3 Jon 1:7 - Yesus Aqa Anjam Bole

⁷ Tamo naŋgi di Yesus aqa wau ojqajqa maroqnsib deqa naŋgi aqa anjam osi walweleqnub. Ariya naŋgi walweloqnsib naŋgi sawa bei bei qaji tamo naŋgoq dena iŋgi iŋgi osaieqnub.

3 Jon 1:7 ပူးပေါင်းရင်းမြစ်များ

Jon 15:21

Ariya jeu tamo naŋgi ijo Abu e qariŋbej qaji a qa qaliesai. Deqa naŋgi na niŋgi ugeugeiŋgoqnqab. Di kiyaqa? Niŋgi ijo ñam ejunub deqa.

Aposel 20:33

“E silali qa kio gara qa kio tamo bei ŋilyosaioqnem.

Aposel 20:35

Kumbra kalil e nuŋgo ambleq di yoqnem qaji di niŋgi segi unoqneb. Unoqnsib endegsi poiŋgoqnej, ‘Pol aqa kumbra di bole. Deqa iga Pol aqa kumbra di dauryosim siŋgila na wauoqnsimqa tamo uŋgasari siŋgila saiqoji unub qaji naŋgi aqaryainjroqnqom. Iga Tamo Koba Yesus aqa anjam nami marej qaji deqa are qaloqnsim degsi wauoqnqom.’ Agi Yesus a segi nami endegsi marej, ‘Tamo bei na tamo bei aqaryaiyosim iŋgi bei yqas di tamo iŋgi oqas qaji a areboleboleiyqas. Ariya tamo a na iŋgi yqas qaji a olo tulaŋ arebolebolekobaiyqas.’”

Aposel 5:41

Onaqa naŋgi areboleboleinjrnaqa koro sawa di uratosib gileb. Naŋgi Yesus aqa ñam qa jaqatiŋ eb deqa Qotei a naŋgi qa marej, “Naŋgi Yesus aqa ñam qa siŋgilaonub deqa naŋgi jaqatiŋ oqa kere.” Qotei a naŋgi qa degsi marej deqa naŋgi areboleboleinjrnaq gileb.

Aposel 8:4

Ariya Yesus aqa tamo uŋgasari jaraieb qaji naŋgi sawa bei beiq giloqnsib dia Qotei aqa anjam mare mare laqneb.

Aposel 9:16

A ijo ñam qa gulube gargekoba itoqnqas. Gulube di e na osoryoqnitqa itoqnqas.”

1 Korin 9:18

Deqa e awai kie oqai? Ijo awai agiende. E Yesus aqa anjam bole maroqnsiy dena silali oqnqasai. Ijo awai bole agide. Bole, e silali oqa kere. Ariya e oqa uratem. E tamo uŋgasari naŋgi Qotei aqa anjam qa laŋa aqaryainjroqnqai. Ijo awai bole agide.

2 Korin 12:13

Kumbra e qure qureq dia Kristen tamo uŋgasari naŋgo ambleq di yeqnum qaji di e nuŋgo ambleq di dego yoqnem. Ariya kumbra qujai e nuŋgo ambleq di yosai qaji agiende. E niŋgi gulube eŋgwa uratosim deqa e niŋgi silali iŋgi iŋgi qa merŋgosaioqnem. Di e une yoqnem e? Sai. Ariya e une yoqnem bole edegosib ijo une di olo kobotetbiye.

2 Korin 4:5

Niŋgi quiye. Iga gago segi kumbra qa marosaieqnum. Iga endegsi mareqnum, “Kristus Yesus a gago Tamo Koba. Iga Yesus aqa anjam dauryeqnum deqa iga nuŋgo wau tamo unum.” Iga degsi segi mareqnum.

Filipai 2:9

Onaqa Qotei na aqa ñam olo soqtetosiqa laŋ qureq osi oqej. Od, Qotei na a ñam tulaŋ kobaquja yej. Deqa bini aqa ñam dena ñam kalil tulaŋ buŋnjrejunu.

Kolosi 1:24

E niŋgi aqaryaiŋgwa osim deqa e jaqatiŋ koba eqnum. E ijo jaqatiŋ deqa tulaŋ areboleboleibeqnu. E na Kristus aqa segi tamo uŋgasari naŋgi aqaryainjreqnum. Naŋgi aqa segi jejamu bul. A naŋgo gate. A na naŋgi aqaryainjrqa marsiq jaqatiŋ koba ej. Aqa jaqatiŋ di koboosaiunu. Deqa e dego tamo uŋgasari naŋgi qa osimqa ijo segi jejamuq di jaqatiŋ koba eqnum. Ijo kumbra dena e na Kristus aqa jaqatiŋ dauryosim kereteqnum.

3 Jon 1:8

Deqa iga na tamo deqaji naŋgi aqaryainjroqnqom. Iga degyqom di iga naŋgi koba na wau qujai sosim Qotei aqa anjam bole siŋgilatoqnqom.

Uli Anjam 2:3

Ni ijo ñam ojejunum deqa tamo qudei naŋgi na ni numoqnsib ugeugei-meqnub. Ariya e qalieonum, ni siŋgila na tigeloqnsimqa gulube di qoboiyeqnum. Ni asgimosaieqnu.