2 Tesalonaika 3:14 - Yesus Aqa Anjam Bole

¹⁴ Was bei a gago anjam iga neŋgreŋyonum qaji endi uratimqa niŋgi na a taqal waiyib isaq gilem. Yimqa aqa kumbra uge deqa a jemaiyqas.

2 Tesalonaika 3:14 ပူးပေါင်းရင်းမြစ်များ

Matyu 18:17

Ariya a naŋgo anjam dego quetnjrosaiamqa ni na Yesus aqa tamo uŋgasari kalil naŋgi metnjrim koroosib ni taqmosib ino was aqa une di olo minjqab. Ariya a naŋgo anjam dego quetnjrosaiamqa ni na a qoreiye. Une tamo ti takis o qaji tamo ti naŋgi qoreinjreqnub dego kere ni na ino was di qoreiye.

Rom 16:17

O was qu, nuŋgo ambleq di tamo qudei naŋgi Qotei aqa anjam niŋgi nami qusib dauryeb qaji di gotraŋyoqnsib olo bulbulyoqnsib naŋgo kumbra dena naŋgi na Kristen tamo uŋgasari naŋgi potoaiyeltnjroqnsib uneq breinjreqnub. Deqa e niŋgi siŋgila na endegsi merŋgwai. Niŋgi tamo deqaji naŋgi qa geregere ŋam atoqniye. Osib naŋgi qoreinjroqniye.

1 Korin 4:14

O was qu, niŋgi ijo anjam endi sisiyosib jemaiŋgwajqa e deqa neŋgreŋyosai. E nuŋgo areqalo tingitetŋgwajqa deqa osim anjam endi neŋgreŋyonum. Niŋgi ijo aŋgro bole. E niŋgi tulaŋ qalaqalaiŋgeqnum.

1 Korin 5:11

Ariya tamo bei a marqas, “E nuŋgo Kristen was bole.” Osim a olo sambala kumbra yqas kio tamo bei aqa ñoro qa maulyqas kio gisaŋ qotei qa louqas kio tamo naŋgi misiliŋnjrqas kio ya uge uyoqnsim nanarioqnqas kio gisaŋ na tamo naŋgo silali yainjrqas kio Kristen tamo di niŋgi koba na laqnaib. Niŋgi a ombla iŋgi uyoqnaib dego. Agi e nami anjam deqa neŋgreŋyosim niŋgi qa qariŋyem.

1 Korin 5:9

E nami anjam endegsi neŋgreŋyosim niŋgi qa qariŋyem, “Niŋgi sambala tamo naŋgi koba na laqnaib.”

2 Korin 10:6

Deqa iga niŋgi qa tariŋeqnum. Niŋgi gago anjam kalil dauryekritibqa ariya tamo kalil Qotei aqa anjam gotraŋyeqnub qaji naŋgi di iga na olo ŋolawotnjrqom.

2 Korin 2:9

Niŋgi ijo anjam kalil quoqnsib dauryeqnub kio sai kio di e qalieqajqa deqa e nami anjam di neŋgreŋyosim niŋgi qa qariŋyem.

2 Korin 7:15

Taitus a niŋgi qa bonaqa niŋgi a ulaiyosib a osib aqa anjam dauryoqneb. Nuŋgo kumbra bole di Taitus aqa areqaloq di unu deqa a na niŋgi tulaŋ qalaqalaiŋgeqnu.

Filipai 2:12

Ariya was qu, e qalieonum, niŋgi gaigai ijo anjam dauryeqnub. Ariya bini niŋgi olo siŋgila na dauryoqniye. E niŋgi koba na sqai bati deqa segi sai. Bini e isaq endi unum deqa niŋgi ijo anjam dauryqa urataib. Niŋgi ijo anjam olo siŋgila na dauryoqniye. Qotei na niŋgi padalo sawaq dena eleŋej deqa niŋgi ulaosib siŋgila na wauoqniye.

Kolosi 4:16

Niŋgi na ijo anjam kalil e na neŋgreŋyonum qaji endi sisiyosib koboamqa qariŋyib Laodisia Kristen naŋgi qa gilimqa naŋgi dego sisiyqab. E anjam bei dego nami neŋgreŋyosim Laodisia Kristen naŋgi qa qariŋyem. Ijo anjam di naŋgi na kamba olo niŋgi qa qariŋyib niŋgi dego sisiyoiye.

1 Tesalonaika 4:8

Deqa tamo bei a gago anjam endi gotraŋyqas di a tamo naŋgo anjam gotraŋyosai. A Qotei agi aqa Mondor Bole niŋgi eŋgeqnu qaji aqa anjam gotraŋyqo.

2 Tesalonaika 3:6

Ariya was qu, gago Tamo Koba Yesus Kristus aqa ñam na iga anjam bei niŋgi endegsi merŋgwom. Was qudei naŋgi gago anjam iga nami niŋgi merŋgoqnem qaji di dauryqa uratosib wauqajqa asginjreqnu. Deqa niŋgi na was naŋgi di qoreinjrsib isaq giliye. Niŋgi naŋgi koba na saib.

Taitus 2:8

Ni anjam bole segi tamo naŋgi minjroqnimqa naŋgi ino anjam di qusib uge qa marqa keresai. Jeu tamo naŋgi dego ino anjam di qusib deqa iga yomuigwa keresai. Naŋgi naŋgo segi areqalo uge qa jemainjrqas.

Taitus 3:10

Tamo bei na Kristen tamo uŋgasari naŋgo areqalo ugetetnjrsim naŋgi segi seginjrimqa ni na tamo di minjimqa aqa kumbra di uratem. A na ni quetmosaiamqa ololo minje. Minjimqa olo quetmosaiamqa ni a uratosim torei qoreiye.

Filemon 1:21

E qalieonum. Ni ijo anjam endi sisiyosim dauryosim Onesimus gereiyqam. Osim ijo anjam endi buŋyosim olo Onesimus kumbra tulaŋ boledamu yqam. Utru deqa e anjam endi neŋgreŋyosim ni qa qariŋyonum.

Hibru 13:17

Nuŋgo Kristen gate naŋgi na nuŋgo qunuŋ taqateqnub. Deqa mondoŋ Qotei a naŋgo wau deqa nenemnjrimqa naŋgi kamba a minjqab. Deqa niŋgi naŋgo medabu geregere dauryoqnsib naŋgo sorgomq di soqniye. Niŋgi degyqab di naŋgi arebolebole na niŋgi taqatŋgwab. Naŋgi are gulube ti niŋgi taqatŋgwasai. Ariya naŋgi are gulube ti niŋgi taqatŋgwab di naŋgi na niŋgi geregere aqaryaiŋgwa keresai.

2 Jon 1:10

Tamo bei a niŋgi qa bosim ariya a Kristus aqa anjam ti bqasai di niŋgi a baŋ ojaib. Niŋgi a osib nuŋgo talq osi gilaib.