2 Timoti 3:16 - Yesus Aqa Anjam Bole

¹⁶ Qotei aqa anjam kalil neŋgreŋq di so qaji di aqa utru Qotei aqa Mondor a segi na babtonaqa naŋgi neŋgreŋyeb unu. Anjam dena iga aqaryaigwa kere. Agi anjam dena iga anjam bole qa utru osorgoqnsiqa tamo uŋgasari areqalo bole ti sosai qaji naŋgo areqalo olo tingitetnjroqnsiqa gago walwel gereiyetgoqnsiqa iga kumbra bole dauryqa gam osorgeqnu.

2 Timoti 3:16 ပူးပေါင်းရင်းမြစ်များ

Matyu 13:52

Onaqa Yesus na olo minjrej, “Qotei laŋ qureq di unu qaji a tamo uŋgasari naŋgo Mandor Koba sosiq naŋgi taqatnjreqnu. Anjam di dal anjam qalie tamo qudei naŋgi poinjreqnu. Poinjreqnu qaji naŋgi tal aqa abu bul unub. Deqa naŋgi naŋgo talq dena ñoro bunuj ti ñoro namij ti eleŋoqnsib oqeq ateqnub.”

Matyu 21:42

Naŋgi degsib Yesus minjnabqa a na olo minjrej, “Qotei aqa anjam bei unu. Niŋgi anjam di nami sisiyosai kio? Agi anjam nami endegsib neŋgreŋyeb unu, ‘Tal gereiyo qaji tamo naŋgi na tal aqa ai arqsibqa uge qa marsib taqal waiyeb. Onaqa tal aqa ai di Qotei na olo osiq tumaq di tigeltej unu. Tal aqa ai di tal siŋgilatqajqa deqa tigeltej unu. Tamo Koba Qotei a segi na tal aqa ai di tigeltej deqa iga unsim mareqnum, “Tal aqa ai di tulaŋ bolequja.” ’

Matyu 22:43

Onaqa Yesus na olo minjrej, “Devit a segi nami marej, ‘Kristus a ijo Tamo Koba.’ Agi Qotei aqa Mondor na Devit areqalo yonaqa endegsi marej,

Matyu 26:54

Ariya e degsi ijo Abu minjqasai. Deqa aqa anjam bei nami neŋgreŋyeb qaji di aqa damu brantqas. Agi nami endegsib neŋgreŋyeb, ‘Kristus a moiqas.’”

Matyu 26:56

Niŋgi kumbra di yeb deqa Qotei aqa medabu o tamo naŋgo anjam nami neŋgreŋyeleŋeb qaji di aqa damu agi brantqo.” Yesus a naŋgi degsi minjrnaqa aqa aŋgro kalil naŋgi a uratosib jaraieb.

Mak 12:24

Onaqa Yesus na minjrej, “Qotei aqa anjam nami neŋgreŋyeb qaji di aqa damu niŋgi poiŋgosai. Qotei aqa siŋgila dego niŋgi poiŋgosai. Deqa niŋgi anjam grotonub. Grotosib agi nenembonub.

Mak 12:36

Ariya Devit a segi nami marej, ‘Kristus a ijo Tamo Koba dego.’ Agi Qotei aqa Mondor na Devit aqa medabu siŋgilatetonaqa endegsi marej, ‘Tamo Koba Qotei a na ijo Tamo Koba minjej, “Ni ijo baŋ woq endi awo. Awesoqnimqa e na ino jeu tamo kalil naŋgi eleŋosiy ino sorgomq di atitqa ni na naŋgi taqatnjroqnqam.” ’

Jon 10:35

Agi nami Qotei a tamo naŋgi endegsi minjrej, ‘Niŋgi qotei.’ Qotei aqa anjam kalil neŋgreŋq di unu qaji di iga olo bulyqa keresai.

Jon 3:20

Tamo kalil kumbra uge uge yeqnub qaji naŋgi puloŋ jeuteqnub. Naŋgo kumbra uge uge di puloŋ na boleq ataim deqa naŋgi puloŋ aqaq bosaieqnub.

Aposel 1:16

“O ijo was niŋgi quiye. Qotei aqa anjam bei nami neŋgreŋyeb qaji di aqa damu bini brantqo. Anjam di aqa damu Qotei a nami brantqa marej deqa bini brantqo. Anjam di Qotei aqa Mondor na Devit minjnaqa qusiqa neŋgreŋyonaq soqnej. A Judas qa neŋgreŋyej. Judas agi a na jeu tamo naŋgi gam osornjrnaqa Yesus ojeb.

Aposel 18:25

Tamo qudei naŋgi na nami Tamo Koba Yesus aqa gam Apolos osoryeb. Deqa a siŋgila na Yesus aqa anjam plaltoqnsiqa tamo uŋgasari naŋgi minjroqnej. Ariya Yesus aqa ñam na tamo yansnjrqajqa kumbra di Apolos a qaliesai. Jon yansnjro qaji a na nami tamo uŋgasari naŋgi yansnjroqnej kumbra di segi Apolos a qalieej.

Aposel 20:20

Niŋgi qalie, e bati gaigai nuŋgo koro sawaq dia, nuŋgo segi segi talq dia nuŋgo are siŋgilatetŋgwajqa anjam merŋgoqnem. E anjam deqaji niŋgi merŋgwajqa uratosaioqnem.

Aposel 28:25

Naŋgi degsib areqalo aiyeltosib tigelosib jaraiqa laqnabqa Pol na anjam qujai endegsi minjrej, “Mondor Bole a nami Qotei aqa medabu o qaji tamo Aisaia aqa medabuq na gago moma naŋgi anjam minjrej. A anjam bole endegsi minjrej,

Rom 15:4

Qotei aqa anjam kalil naŋgi nami neŋgreŋyeb qaji di iga Qotei aqa gam osorgwajqa deqa osib neŋgreŋyeb. Anjam dena gago areqalo siŋgilatetgim iga siŋgila na tigelosim Qotei na mondoŋ iga oqajqa deqa tariŋoqnsim sqom. Utru deqa neŋgreŋyeb.

Rom 3:2

Deqa e niŋgi kamba endegsi merŋgwai. Qotei a na iŋgi tulaŋ bole bole Juda naŋgi enjrej. Iŋgi bole bei agiende. A na Juda naŋgi aqa anjam taqatqajqa deqa wau enjrej.

Rom 4:23

Agi Qotei aqa anjam bei nami endegsib neŋgreŋyeb unu, “Qotei na a tamo bole une saiqoji qa minjej.” Ariya anjam di Abraham qa segi neŋgreŋyosai.

1 Korin 12:7

Qotei aqa Mondor a na iga segi segi kalil siŋgila egeqnu. Yim iga na Kristen tamo uŋgasari kalil naŋgi aqaryainjroqnqajqa deqa.

Galesia 3:8

Nami Qotei a endegsi qalieej, bunuqna sawa bei bei qaji tamo naŋgi Kristus aqa anjam bole qusib naŋgo areqaloq di siŋgilatibqa gam dena Qotei na naŋgi tamo bole une saiqoji qa minjrqas. Qotei a degsi qalieosiq deqa a Kristus aqa anjam bole di palontosiq Abraham minjej. Agi Qotei aqa anjam bei nami endegsib neŋgreŋyeb unu, “O Abraham, ino leŋ naŋgoq dena e na sawa bei bei qaji tamo uŋgasari naŋgi kumbra bole enjrqai.”

2 Timoti 2:25

Ni na Qotei aqa wau tamo naŋgi minjrimqa naŋgi lawo na tamo naŋgi Qotei aqa anjam gotraŋyeqnub qaji naŋgo areqalo tingitetnjroqnebe. Yimqa Qotei na naŋgo are bulyetnjrimqa naŋgi aqa anjam bole poinjroqnim dauryoqnqab.

2 Timoti 4:2

Deqa ni Kristus aqa anjam palontqajqa siŋgilaoqne. Yimqa tamo qudei naŋgi ino anjam quqwa arearetnjroqnqas. Ariya tamo qudei naŋgi ino anjam quqwa asginjroqnqas. Di uŋgum. Ni gaigai Kristus aqa anjam naŋgi siŋgila na minjroqne. Osim anjam dena naŋgo are qametnjroqnsim naŋgo areqalo tigeltetnjroqne. Yim naŋgi are bulyoqnsib Qotei aqa kumbra dauryoqnqab. Deqa ni gaigai kumbra lawo na naŋgi gereinjroqnsim Qotei aqa kumbra naŋgi osornjroqne.

Hibru 11:1

Iga Qotei qa gago areqalo siŋgilateqnum. Kumbra di aqa utru agiende. Iŋgi iŋgi kalil Qotei a nami iga egwa marej qaji di agi iga egwas. Iga iŋgi iŋgi di oqajqa tariŋesonamqa ariya mondoŋ Qotei na iga egwas. Iga Qotei qa gago areqalo siŋgilateqnum deqa iga bole qalieonum, Qotei na iŋgi iŋgi di egwas. Iga gago ŋamdamu na iŋgi iŋgi di unqa keresai di uŋgum. Iŋgi iŋgi di unu.

Hibru 3:7

Iga Qotei aqa tamo uŋgasari unum deqa iga Qotei aqa Mondor Bole aqa anjam quoqnqom. Aqa anjam agiende, “Bini bati endi niŋgi Qotei aqa medabu quoqniye.

Hibru 4:12

Qotei aqa anjam a ŋambile ti unu. A siŋgila na waueqnu. A serie bul tulaŋ qalat. Deqa a na tamo naŋgo are qametnjroqnsiqa naŋgo qunuŋ ti tanu ti siŋga ti jejamu ti kalil miligiq aioqnsiq naŋgo areqalo ti naŋgo are miligi ti geregere pegiyeqnu.