2 Timoti 4:19 - Yesus Aqa Anjam Bole

¹⁹ O Timoti, ni na ijo kaiye anjam endi osim tamo naŋgi Onesiforus aqa talq di unub qaji naŋgi ti Prisila wo Akwila wo naŋgi koba na minjrime.

2 Timoti 4:19 ပူးပေါင်းရင်းမြစ်များ

Matyu 5:47

Niŋgi nuŋgo was naŋgi segi gereinjroqnqab di kumbra tulaŋ bolesai. Nuŋgo kumbra dena niŋgi tamo qudei naŋgi buŋnjrqasai. Tamo naŋgi Qotei qaliesai qaji naŋgi dego naŋgo segi was naŋgi gereinjreqnub.

Aposel 18:18

Pol a bati gargekoba yala Korin qureq di sosiqa Yesus aqa tamo uŋgasari naŋgi koba na wauoqneb. Osiqa dena tigelosiqa naŋgi uratnjrsiqa Senkria qureq gilej. Gilsiq di sosiqa Juda naŋgo kumbra dauryosiqa aqa segi gate baŋga ti mejuŋgum ti gentej. Nami a Qotei pailyoqnsiq deqa aqa gate baŋga ti mejuŋgum ti gentosaioqnej. Deqa a tulaŋ olekobaoqnej. Ariya pailyo di koboonaqa a Senkria qureq dia aqa gate baŋga ti mejuŋgum ti gentej. Osiqa Senkria qure uratqa osiqa Prisila wo Akwila wo naŋgi joqsiqa koba na qobuŋ gogetosib gileb. Gilsib Siria sawaq di brantosib Efesus qureq di tiryeb.

Aposel 18:2

Gilsiq dia Juda tamo bei aqa ñam Akwila itej. Akwila aqa qure utru Pontus. Nami yala naŋgi aqa ŋauqali Prisila wo Itali sawa uratosib Korin beb. Rom naŋgo mandor koba Sisar Klodius a marej, “Juda naŋgi Rom qureq endia sqasai. Kalil jaraiiye.” Deqa naŋgi aiyel Itali sawa uratosib Korin qureq beb. Bosib Korin qureq di sonabqa Pol a gilsiq naŋgi itnjrej.

Aposel 18:26

Deqa bati bei a Juda naŋgo Qotei tal miligiq dia siŋgila na anjam minjreqnaqa Prisila wo Akwila wo naŋgi aqa anjam qusibqa a osib Qotei aqa gam bole geregere osoryonab a poiyej.

1 Korin 16:19

Ariya was qu, tamo uŋgasari Esia sawaq dia Qotei qa loueqnub qaji naŋgi na niŋgi kaiyeiŋgonub. Akwila wo Prisila wo naŋgi aiyel niŋgi qa tulaŋ areboleboleinjrqo deqa naŋgi Tamo Koba Yesus aqa ñam na kaiye anjam niŋgi qa qariŋyonub. Tamo uŋgasari kalil naŋgo talq dia Qotei qa loueqnub qaji naŋgi dego niŋgi kaiyeiŋgonub.