2 Timoti 1:4 - Yesus Aqa Anjam Bole

⁴ Nami e ni uratmqa laqnamqa ni e qa are ugeimonaqa akamem. E deqa are qaloqnsim ni olo numqajqa are koba unu. E ni numsiyqa tulaŋ areboleboleibqas.

2 Timoti 1:4 ပူးပေါင်းရင်းမြစ်များ

Jon 16:22

Dego kere bini niŋgi are gulubeiŋgwo. Ariya bunuqna e niŋgi olo niŋgitqa niŋgi are gulube di uratosib tulaŋ areboleboleiŋgwas. Nuŋgo arebolebole di tamo bei na olo yaiŋgwa keresai.

Jon 16:24

Niŋgi nami ijo ñam na Qotei pailyosaioqneb. Ariya bini niŋgi iŋgi bei qa osibqa niŋgi ijo ñam na Qotei pailyoqniye. Osib deqa niŋgi iŋgi di osib niŋgi tulaŋ areboleboleiŋgoqnqas.”

Aposel 20:31

Deqa niŋgi geregere ŋam atsib sosibqa ijo kumbra e bati gaigai nuŋgo ambleq di yoqnem qaji deqa are qalsib dauryoqniye. Agi wausau qalub e niŋgi koba na sosimqa niŋgi padalaib deqa qolo ti qanam ti Qotei aqa anjam niŋgi merŋgoqnsim akamoqnem. E wau di uratosaioqnem. Niŋgi ijo kumbra deqa geregere are qalsib dauryoqniye.

Rom 1:11

O was qu, e niŋgi nuŋgwajqa are koba qaleqnum. Di kiyaqa? E Mondor Bole aqa anjam niŋgi merŋgitqa dena nuŋgo are siŋgilatetŋgwajqa deqa.

Filipai 1:8

Qotei a segi qalie, Kristus Yesus a iga qa are tulaŋ boleiyeqnu aqa kumbra dena ijo are tigeltetbej deqa e niŋgi kalil qa bosiy nuŋgwajqa are koba qaleqnum.

Filipai 2:26

A niŋgi nuŋgwajqa are koba qaleqnu. A qalie, a nami maiyonaqa niŋgi di qusibqa a qa are gulubeiŋgej.

1 Tesalonaika 2:17

O was qu, Juda naŋgi na iga wigeb deqa iga niŋgi uratŋgosim bati truquyala sawa beiq di soqnem. Deqa iga nuŋgo ulatamu unosaieqnum. Ariya niŋgi gago are miligiq di unub deqa iga niŋgi ti sobulejunum. Deqa iga niŋgi qa olo bosim nuŋgwajqa gam ŋameqnum. Iga niŋgi olo nuŋgwajqa are koba qaleqnum.

2 Timoti 4:21

Ni e qa urur boqujat. Ni tariŋoqnim ulili bati bo uge. Yubulus na Pudens na Linus na Klodia na naŋgi Kristen tamo kalil ti koba na kaiye anjam endi ni qa qariŋyonub.

2 Timoti 4:9

O Timoti, ni e qa urur au.

1 Jon 1:4

Iga ti niŋgi ti tulaŋ areboleboleigwajqa deqa are qalsim anjam endi neŋgreŋyosim niŋgi qa qariŋyonum.

Uli Anjam 21:4

Sosimqa naŋgo ŋam ya kalil nuntetnjrqas. Deqa naŋgi olo akamqasai. Naŋgi olo bunu moreŋqasai. Naŋgi olo are gulubeinjrqasai. Naŋgi olo jaqatiŋ oqasai. Kumbra namij deqaji kalil koboqo.”

Uli Anjam 7:17

Di kiyaqa? Kaja Du awo jaram koba jojomq di unu qaji a naŋgo Mandor Koba sqas deqa. A naŋgi joqsimqa ŋambile gaigai sqajqa ya jumbumq giloqnqas. Qotei a na naŋgo ŋam ya kalil nuntetnjrimqa naŋgi olo bunu akamqasai.”