2 Tesalonaika 3:3 - Yesus Aqa Anjam Bole

³ Ariya niŋgi qalie, Tamo Koba Yesus a kumbra bole segi yeqnu. Deqa iga a qa gago areqalo siŋgilatesqom. A na niŋgi siŋgilatŋgoqnsim taqatŋgoqnimqa Satan a na niŋgi ugeugeiŋgwa keresai.

2 Tesalonaika 3:3 ပူးပေါင်းရင်းမြစ်များ

Matyu 5:37

Niŋgi anjam bei marqa osibqa iŋgi bei na siŋgilataib. Od qa segi marsib said qa dego segi mariye. Niŋgi anjam bei totorysib marqab di niŋgi Satan aqa areqalo dauryqab.”

Matyu 6:13

Satan na iga walawalaigosim uneq waigwa laqnimqa ni na Satan getentime. Yim kumbra uge bei na iga ugetetgwasai.’

Luk 11:4

Tamo naŋgi iga qa une ateqnub qaji naŋgo une kalil iga na kobotetnjreqnum. Deqa ni na gago une kalil dego olo kobotetgime. Satan na iga walawalaigosim uneq waigwa laqnimqa ni na Satan getentime.’”

Jon 17:15

Ni na ijo segi tamo uŋgasari naŋgi joqimqa naŋgi mandam uratosib laŋ qureq oqwajqa e deqa ni pailmosai. Naŋgi mandamq endi soqnibqa ni na naŋgi taqatnjresoqnimqa tamo uge Satan a na naŋgi ugeugeinjraim deqa ni pailmonum.

1 Korin 1:9

Niŋgi Qotei aqa Ŋiri gago Tamo Koba Yesus Kristus a ombla areqalo qujaitosib sqajqa deqa Qotei na niŋgi metŋgej. Kumbra kalil Qotei a nami niŋgi eŋgwajqa marej qaji di a na eŋgwas.

1 Korin 10:13

Gulube kalil niŋgi qa branteqnu qaji di mandam tamo kalil naŋgoq di dego branteqnu. Ariya Qotei a tamo bole deqa a niŋgi uratŋgwasai. A na marimqa gulube di aqa siŋgila na nuŋgo siŋgila buŋyqasai. Qotei na gam waqtetŋgoqnimqa niŋgi gulube di britoqnsib siŋgila na tigeloqnqab.

1 Tesalonaika 5:24

Qotei agi niŋgi metŋgej qaji a na niŋgi aqaryaiŋgimqa kumbra kalil di nuŋgoq di brantqas. Di kiyaqa? Anjam kalil Qotei a mareqnu qaji di a olo dauryeqnu.

2 Tesalonaika 2:17

Qotei a na nuŋgo are siŋgilatetŋgoqnsim aqaryaiŋgoqnimqa niŋgi kumbra bole kalil geregere dauryoqnsib wau bole bole yoqniye.

2 Timoti 4:18

Deqa e qalieonum. Jeu tamo naŋgi boqnsib kumbra uge uge ebqa maroqnib Qotei na e aqaryaiboqnsim naŋgo baŋq dena e oqnsim taqal waiboqnqas. Osim bunuqna a na e laŋ qureq osi oqsim dia e taqatboqnsim ijo Mandor Koba sqas. Deqa iga bati gaigai aqa ñam soqtoqnqom. Bole.

1 Pita 5:10

Qotei a bati gaigai iga qa are tulaŋ boleiyeqnu. A Kristus Yesus aqa ñam na niŋgi metŋgej deqa mondoŋ niŋgi Kristus ombla aqa riaŋ ti so bole gaigai sqab. Deqa niŋgi mandamq endia sokiñala jaqatiŋ oqnsib koboamqa Qotei a na niŋgi olo boletŋgsim siŋgilatŋgimqa niŋgi gaigai siŋgila na tigelesqab.

2 Pita 2:9

Ariya was qu, Tamo Koba Qotei a nami degsiqa tamo uge uge naŋgo une qa maroqnsiq naŋgi padaltnjroqnej. Deqa iga qalieonum, tamo naŋgi Qotei dauryeqnub qaji naŋgi gulube iteqnabqa a na olo naŋgi eleŋeqnu. Naŋgi eleŋqajqa gam di Qotei a bole qalie. Tamo uge uge naŋgo kumbra di dego Qotei a qalie. Deqa mondoŋ a na naŋgi osim naŋgo une qa peginjrsim awai uge enjrqas.

Jut 1:24

O was qu, Qotei a na niŋgi taqatŋgoqneme. Yim niŋgi uloŋqasai. Mondoŋ a na niŋgi joqsim laŋ qureq osi oqimqa niŋgi aqa riaŋ unsib une saiqoji sosib tulaŋ areboleboleiŋgim sqab.