3 Jon 1:8 - Yesus Aqa Anjam Bole

⁸ Deqa iga na tamo deqaji naŋgi aqaryainjroqnqom. Iga degyqom di iga naŋgi koba na wau qujai sosim Qotei aqa anjam bole siŋgilatoqnqom.

3 Jon 1:8 ပူးပေါင်းရင်းမြစ်များ

Matyu 10:14

Tamo bei na niŋgi gereiŋgwa uratimqa kio nuŋgo anjam quqwa asgiyimqa kio niŋgi qure di uratqa oqnsib nuŋgo siŋga tumbrum butuyoqniye. Yimqa naŋgi nuŋgo kumbra di unsib poinjrqas, ‘Bole, iga kumbra ugetonum.’

Matyu 10:40

Osiqa Yesus a olo anjam endegsi minjrej, “Tamo bei na niŋgi osim geregereiŋgwas di a na e dego osim geregereibqas. Tamo a e oqas di a na ijo Abu e qariŋbej qaji di dego oqas.

Luk 11:7

A degsi mermimqa ni na kamba minjqam, ‘Ni e ŋeio ŋam gentbaim. E siraŋ qandimonum. E ijo aŋgro naŋgi ti ŋeiejunum. Deqa e ni bem emqa keresai.’ Ni na ino was degsi minjqam.

2 Korin 6:1

Iga Qotei ombla waueqnum deqa iga niŋgi siŋgila na endegsi merŋgwom, “Qotei a niŋgi qa are boleiyeqnu aqa kumbra di niŋgi osib olo laŋa urataib.”

2 Korin 8:23

Niŋgi Taitus qalie. Aqo Taitus wo ombla niŋgi aqaryaiŋgwajqa wau qujai. Gago Kristen was aiyel naŋgi di Kristen tamo uŋgasari qure qure kalilq di unub qaji naŋgi qa wau bole yeqnub. Naŋgo wau dena naŋgi Kristus aqa ñam tulaŋ soqteqnub.

Filipai 4:3

O was, e ni dego endegsi mermqai. Aqo ombla wau qujai deqa ni na uŋa aiyel naŋgi di aqaryainjrimqa naŋgi are qujaitosib sqab. Naŋgi aiyel uŋa bole. Naŋgi e daurbosib ombla na Yesus aqa anjam mare mare laqnub qaji. E na tamo qudei e koba na waueqnub qaji naŋgi ti Klemem ombla na naŋgi dego minjritqa naŋgi na uŋa aiyel naŋgi di aqaryainjrebe. Naŋgo ñam di agi Qotei na ŋambile qa buk miligiq di neŋgreŋyej unu.

Kolosi 4:11

Jastus a na dego niŋgi kaiyeiŋgwo. Aqa ñam bei Yesus. A Yesus aqa wa. Naŋgi qalub Juda tamo. Juda tamo qudei naŋgi e ombla wauosaieqnub. Naŋgi segi qalub e ombla na waueqnum. Qotei a gago Mandor Koba sosiq iga taqatgeqnu anjam di naŋgi segi qalub e aqaryaiboqnsib marsib laqnub.

1 Tesalonaika 3:2

Marsimqa Timoti qariŋyonam niŋgi qa bej. Timoti a gago Kristen was bole. A Qotei aqa wau tamo. A Kristus aqa anjam bole maro qaji tamo. Iga na a qariŋyonam niŋgi qa bej. A na niŋgi aqaryaiŋgosim nuŋgo areqalo Yesus qa siŋgilateqnub qaji di olo siŋgilatetŋgwajqa deqa marsim a qariŋyonam niŋgi qa bej.

Filemon 1:2

Aqo aiyel anjam endi ni qa ti gago jaja Apia qa ti Arkipus qa ti Kristen tamo uŋgasari kalil ino talq dia korooqnsib loueqnub qaji naŋgi qa ti qariŋyonum. Arkipus a iga ti koba na qoto tamo bulosim deqa iga siŋgila na Qotei aqa anjam dauryeqnum.

Filemon 1:24

Mak na Aristarkus na Demas na Luk na naŋgi qolqe dego ni kaiyeimonub. Naŋgi e koba na wau qujai.

3 Jon 1:10

Deqa e niŋgi qa bosiy aqa kumbra deqa niŋgi olo saiŋgwai. A iga qa anjam uge uge mareleŋeqnu. Di segi sai. A na Kristen was naŋgi aqa talq joqsi gilqa urateqnu. Yeqnaqa tamo qudei naŋgi na Kristen was qudei naŋgi naŋgo talq joqsi gilqa laqnab a na naŋgi olo getentnjreqnu. Osiqa naŋgi Qotei tal miligiq gilqa dego saidnjreqnu.

3 Jon 1:7

Tamo naŋgi di Yesus aqa wau ojqajqa maroqnsib deqa naŋgi aqa anjam osi walweleqnub. Ariya naŋgi walweloqnsib naŋgi sawa bei bei qaji tamo naŋgoq dena iŋgi iŋgi osaieqnub.

3 Jon 1:9

Nami e anjam qudei neŋgreŋyosim Kristen tamo uŋgasari nuŋgo qureq di unub qaji naŋgi qa qariŋyem. Ariya Diotrefes a tulaŋ diqoqnsiqa a na tamo kalil naŋgi buŋnjrsim aqa segi ñam soqtqajqa siŋgilaeqnu. Deqa a gago anjam di quetgosaieqnu.