgi Jeson laŋa ojsib Yesus aqa tamo uŋgasari qudei dego ojeleŋosib joqsib aisib qure deqa gate kokba naŋgo ulatamuq dia tigeltnjreb. Tigeltnjrsib olo murqumyoqnsib naŋgo aiyel jejamu laŋa gisaŋnjrsib mareb, “Pol wo Sailas wo naŋgi qure qure kalilq dia tamo uŋgasari naŋgo are niñaqyetnjroqnsib laqnub. Agi bini naŋgi gago qure endeq bonubqa Jeson na naŋgi joqsiqa aqa talq di ulitnjrqo unub. Tamo aiyel dena gago mandor koba Sisar aqa dal anjam uratoqnsib mareqnub, ‘Mandor koba bei unu aqa ñam Yesus.’ Naŋgi aiyel degsib mareqnub.”

Aposel 18:18

Pol a bati gargekoba yala Korin qureq di sosiqa Yesus aqa tamo uŋgasari naŋgi koba na wauoqneb. Osiqa dena tigelosiqa naŋgi uratnjrsiqa Senkria qureq gilej. Gilsiq di sosiqa Juda naŋgo kumbra dauryosiqa aqa segi gate baŋga ti mejuŋgum ti gentej. Nami a Qotei pailyoqnsiq deqa aqa gate baŋga ti mejuŋgum ti gentosaioqnej. Deqa a tulaŋ olekobaoqnej. Ariya pailyo di koboonaqa a Senkria qureq dia aqa gate baŋga ti mejuŋgum ti gentej. Osiqa Senkria qure uratqa osiqa Prisila wo Akwila wo naŋgi joqsiqa koba na qobuŋ gogetosib gileb. Gilsib Siria sawaq di brantosib Efesus qureq di tiryeb.

Aposel 18:27

Onaqa bunuqna Apolos a marej, “E Akaia sawaq gilqai.” A degsi marnaqa Yesus aqa tamo uŋgasari Efesus qureq di soqneb qaji naŋgi na odosib minjeb, “Di kere. Ni gilime.” Degsib minjsibqa anjam bei neŋgreŋyosib Apolos yonab a na osi gilsiqa Yesus aqa tamo uŋgasari Akaia sawaq di soqneb qaji naŋgi enjrej. Endegsib neŋgreŋyeb, “O gago was niŋgi quiye. Apolos a nuŋgoq bqo. Deqa niŋgi a osib geregereiyiye.” Ariya Apolos a Akaia sawaq dia Yesus aqa tamo uŋgasari naŋgi itnjrnaqa naŋgi na a osib geregereiyeb. Onaqa a na naŋgi Qotei aqa anjam minjreqnaqa aqa anjam dena naŋgo are siŋgilatetnjroqnej. Qotei a nami naŋgi qa are tulaŋ boleiyosiqa naŋgo areqalo waqtetnjrnaqa naŋgi are bulyosib Yesus qa naŋgo areqalo siŋgilateb. Apolos a bosiqa tamo uŋgasari naŋgi di are siŋgilatetnjroqnej.

Aposel 21:17

Ariya iga Jerusalem di brantonamqa Kristen was naŋgi na iga nugsibqa tulaŋ areboleboleinjrnaqa iga osib geregereigeb.

Aposel 21:20

Onaqa naŋgi Pol aqa anjam di qusibqa naŋgi tulaŋ areboleboleinjrnaqa Qotei aqa ñam soqteb. Osib Pol minjeb, “O gago was Pol, ni qalie, Juda tamo uŋgasari tulaŋ gargekoba naŋgi are bulyoqnsibqa Yesus qa naŋgo areqalo siŋgilateqnub. Naŋgi Moses aqa dal anjam dauryqajqa dego tulaŋ siŋgilaeqnub.

Aposel 21:7

Ariya iga qobuŋ na Tair qure uratosim aisim Tolemes qureq di tiryem. Tiryosim dia Kristen naŋgi itnjrsimqa bati qujai naŋgi koba na soqnem.

Aposel 22:5

Niŋgi na Juda tamo kokba ti atra tamo gate a ti naŋgi nenemnjribqa ijo kumbra deqa niŋgi saiŋgwab. Agi e na nami atra tamo gate a endegsi minjem, ‘Ni anjam bei neŋgreŋyosim ebimqa e anjam di Damaskus qureq osi aisiy Juda gate kokba Damaskus qureq di unub qaji naŋgi enjritqa sisiyosib odbibqa e na tamo uŋgasari Yesus qa naŋgo areqalo siŋgilateqnub qaji naŋgi ojeleŋosiy joqsiy bosiy Jerusalem endia tonto talq di breinjrqai.’ E degsim atra tamo gate minjem.

Aposel 28:14

Dia iga Kristen tamo qudei naŋgi itnjrem. Itnjrnamqa naŋgi na mergonabqa iga bati 7-pela naŋgi koba na soqnem. Sosimqa naŋgi olo uratnjrsimqa siŋga na walwelosim Rom qureq di brantqa marsim aiem.

1 Korin 15:6

Osiqa bunuqna bati qujai qa a Kristen tamo 500 naŋgoq di dego brantonaq uneb. Naŋgi gargekoba bini unub. Ariya naŋgi qudei moreŋeb.

Uli Anjam 11:13

Onaqa bati qujai deqa mimiŋ tulaŋ kobaquja dosiq qure koba di reŋgiŋyonaqa qure taqal qujai bei padalej. Qure taqal 9-pela soqneb. Mimiŋ dena tamo uŋgasari 7,000 padaltnjrej. Onaqa tamo uŋgasari mimiŋ dena padaltnjrosai qaji naŋgi tulaŋ ulaugetosib Qotei laŋ qureq di unu qaji aqa ñam soqteb.

Uli Anjam 3:4

“‘Ariya tamo uŋgasari qudei Sardis qureq di unub qaji naŋgo kumbra bolequja. Naŋgo gara jigatosai deqa naŋgi gara qat jigsib e ombla walweloqnqab.