2 Timoti 3:11 - Yesus Aqa Anjam Bole

¹¹ Ni qalie, Antiok qure ti Aikoniam qure ti Listra qure ti dia jeu tamo naŋgi na e kumbra uge uge ebeqnabqa e jaqatiŋ koba oqnem. Qure dia kumbra uge kalil e qa brantoqnej qaji di ni qalie. Ariya bati deqa Tamo Koba Qotei na e aqaryaiboqnsiqa gulube kalilq dena e oqnsiq taqal atoqnej. Deqa bini e bole unum.

2 Timoti 3:11 ပူးပေါင်းရင်းမြစ်များ

Aposel 13:14

Onaqa Pol wo Barnabas wo naŋgi Perga qure uratosib siŋga na walwelosib Pisidia sawaq gilsib Antiok qureq di branteb. Brantosib di sonabqa yori batiej. Deqa naŋgi Juda naŋgo Qotei tal miligiq gilsib awoonabqa Juda gate kokba naŋgi tigelosib Moses aqa dal anjam ti Qotei aqa medabu o qaji tamo naŋgo anjam ti sisiyoqneb. Sisiyosib koboonaqa naŋgi na Pol wo Barnabas wo minjreb, “O gago was aiyel, niŋgi gagoq bonub deqa tamo uŋgasari naŋgo are siŋgilatetnjrqajqa anjam bei soqnimqa tigelosib mariye.”

Aposel 13:45

Tamo uŋgasari tulaŋ gargekoba naŋgi Pol aqa anjam quqwajqa bosib koroonabqa Juda tamo kokba naŋgi na naŋgi unjrsibqa are minjiŋ oqetnjrnaqa Pol a anjam mareqnaqa naŋgi na aqa anjam gegentoqnsib a misiliŋyoqneb.

Aposel 14:8

Ariya Listra qureq dia tamo bei ai miligiq na siŋga qandamo ŋambabej qaji soqnej. A nami walwelosaioqnej. Aqa siŋga siŋgila saiqoji. Awogaigaisoqnej.

Aposel 23:10

Onaqa Sadyusi naŋgi anjam di qusibqa naŋgi tulaŋ ŋiriŋkobaosib Pol qalqajqa laqnabqa qaja tamo naŋgo gate koba a di unsiqa are qalej, “Naŋgi Pol ojsib aqa jejamu tulaŋ ugeugeiyqab.” A degsi are qalsiqa ulaosiq aqa qaja tamo naŋgi metnjrnaqa bosib Sadyusi naŋgo baŋq dena Pol yainjrsib naŋgo ŋeio talq olo osi gileb.

Aposel 26:17

Bunuqna e ni qariŋmitqa ni Juda tamo ti sawa bei bei qaji tamo ti naŋgoq giloqnqam. Deqa ni naŋgi qa ulaaim. E ni taqatmesoqnitqa naŋgi ni moiotmqasai.

Aposel 26:22

Ariya naŋgi degsib marsib e moiotbosai. Di kiyaqa? Qotei a nami e taqatboqnej agi bini e bole unum. Deqa bini e tamo kokba ti tamo laŋaj ti naŋgo ulatamuq endia tigelesosim Qotei aqa anjam palontosim minjreqnum. E anjam bei palontosaieqnum. Nami Qotei aqa medabu o tamo naŋgi Moses ombla na kumbra bunuqna branteleŋqas qaji di ubtsib neŋgreŋyoqneb. Anjam di segi e bini palonteqnum.

Aposel 9:16

A ijo ñam qa gulube gargekoba itoqnqas. Gulube di e na osoryoqnitqa itoqnqas.”

Rom 15:31

Yim a na e aqaryaibosim anjam gotraŋyo tamo Judia sawaq di unub qaji naŋgo baŋq dena e olo oqas. Niŋgi Qotei pailyibqa a na aqa segi tamo uŋgasari Jerusalem di unub qaji naŋgo are tigeltetnjrimqa e na naŋgi silali qa aqaryainjreqnum ijo wau deqa naŋgi tulaŋ areboleboleinjrim sqab.

2 Korin 1:5

Kristus a jaqatiŋ koba ej deqa iga dego jaqatiŋ koba eqnum. Kristus aqa kumbra dena Qotei na gago are olo latetgeqnu.

2 Korin 1:7

Iga niŋgi qa gago areqalo siŋgilatosim endegsi maronum, niŋgi siŋgila na tigelesqab. Iga qalieonum, niŋgi iga ti beterosib jaqatiŋ eqnum deqa Qotei na niŋgi ti iga ti gago are latetgoqnqas.

2 Korin 12:10

Deqa e Kristus aqa ñam qa siŋgila saiqoji sqai kio tamo qudei naŋgi na e misiliŋboqnqab kio e gulube oqnqai kio jeu tamo naŋgi na e ugeugeiboqnqab kio e waukobaoqnqai kio di uŋgum. E deqa areboleboleibqas. Di kiyaqa? E siŋgila saiqoji sqai bati di e Kristus aqa siŋgila ti sqai.

2 Timoti 4:7

Tamo naŋgi gurguroqnsib bubuŋeqnub dego kere e nami siŋgila na ururosim Kristus dauryoqnem agi e degsi unum. Ariya bini e ijo wau kobotonum. E Qotei qa ijo areqalo siŋgilatoqnem di e uratosai-oqnem. Agi bini e siŋgila na ojejunum.

2 Pita 2:9

Ariya was qu, Tamo Koba Qotei a nami degsiqa tamo uge uge naŋgo une qa maroqnsiq naŋgi padaltnjroqnej. Deqa iga qalieonum, tamo naŋgi Qotei dauryeqnub qaji naŋgi gulube iteqnabqa a na olo naŋgi eleŋeqnu. Naŋgi eleŋqajqa gam di Qotei a bole qalie. Tamo uge uge naŋgo kumbra di dego Qotei a qalie. Deqa mondoŋ a na naŋgi osim naŋgo une qa peginjrsim awai uge enjrqas.