3 Jon 1:1 - Yesus Aqa Anjam Bole

¹ E Kristen naŋgo gate. O ijo was bole Gaius, e na anjam endi neŋgreŋyosim ni qa qariŋyonum. E ni bole mermqai. E ni tulaŋ qalaqalaimeqnum.

3 Jon 1:1 ပူးပေါင်းရင်းမြစ်များ

Aposel 11:30

Silali di naŋgi na Barnabas wo Sol wo enjrnabqa naŋgi na osi aisib Kristen gate Judia sawaq di soqneb qaji naŋgo baŋq di ateb.

Aposel 19:29

Naŋgi anjam degsib mareqnabqa tamo uŋgasari kalil Efesus qureq di soqneb qaji naŋgi qusibqa naŋgi dego tulaŋ murqumyoqnsibqa Masedonia tamo aiyel Pol dauryosib beb qaji naŋgo ñam Gaius wo Aristarkus wo naŋgi ojsib giriŋnjrosib qure deqa gate kokba naŋgo ulatamuq dia tigeltnjrqa marsib gurgur ti koro sawaq joqsib gileb.

Aposel 20:4

A degsi are qalsiqa tigelosiq aiqa osiqa tamo qudei naŋgi joqsiqa koba na aieb. Tamo di naŋgo ñam agi marqai. Bei Sopater. A Pirus aqa ŋiri. A Beria qure qaji. Tesalonaika tamo aiyel Aristarkus wo Sekundus wo naŋgi dego Pol koba na aieb. Bei Gaius. A Derbe qure qaji. Bei Timoti. Esia qaji tamo aiyel Tikikus wo Trofimas wo naŋgi dego Pol koba na aieb. Tamo naŋgi di Pol na joqsiqa koba na Masedonia sawaq aieb. Aisib dia iga Pol qu uratgosib namo aisib Troas qureq di branteb. Brantosib dia iga qa tariŋoqneb.

Rom 16:23

Gaius a na dego niŋgi kaiyeiŋgwo. A na e osiqa aqa segi talq dia e geregereibeqnu. Osiqa Kristen tamo uŋgasari kalil endia unub qaji naŋgi dego geregereinjreqnu. Erastus wo gago was Kwartus wo naŋgi aiyel dego niŋgi kaiyeiŋgonub. Erastus a na Korin qure naŋgo silali taqateqnu.

1 Korin 1:14

E nuŋgo ambleq di tamo qudei yansnjrosai. Krispus wo Gaius wo naŋgi segi aiyel e na yansnjrem. Deqa e Qotei qa areboleboleibqo.

1 Pita 5:1

O Kristen gate, e niŋgi anjam endegsi merŋgwai. E dego Kristen gate deqa Kristus a ijo ŋamgalaq dia jaqatiŋ osiq moinaq e unem. Mondoŋ Kristus a olo siŋgila ti ñam koba ti brantimqa bati deqa Qotei na laŋ qure qa iŋgi bole bole e ti niŋgi ti egwas. Deqa Kristen gate, niŋgi wau endegyoqniye.

1 Jon 3:18

O ijo aŋgro kalil, niŋgi quiye. Iga laŋa anjam maro na segi Kristen tamo naŋgi qalaqalainjrqom di keresai. Iga naŋgi bole qalaqalainjrsim kumbra bole bole enjroqnqom.

3 Jon 1:2

O ijo was bole, e ni qa Qotei pailyeqnum. Yim a na ni aqaryaimimqa ino wau kalil geregere brantqas. Osim ni segi dego bole sqam. E qalieonum, ino qunuŋ bole unu.