2 Tesalonaika 2:10 - Yesus Aqa Anjam Bole

¹⁰ Osim gisaŋ kumbra dena a na tamo uŋgasari padalqa gam dauryeqnub qaji naŋgi gisa gisaŋnjroqnqas. Yim naŋgi padalqab. Di kiyaqa? Qotei na naŋgi eleŋqa osiq aqa anjam bole naŋgi minjreqnaqa naŋgi deqa arearetnjrosaieqnu.

2 Tesalonaika 2:10 ပူးပေါင်းရင်းမြစ်များ

Matyu 13:11

Onaqa Yesus na kamba minjrej, “Qotei a tamo uŋgasari naŋgo Mandor Koba sosiq naŋgi taqatnjreqnu. Anjam di aqa utru uliejunu. Di e na babtitqa ijo aŋgro niŋgi segi utru qalieqab. Ariya Qotei na tamo uŋgasari naŋgi di yawo anjam aqa utru osornjrqasai.

Jon 3:17

Qotei a na tamo uŋgasari mandamq endi unub qaji naŋgo kumbra qa naŋgi peginjrqajqa deqa are qalsiq aqa Ŋiri naŋgoq qariŋyosai. A na naŋgi eleŋam naŋgi padalaib deqa are qalsiq aqa Ŋiri qariŋyonaq mandamq aiej.

Rom 10:1

O was qu, ijo areqalo koba agiende. Qotei na Israel tamo uŋgasari naŋgi eleŋqajqa deqa e are koba qaleqnum. Osim deqa e gaigai Qotei pailyeqnum.

Rom 16:18

Tamo deqaji naŋgi gago Tamo Koba Kristus aqa wau ojosaieqnub. Naŋgi naŋgo segi jejamu qa are qaloqnsib deqa waueqnub. Osib tamo uŋgasari naŋgi walawalainjroqnsib gisa gisaŋnjroqnsibqa naŋgi nanaritnjreqnub. Deqa kumbra bole ti kumbra uge ti di naŋgi geregere poinjrosaieqnu.

Rom 6:17

Bole, nami niŋgi une aqa wau tamo soqneb. Ariya bini Qotei na niŋgi osiq aqa anjam aqa sorgomq di atej unub deqa niŋgi nuŋgo are miligiq na aqa anjam dauryeqnub. Qotei a kumbra degyej deqa iga a qa tulaŋ areboleboleigeqnu.

1 Korin 1:18

Tamo naŋgi padalqa gamq di unub qaji naŋgi mareqnub, “Kristus a ŋamburbasq di moiej anjam di nanari anjam.” Ariya iga Qotei na eleŋeqnu qaji iga mareqnum, “Kristus a ŋamburbasq di moiej anjam di Qotei aqa siŋgila ti unu.”

1 Korin 16:22

Ariya e ijo anjam getentqai. Tamo bei a Tamo Koba Yesus qalaqalaiyqasai di Qotei na kamba tamo di uge qa minjsim ŋolawotqas. O Tamo Koba Yesus, ni aue.

2 Korin 11:13

Tamo naŋgi di Qotei na qariŋnjrosai. Naŋgi wau tamo bolesai. Naŋgi gisaŋoqnsib naŋgo segi kumbra bulyoqnsib tamo bole buleqnub. Yim tamo uŋgasari naŋgi unsib marqab, “Naŋgi Kristus aqa wau tamo bole.”

2 Korin 11:15

A kumbra degyeqnu deqa aqa wau tamo naŋgi dego naŋgo kumbra bulyoqnsib tamo naŋgi kumbra bole dauryoqnsib waueqnub qaji naŋgi buleqnub. Iga deqa tulaŋ prugwasai. Mondoŋ Qotei na tamo naŋgi di naŋgo kumbra deqa kambatnjrsim awai ugedamu enjrqas.

2 Korin 2:15

Od, iga segi qurem quleq bul Kristus na Qotei atraiyeqnu qaji. Quleq di sawa sawa kalilq giloqnsiqa tamo uŋgasari Qotei na eleŋeqnu qaji naŋgi ti tamo uŋgasari padalqa gamq di unub qaji naŋgi ti naŋgoq aieqnu.

2 Korin 2:17

Ariya iga tamo gargekoba naŋgi bul sai. Agi tamo gargekoba naŋgi Qotei aqa anjam mareqnub di naŋgi silali oqajqa deqa osib waueqnub. Ariya iga degyosaieqnum. Qotei na iga wau egej deqa iga gisaŋ na wauosaieqnum. Iga Kristus koba na areqalo qujaitosim Qotei aqa ŋamgalaq di aqa anjam bole geregere marsim laqnum.

Efesus 4:14

Deqa iga olo aŋgro kiñilala bul sqasai. Tamo qudei naŋgi gisaŋ kumbra ti maqu kumbra ti tulaŋ qalieosib yeqnub. Deqa naŋgi gisaŋ anjam koba marsib laqnub. Jagwa na yuwal tigelteqnaqa oqe aieqnu dego kere anjam dena tamo qudei naŋgo areqalo niñaqyetnjreqnu. Ariya iga aŋgro kiñilala bul sqasai deqa anjam dena gago areqalo niñaqyetgwasai.

1 Tesalonaika 2:16

Osib iga na sawa bei bei qaji tamo uŋgasari naŋgi Qotei aqa anjam minjrqajqa gam getentetgeqnub. Sawa bei bei qaji tamo naŋgi Qotei na eleŋaim deqa maroqnsib gam getentetgeqnub. Deqa naŋgi bati gaigai naŋgo segi une tulaŋ kobaqujateqnub. Naŋgo kumbra dena Qotei aqa minjiŋ bosiq naŋgoq di unu.

2 Tesalonaika 2:12

Deqa iga qalieonum, tamo kalil Qotei aqa anjam bole naŋgo areqaloq di siŋgilatosaioqnsib kumbra uge uge yqajqa arearetnjreqnu qaji naŋgi di Qotei na ŋolawotnjrsim awai uge enjrqas.

2 Tesalonaika 2:13

Ariya was qu, Tamo Koba Yesus a na niŋgi tulaŋ qalaqalaiŋgeqnu. Deqa bati gaigai iga niŋgi qa are qaloqnsim Qotei biŋiyeqnum. Namoqna Qotei na niŋgi oqajqa deqa marsiq niŋgi giltŋgej. Aqa Mondor Bole na niŋgi siŋgilatŋgimqa niŋgi aqa segi tamo uŋgasari boledamu sosib aqa anjam bole nuŋgo areqaloq di siŋgilatib kumbra dena Qotei na niŋgi oqajqa deqa marsiq niŋgi giltŋgej.

1 Timoti 2:4

Qotei a na tamo uŋgasari kalil naŋgi oqajqa are qaleqnu. Yim naŋgi anjam bole poinjrqajqa deqa.

Hibru 3:13

Bati gaigai iga mareqnum, “Bini bati endi”. Deqa niŋgi bati gaigai Qotei aqa tamo uŋgasari naŋgi anjam bole minjroqnsib naŋgo areqalo tigeltetnjroqniye. Nuŋgo ambleq di une aqa kumbra na tamo bei gisaŋyim aqa are miligi getento uge.

2 Pita 2:12

Tamo uge deqaji naŋgi wagme bul tulaŋ nanariosib laqnub. Naŋgi naŋgo segi jejamu aqa areqalo dauryeqnub. Naŋgi wagme juwaŋ bul. Anjam naŋgi poinjrosai qaji di naŋgi olo misiliŋyeqnub. Iga na wagme juwaŋ naŋgi ojeleŋoqnsim ñumeqnum dego kere mondoŋ Qotei na tamo uge naŋgi di ñumougetqas.

2 Pita 2:18

Tamo naŋgi di naŋgo segi medabu waqtoqnsib diqoqnsib anjam uge uge mareqnub. Naŋgi na tamo qudei naŋgi walawalainjreqnab naŋgi sambala kumbra yoqnsib naŋgo segi jejamu aqa kumbra uge uge dauryeqnub. Tamo naŋgi di ya ya endi are bulyosib tamo uge naŋgo kumbra urateb. Ariya tamo uge naŋgi na olo naŋgi titnjreqnab naŋgi kumbra uge uge dauryeqnub.