2 Timoti 1:16 - Yesus Aqa Anjam Bole

¹⁶ E endegsi Qotei pailyeqnum, “O Tamo Koba, ni Onesiforus aqa tal qujai naŋgi qa ti dulame.” O Timoti, Onesiforus a bati gargekoba ijo are boletetboqnej. E tonto talq di soqnem bati deqa a e qa jemaiyosai.

2 Timoti 1:16 ပူးပေါင်းရင်းမြစ်များ

Matyu 25:17

Kaŋgal tamo 2,000 kina ej qaji a dego silali dena wauosiqa olo 2,000 kina bei ej.

Matyu 5:7

“Tamo uŋgasari qudei naŋgi tamo uŋgasari naŋgi qa duleqnub. Tamo uŋgasari naŋgi di tulaŋ areboleboleinjreme. Di kiyaqa? Qotei a kamba naŋgi qa olo duloqnqas.

Aposel 21:33

Onaqa qaja tamo naŋgo gate koba a bosiqa Pol ojsiqa aqa qaja tamo naŋgi minjrej, “Sil siŋgila kokba aiyel osi bosib a tontiye.” Onaqa naŋgi bosib Pol tontonabqa qaja tamo naŋgo gate koba a na tamo uŋgasari kalil naŋgi endegsi nenemnjrej, “Tamo endi yai? A une kie yqo deqa niŋgi a qaloqnab?”

Aposel 28:20

Utru deqa e niŋgi metŋgonum. E niŋgi niŋgsiy ijo anjam merŋgwajqa deqa metŋgonum. Mondoŋ Qotei na iga Israel tamo uŋgasari iga subq na tigeltgwas. Iga anjam deqa qujai gago areqalo siŋgilatosim tariŋeqnum. Utru deqa e sil kokba endena tontbonub.” Pol a na degsiqa Juda tamo kokba naŋgi minjrej.

1 Korin 16:18

Bosib e ti niŋgi ti gago are latetgonub. Deqa niŋgi tamo deqaji naŋgi qa tulaŋ areboleboleiŋgeme.

Efesus 6:20

O was qu, Qotei a segi na e qariŋbej deqa e aqa anjam bole di marsim laqnem. Utru deqa e tonto talq endi unum. E anjam bole di marqajqa wau ti. Deqa niŋgi Qotei pailyoqnibqa a na e siŋgilatboqnim e ulaqasai. E aqa anjam di siŋgila na tamo uŋgasari naŋgi minjroqnqai.

2 Timoti 1:12

Deqa uŋgum, e gulube oqnsiy sqai. E deqa jemaibqasai. E Yesus qa ijo areqalo siŋgilateqnum deqa e a qa bole qalieonum. A segi na wau endi ijo baŋq di atej deqa e qalieonum, a na wau di geregere taqatoqnqas. Taqatsim gilsim a olo bqajqa bati brantqas.

2 Timoti 1:17

A Rom qureq bosiq a e qa ŋamosiq ŋamosiq e itbej.

2 Timoti 1:18

Deqa e a qa endegsi pailyeqnum, “O Tamo Koba Qotei, mondoŋ ni na tamo naŋgi peginjrqa batiamqa ni Onesiforus a qa dulame.” O Timoti, nami Efesus qureq dia dego Onesiforus a e qa wau gargekoba yoqnsiqa aqaryaiboqnej. Di ni qalie.

2 Timoti 1:8

Deqa ni gago Tamo Koba Yesus aqa anjam marsim laqajqa jemaimaiq. E segi Yesus aqa anjam marsim laqnem deqa jeu tamo naŋgi na e ojsib tonto talq endia e waibeb unum. Deqa ni e qa dego jemaimaiq. Ni Qotei aqa siŋgila osim Yesus aqa anjam bole marsim laqne. Osim dena ni e ombla gulube oqnsim sqom.

2 Timoti 4:19

O Timoti, ni na ijo kaiye anjam endi osim tamo naŋgi Onesiforus aqa talq di unub qaji naŋgi ti Prisila wo Akwila wo naŋgi koba na minjrime.

Filemon 1:20

O ijo was Filemon, ni que. Ni Tamo Koba Kristus aqa ñam na kumbra bole di e ebe. Aqo ombla Kristus aqa tamo unum deqa ni kumbra di yosim dena ijo are boletetbe.

Filemon 1:7

Od, was, ni na Qotei aqa segi tamo uŋgasari kalil naŋgi tulaŋ qalaqalainjreqnum. Ino kumbra dena ni na naŋgo are tulaŋ siŋgilatetnjreqnum. E ino kumbra deqa qusim dena ijo are latetbqoqa e tulaŋ areboleboleibqo.

Hibru 10:34

Jeu tamo naŋgi dena nuŋgo ambleq na tamo qudei ojsibqa tonto talq di breiŋgonab sonabqa niŋgi na tonto tamo naŋgi deqa are qaloqnsib naŋgi geregereinjroqneb. Bati di jeu tamo naŋgi dena niŋgi qudei nuŋgo iŋgi iŋgi yaiŋgoqneb. Ariya niŋgi deqa are ugeiŋgosai. Niŋgi areboleboleiŋgej. Di kiyaqa? Niŋgi qalie, iŋgi di laŋa mandam qaji iŋgi. Ariya laŋ qure qaji iŋgi a bati gaigai sqas. Iŋgi di niŋgi oqsib oqab.

Hibru 6:10

Niŋgi wau bolequja yoqnsib Qotei tulaŋ qalaqalaiyoqnsib aqa segi tamo uŋgasari naŋgi geregereinjroqneb. Niŋgi nami degyoqneb agi bini niŋgi degyeqnub. Qotei a tamo uge sai. A tamo bole deqa a nuŋgo kumbra di unoqnsiq olo are walyosaieqnu.